ရန်ကုန်၊ ဇူလိုင် ၄ ရက် (ဆင်ဟွာ)

COVID-19 ရောဂါ ကာကွယ်ထိန်းချုပ်ကာလအတွင်း ကုမ္ပဏီများ ၏  ပြည်ပဆန်တင်ပို့မှုကို ကန့်သတ်ချက်တစ်ချို့ လုပ်ထားရာမှ ဇူလိုင်  ၁ ရက်မှ စ၍ ဖြေလျှော့ပေးလိုက်ပြီဖြစ်ကြောင်း   မြန်မာနိုင်ငံဆန်စပါးအသင်းချုပ် (MRF) ဥက္ကဋ္ဌ ဦးရဲမင်းအောင်က ဆင်ဟွာကို ဇူလိုင် ၄ ရက်တွင်ပြောသည်။

ရန်ကုန်၊ ဇူလိုင် ၃ ရက် (ဆင်ဟွာ)

မူဆယ်(၁ဝ၅)မိုင်ကုန်သွယ်ရေးဇုန်မှတစ်ဆင့် တရုတ်နိုင်ငံသို့ ကုန်စည်တင်ပို့သည့်ကုန်တင်ယာဉ်အစီးရေ ဇူလိုင် ၁ ရက်မှ စ၍ များပြားလာကြောင်း၊ အစီးရေ ၁၇ဝဝ ကျော်အထိရှိလာပြီး ၊ ကုန်သွယ်ရေးများ ပုံမှန်ပြန်ဖြစ်လာကြောင်း အဝေးပြေးကုန်စည်ပို့ဆောင်ရေး လုပ်ငန်းရှင်များအသင်း(မူဆယ်မြို့) မှ တာဝန်ရှိသူတစ်ဦးက ဆင်ဟွာကို ဇူလိုင် ၃ ရက် တွင်ပြောသည်။

ရန်ကုန်၊ဇူလိုင် ၁ ရက်(ဆင်ဟွာ)

အလုပ်သမားညွှန်ကြားရေးဦးစီးဌာန   အနေဖြင့် အလုပ်ခန့်ထားမှုဆိုင်ရာ သဘောတူစာချုပ်ပုံစံဖြင့် မေလအတွင်း ကျား ၂,၁၄၄ ဦး၊ မ  ၄,၈၂၆ ဦးတို့အတွက် အလုပ်ခန့်ထားမှုဆိုင်ရာ သဘောတူစာချုပ် စုစုပေါင်း ၆,၉၇၀ ခု ချုပ်ဆိုနိုင်ခဲ့ကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာ၏ ထုတ်ပြန်ချက်အရ သိရသည်။

 ရန်ကုန်၊ ဇွန် ၂၉ ရက် (ဆင်ဟွာ) 

ယခုဘဏ္ဍာနှစ်ကာလ အတွင်း   နိုင်ငံခြားရင်းနှီးမြှုပ်နှံမှု အမေရိကန်ဒေါ်လာ၄ ဒသမ ၄ ဘီလီယံ  ဝင်ရောက်ထားပြီး  မျှော်မှန်းချက်ပြည့်မီနိုင်ကြောင်း ရင်းနှီးမြှုပ်နှံမှု နှင့် ကုမ္ပဏီများ ညွှန်ကြားမှုဦးစီးဌာနညွှန်ကြားရေးမှူးချုပ် ဦးသန့်စင်လွင် က ပြောသည်။

ရန်ကုန်၊ ဇွန် ၂၆ ရက် (ဆင်ဟွာ) 

၂၀၂၀ ပြည့်နှစ် ဇွန်လတွင် ထီလက်မှတ်များအား “က’’ အက္ခရာ မှ “ကစ” အက္ခရာ အထိ စုစုပေါင်း အက္ခရာ ၃၉ လုံးရောင်းချခဲ့ပြီး အကုန်ရောင်းကုန်ခဲ့ကြောင်း၊ ထို့ပြင် သတ်မှတ်ကာလတွင်လာရောက်ထုတ်ယူခြင်းမရှိသော ဘဏ္ဍာရသိမ်းငွေမှ ကျန်းသန်း၂၅၀ ကို ဇူလိုင်လ ၁ ရက် တွင်ကျင်းပမည့် ၁၇ကြိမ်မြောက် ၁၀၀၀ ကျပ်တန် အောင်ဘာလေထီသိန်းဆုဖွင့်ပွဲတွင် ထပ်တိုးချီးမြှင့်သွားမည်ဖြစ်ကြောင်း စီမံကိန်း၊ဘဏ္ဍာရေး နှင့် စက်မှုဝန်ကြီးဌာန၊ ပြည်တွင်းအခွန်များဦးစီးဌာနမှ ညွှန်ကြားရေးမှူးချုပ် ဦးမင်းထွဋ် က ယနေ့ ဇွန် ၂၆ ရက်တွင် ဆင်ဟွာသို့ ပြောကြားခဲ့သည်။

နေပြည်တော်၊ ဇွန် ၁၇ ရက် (ဆင်ဟွာ)

COVID-19 ရောဂါ ကာကွယ်ထိန်းချုပ် ကုသရေး အစီအစဉ်များကြောင့် လုပ်ငန်းများ ရပ်ဆိုင်း ထိခိုက်ခဲ့သည့် ဟိုတယ်များနှင့် ခရီးသွား လုပ်ငန်းများအား ပြန်လည် ရပ်တည်နိုင်ရေးအတွက် နိုင်ငံတော် အစိုးရက COVID-19 ချေးငွေ အဖြစ် ချေးငွေများ ထုတ်ချေးခဲ့ရာ ဇွန်လ ၁၆ ရက်နေ့အထိ ကျပ် ၁၇ ဘီလီယံကျော် ရှိသည်ဟု ဟိုတယ်နှင့် ခရီးသွားလာရေး ဝန်ကြီးဌာန ဒုတိယ ဝန်ကြီး ဦးတင်လတ်က ယနေ့ ညနေ သတင်းစာ ရှင်းလင်းပွဲတွင် ပြောကြားခဲ့သည်။

ရန်ကုန်၊ ဇွန် ၁၇ ရက် (ဆင်ဟွာ) 

ရန်ကုန်တိုင်းဒေသကြီး လှည်းကူးမြို့နယ်တွင် အကောင်အထည်ဖော်မည့် လှည်းကူးစက်မှုဇုန်တည်ဆောက်ရေး လုပ်ငန်းများကို ၂၀၂၀ပြည့်နှစ် အောက်တိုဘာလတွင် စတင်ဆောင်ရွက်သွားမည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့ ကရင်တိုင်းရင်းသားလူမျိုးရေးရာ ဝန်ကြီး၊ ရန်ကုန်တိုင်းဒေသကြီးရင်းနှီးမြှုပ်နှံမှုကော်မတီအဖွဲ့ဝင် နော်ပန်းသဉ္ဇာမျိုးက ဆင်ဟွာသို့ ယနေ့ ဇွန် ၁၇ ရက်တွင်ပြောကြားခဲ့သည်။

နေပြည်တော်၊ မေ ၂၉ ရက်(ဆင်ဟွာ)

စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာနက တာဝန်ယူ ဆောင်ရွက်မည့် မြန်မာ့ စားနပ်ရိက္ခာနှင့် စိုက်ပျိုး မွေးမြူရေး စနစ် ဖွံ့ဖြိုးရေး စီမံကိန်းအတွက် ကမ္ဘာ့ဘဏ် အပြည်ပြည် ဆိုင်ရာ ဖွံ့ဖြိုးရေး အဖွဲ့၏ ၁၈ ကြိမ်မြောက် ရန်ပုံငွေ ဖြည့်တင်းမှု အစီအစဉ် (IDA-18)ထံမှ အမေရိကန်ဒေါ်လာ သန်း ၂၀၀ ချေးငွေ ရယူရန် ပြည်ထောင်စု လွှတ်တော် ယနေ့ အစည်း အဝေးက အတည်ပြုခဲ့သည်။

နေပြည်တော်၊ မေ ၂၈ ရက် (ဆင်ဟွာ)

မြန်မာနိုင်ငံ၌ အင်တာနက်မှ တစ်ဆင့် ကူးသန်းရောင်းဝယ်ရေးလုပ်ငန်းများ ထွန်းကားစေရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအနေဖြင့် Digital Economy Association နှင့် E-commerce Association တို့ကို ဖွဲ့စည်းရာတွင် အားပေးဆောင်ရွက်ခဲ့ကြောင်း၊ ထို့အတူ ပို့ဆောင်ရေးနှင့် ဆက်သွယ်ရေးဝန်ကြီးဌာနက Cyber Security ဥပဒေများ ပြဌာန်းရန် ကြိုးပမ်း နေချိန်တွင် စီး/ကူး ဝန်ကြီးဌာန အနေဖြင့်  E-commerce လုပ်ငန်းများအား အထောက် အကူ ပြုမည့် E-commerce Guide Line တစ်ခု ပေါ်ပေါက်လာရေးကို ကြိုးပမ်းဆောင်ရွက်လျက် ရှိကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ဒုတိယ ဝန်ကြီး ဦးအောင်ထူးက ယနေ့ ပြောကြားခဲ့သည်။

ရန်ကုန်၊ မေ ၂၂ ရက် (ဆင်ဟွာ)

မြန်မာနိုင်ငံတော် ဗဟိုဘဏ် အနေဖြင့်  မေ၂၁ ရက်မှ ၂၂ ရက် တွင် ၂ ရက်အတွင်း အမေရိကန်ဒေါ်လာ ၄ ဒသမ ၅ သန်း အား နိုင်ငံခြားငွေ ဈေးပြိုင်လေလံဖြင့် ဝယ်ယူခဲ့ကြောင်း မြန်မာနိုင်ငံတော် ဗဟိုဘဏ် ၏ ထုတ်ပြန်ချက်အရသိရသည်။