21
Fri, Feb
421 New Articles

ရန်ကုန်၊ ဖေဖော်ဝါရီ ၂၀ ရက် (ဆင်ဟွာ)

မြန်မာနိုင်ငံတွင် ၂၀၁၈ နှစ်ကုန်ပိုင်း၌ အသေးစားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး အတွက် အမျိုးသားအဆင့် ပူးပေါင်းပါဝင်မှု အလုပ် ရုံဆွေးနွေးပွဲ( National Socialization Seminar )သို့မဟုတ် Workshop ကျင်းပနိုင်ရန် ပြင်ဆင်နေကြောင်း သိရသည်။

ရန်ကုန်၊ ဖေဖော်ဝါရီ ၁၈ ရက် (ဆင်ဟွာ)

သီလဝါအထူးစီးပွားရေးဇုန် အပိုင်း-ခ ပထမအဆင့် ဟတ်တာ ၁ဝ၁ (ဧက ၂၅ဝ) တွင် နိုင်ငံတကာရင်းနှီးမြှုပ်နှံ သူများ၏ မြေငှားရမ်းမှု ၅ဝ ရာခိုင်နှုန်းအထိ ရှိကြောင်း သီလဝါအထူးစီးပွားရေးဇုန် စီမံခန့်ခွဲမှုကော်မတီထံမှ သိရ သည်။

ရန်ကုန်၊ ဖေဖော်ဝါရီ ၂ ရက် (ဆင်ဟွာ)

မြန်မာ့ရိုးရာစားသောက်ကုန်လုပ်ငန်းများသည် FDA ထောက်ခံချက်မရရှိသေးပဲ စည်ပင်၊ကျန်းမာရေးလိုင်စင်ဖြင့် သာ လုပ်ငန်းလုပ်ကိုင်နေရသောကြောင့် နိုင်ငံခြားသို့ တင်ပို့ရောင်းချနေသည့်လုပ်ငန်းများအား FDA (မြန်မာနိုင်ငံ အစားအသောက် နှင့်ဆေးဝါးကွပ်ကဲရေးဦးစီးဌာန) ထောက်ခံချက်ရရှိနိုင်ရေး ဆောင်ရွက်ပေးပါရန် စက်မှုဇုန်များ မြန်မာနိုင်ငံ စက်မှုကုန်ထုတ်လုပ်သူများအသင်း ဒုတိယဥက္ကဋ္ဌ ဦးဝင်းနိုင်က နိုင်ငံတော်ဒုတိယ သမ္မတ (၁) ဦးဆောင်သော ပုဂ္ဂလိကကဏ္ဍ ဖွံ့ဖြိုးတိုးတက်ရေး ကော်မတီနှင့် ပုဂ္ဂလိကလုပ်ငန်းရှင်များ ပုံမှန်တွေ့ဆုံပွဲတွင် ပြောကြားခဲ့သည်။

စက်မှုကုန်ထုတ်လုပ်သူများအသင်း ဒုတိယ ဥက္ကဋ္ဌ ဦးဝင်းနိုင်မှ ဆွေးနွေးပြောကြားစဉ်(ဓာတ်ပုံ--UMFCCI)

စက်မှုဇုန်များအတွင်း လမ်းများ အလွန်ပျက်စီးနေခြင်း၊ ရေသန့် မရရှိနိုင်သေးခြင်း၊ လူမှုဖူလုံရေး ဆေးခန်း/ ဆေးရုံ မရှိသေးခြင်း၊ စက်ရုံများအနေဖြင့် လျှပ်စစ်မီတာခ အပိုထပ်ဆောင်းယူနစ် ၁၀ရာခိုင်နှုန်း အပြင်မြင်းကောင်ရေ ကြေးအား လစဉ်ပေးဆောင်နေရခြင်း၊ စည်းကမ်းမဲ့ ကျူးကျော်များကြောင့် ရေစီးဆင်းမှုနှင့် လမ်းများဆိုးရွားလာခြင်း၊ လမ်းသမားအမည်ခံကျူးကျော်သူများကတဲထိုးပိတ်ဆို့ငွေညှစ်နေခြင်း

စသည့် အခက်အခဲများအား ဖြေရှင်းရန် သက်ဆိုင်ရာ တိုင်းဒေသကြီး စည်ပင်သာယာရေး၊ လျှပ်စစ်၊ စက်မှုလက်မှု၊ ဆောက်လုပ်ရေးနှင့် လမ်းပန်းဆက်သွယ်ရေး ဝန်ကြီးများ ပါဝင်သည့် ဦးဆောင်အဖွဲ့သည် စက်မှုဇုန်စီမံခန့်ခွဲရေးကော်မတီဝင်များ၊ လုပ်ငန်းရှင်များနှင့် ပုံမှန်အစည်းအဝေးများကျင်းပပြီး အချိန်တိုအတွင်း ထိရောက်လျင်မြန်စွာနှင့် အမြဲမပြတ်ဆောင်ရွက်ပေးနိုင်သည့် ယန္တယား (Mechanism) တစ်ခု ဖော်ဆောင်ရန်ဟူ၍ တင်ပြခဲ့ကြောင်း သိရသည်။

ရာနှုန်းပြည့် နိုင်ငံခြားရင်းနှီးမြှုပ်နှံမှုများပြုလုပ်ထားသည့် မင်္ဂလာဒုံစက်မှုဇုန်၏ ပင်မဝင်ပေါက်တွင် ဈေးသည်များ၊ တရားမဝင်ဆိုင်ကယ် ကယ်ရီများနှင့် မှတ်တိုင်တွင် ဆိုက်ရပ်ခြင်းမရှိသော YBS ယာဉ်များကြောင့် ဝင်ပေါက်ပိတ်ဆို့နေပါသဖြင့် ဖြေရှင်းဆောင်ရွက်ပေးပါရန်၊ မြန်မာ့စက်မှုဇုန်များ အထူးသဖြင့် ရွှေလင်ပန်းစက်မှုဇုန်၊ ဒဂုံမြို့သစ်တောင်ပိုင်း စက်မှုဇုန် အမှတ် (၂) နှင့် အေးသာယာစက်မှုဇုန်တို့တွင် လုပ်သားများ လုပ်ငန်းခွင်ထိခိုက်မှုများ နှင့် လူမှုဖူလုံရေး အကျုံးဝင်လုပ်သားများအတွက် လူမှုဖူလုံရေးအဖွဲ့က ဆေးရုံနှင့် ဆေးခန်းများ တည်ဆောက်ဖွင့်လှစ်ပေးရန် နှင့် မြေနေရာရရှိရေး ညှိနှိုင်းဆောင်ရွက်ပေးပါရန် နှင့်ပခုက္ကူစက်မှုဇုန်ရှိ စက်ရုံ အလုပ်ရုံ အများစုသည် ရပ်ဆိုင်းထားသည့်အခြေအနေတွင်ရှိနေပြီး၊ အလုပ်ရုံအချို့တွင် မြို့တွင်းသို့ တရားမဝင်ပြောင်းရွှေ့လုပ်ကိုင်နေခြင်းကြောင့် စက်မှုဇုန်အတွင်း အလုပ်အကိုင်ရှားပါးလာခြင်း၊ မြို့တွင်း လမ်းပိတ်ဆို့ခြင်းနှင့် မီးဘေးအန္တရာယ်ရှိနိုင်ပါသဖြင့် စက်မှုဇုန် ပြန်လည်စည်ကားလာစေရေး စသည့်အကြောင်းအရာများအား စက်မှုကုန်ထုတ်လုပ်သူများအသင်း ဒုတိယဥက္ကဋ္ဌ ဦးဝင်းနိုင်က ဆွေးနွေးတင်ပြခဲ့သည်။ (Xinhua)

ရန်ကုန်၊ ဇန်နဝါရီ ၃၁ ရက် (ဆင်ဟွာ)

၂၀၁၈ ခုနှစ် ဇန်နဝါရီလထဲတွင် တစ်ဒေါ်လာကို ကျပ် ၁၃၅၈ မှ တစ်ဒေါ်လာကို ကျပ် ၁၃၂၈ အထိ တစ်လအတွင်း ငွေကျပ် ၃၀ ကျဆင်းခဲ့ပြီး မြန်မာငွေတန်ဖိုး တက်ခဲ့သော်လည်း မြန်မာနိုင်ငံတော်ဗဟိုဘဏ်မှ ထုတ်ပြန်သည့် နှစ်အလိုက် ငွေကြေးဖောင်းပွမှုသည် ၄.၄၇ ရာခိုင်နှုန်း ရှိကြောင်းထုတ်ပြန်ထားသည်။

ရန်ကုန်၊ ဇန်နဝါရီ ၂၇ ရက် (ဆင်ဟွာ)

ရန်ကုန်တိုင်းဒေသကြီးအတွင်းSMEလုပ်ငန်းများ စာရင်းကောက်ယူခြင်း လုပ်ငန်း ကွင်းဆင်းဆောင်ရွက်လျက် ရှိကြောင်း ပြန်ကြားရေးဝန်ကြီးဌာန ၏ သတင်းထုတ်ပြန်ချက်အရ သိရသည်။

နေပြည်တော်၊ ဇန်နဝါရီ ၂၄ ရက် (ဆင်ဟွာ)

မြန်မာ့ သတ္တုကဏ္ဍတွင်း ရင်းနှီးမြှုပ်နှံသူများ ပိုမို စိတ်ဝင်စားလာစေရေးအတွက် သတ္တုလုပ်ငန်းဆိုင်ရာ ဥပဒေ နည်းဥပဒေနှင့် လုပ်ထုံး လုပ်နည်းများအား ဖြစ်နိုင်သမျှ ရိုးရှင်း လွယ်ကူရမည်ဟု သယံဇာတ နှင့် သဘာဝ ပတ်ဝန်းကျင် ထိန်းသိမ်းရေး ဝန်ကြီးဌာန ပြည်ထောင်စုဝန်ကြီး ဦးအုန်းဝင်းက ပြောခဲ့ သည်။

ရန်ကုန်၊ ဇန်နဝါရီ ၂၂ ရက် (ဆင်ဟွာ)

Re-export စနစ်ဖြင့် ကုန်သွယ်မှုပြုလုပ်ရာတွင် သွင်းကုန်အတွက်သာ ကြိုတင်ဝင်ငွေခွန် ၂ ရာခိုင်နှုန်းကို ပေးဆောင်ရမည်ဖြစ်ကြောင်း စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနထံမှ သိရသည်။

ရန်ကုန်၊ ဇန်နဝါရီ ၂၁ ရက် (ဆင်ဟွာ)

ရခိုင်ပြည်နယ် မောင်တောကုန်သွယ်ရေးစခန်းမှ ဘင်္ဂလားဒေ့ရှ့်နိုင်ငံသို့ ဆန်တန်ချိန် ၁၃၀၀၀ကျော် တင်ပို့နိုင်ခဲ့ကြောင်း မောင်တော ကုန်သွယ်ရေးစခန်းထံမှ သိရသည်။

ရန်ကုန် ၊ ဇန်နဝါရီ ၁၁ ရက်(ဆင်ဟွာ)

နိုင်ငံ အတွင်း ကျောက်မျက် ရတနာ နှင့် အချောထည် ဈေးကွက် အောင်မြင်စွာ ဖြစ်ထွန်းစေရေး ရည်ရွယ်ချက် များဖြင့် ရန်ကုန် အပြည်ပြည် ဆိုင်ရာ ကျောက်မျက် ရတနာ နှင့် လက်ဝတ် ရတနာ အချောထည် ပြပွဲ ၂၀၁၈ အား ယနေ့ ယနေ့ ဇန်နဝါရီ ၁၁ ရက်မှ စတင်၍ ရန်ကုန်မြို့၊ ပြည်လမ်းရှိ Lotte Hotel ၌ ကျင်းပ ပြုလုပ်လျက် ရှိသည်။

ရန်ကုန်၊ ဇန်နဝါရီ ၇ ရက် (ဆင်ဟွာ)

လုပ်သားကျွမ်းကျင်မှု တိုးတက်ရေးအတွက် ပြည်ပ အဖွဲ့အစည်းများနှင့် ပူးပေါင်းဆောင်ရွက်သွားမည် ဖြစ်ကြောင်း အလုပ်သမား ရေးရာဆိုင်ရာ လုပ်ငန်းညှိနှိုင်း အစည်းအဝေး၌ ပြည်ထောင်စုဝန်ကြီး ဦးသိန်းဆွေက ပြောကြားသည်။