15
Sun, Dec
504 New Articles

ရန်ကုန် ၊ အောက်တိုဘာ ၇ ရက်(ဆင်ဟွာ)

ပြည်ပနိုင်ငံများတွင် အလုပ်လုပ်ကိုင်နေကြသော မြန်မာနိုင်ငံသားများမှ ပြည်တွင်းရှိ ၎င်းတို့မိသားစုဝင်များထံ ယခုနှစ် ဇန်နဝါရီလမှ ဇွန်လအထိ လွှဲပြောင်းပေးပို့ခဲ့သည့် လွှဲငွေပမာဏသည် အမေရိကန်ဒေါ်လာ ၅၂၆ ဒသမ၆၈၅ သန်းရှိကြောင်း နှင့် ငွေလွှဲသူ စုစုပေါင်းဉီးရေမှာ ၅၅၆,၁၄၈ ဉီးထိ ရှိခဲ့ကြောင်း အလုပ်သမား ညွှန်ကြားရေး ဉီးစီးဌာနမှ ထုတ်ပြန်သည့် စာရင်းဇယားများအရ သိရသည်။

ရန်ကုန် ၊ အောက်တိုဘာ ၆ ရက်(ဆင်ဟွာ)

နိုင်ငံ တစ်ဝှမ်းရှိ ကားပုံစံငယ် စုဆောင်းသူ ဝါသနာရှင်များ ဆုံစည်းပွဲ နှင့် စုပေါင်း ပြပွဲကို ယနေ့ အောက်တိုဘာ ၆ ရက်တွင် ရန်ကုန်မြို့၌ ကျင်းပ ပြုလုပ်ခဲ့ကြောင်း သိရသည်။ 

ရန်ကုန်၊ အောက်တိုဘာ ၅ ရက် (ဆင်ဟွာ) 

ရန်ကုန်တိုင်းဒေသကြီးတန်ဖိုးစိစစ်ရေးအဖွဲ့မှ ရန်ကုန်မြို့တော်စည်ပင်သာယာရေး ဧရိယာအတွင်းရှိ သိမ်းဆည်း လယ်မြေတစ်ဧက ကျပ်သိန်း(၁၀၀)နှုန်းနှင့် ရန်ကုန်မြို့တော်ပြင်ပရှိ မြို့နယ်များတွင် လျော်ကြေးငွေနှုန်းထားမှာ ကျပ်(၁၅)သိန်းမှ သိန်း(၁၀၀)အထိ၊ လမ်းမကြီးဘေးမြို့နယ်အတွင်း ကျေးရွာအတွင်းကျရောက်သည့် နေရာဒေသအလိုက် ခွဲခြားသတ်မှတ်၍ မြေယာလျော်ကြေး ပေးလျှက်ရှိကြောင်း ရန်ကုန်တိုင်းဒေသကြီး စိုက်ပျိုးရေး၊ မွေးမြူရေး၊ သစ်တောနှင့်စွမ်းအင်ဝန်ကြီး ဦးဟံထွန်းက ပြောသည်။

ရန်ကုန် ၊ အောက်တိုဘာ ၁ ရက်(ဆင်ဟွာ)

အိန္ဒိယနိုင်ငံ၊ ပို့ဘလဲအကျဉ်းထောင်တွင် ပြစ်ဒဏ်ကာလ ပြီးဆုံး၍ Open Distress Camp တွင် ထိန်းသိမ်းခံထားရသော မြန်မာရေလုပ်သား ၁၂ ဦးသည် မြန်မာနိုင်ငံ ၊ ရန်ကုန်မြို့သို့ ပြန်လည် ရောက်ရှိလာခဲ့ရာ သက်ဆိုင်ရာ တာဝန်ရှိ သူများက လိုအပ်သည်များအား ကူညီဆောင်ရွက်ပေးခဲ့ကြောင်း ပြန်ကြားရေး ဝန်ကြီးဌာန၏ ထုတ်ပြန်သော သတင်း အရ သိရသည်။

ရန်ကုန် ၊ စက်တင်ဘာ ၂၉ ရက်(ဆင်ဟွာ)

ခွေးကောင်ရေ ၁ သန်း ကာကွယ်ဆေးထိုးစီမံချက်ကို ယခု ၂၀၁၉ ခုနှစ်မှ စတင်၍ ရန်ကုန်တိုင်း ဒေသကြီး နှင့် နေပြည်တော်တို့တွင် စတင်ဆောင်ရွက်လျက် ရှိပြီး မန္တလေးတိုင်းဒေသကြီး၊ ပဲခူးတိုင်းဒေသကြီး နှင့်ရခိုင်ပြည်နယ်ရှိ High Risk ဒေသများတွင် ဆက်လက် ဆောင်ရွက်သွားမည် ဖြစ်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စု ဝန်ကြီး ဒေါက်တာအောင်သူက နေပြည်တော်၌ စက်တင်ဘာ ၂၈ ရက်တွင် ပြုလုပ်သော ကမ္ဘာ့ခွေးရူးရောဂါ ကာကွယ် တိုက်ဖျက်ရေးနေ့ အထိမ်းအမှတ် အခမ်းအနားတွင် ပြောကြားခဲ့သည်။

ရန်ကုန် ၊ စက်တင်ဘာ ၂၉ ရက်(ဆင်ဟွာ)

ရန်ကုန်မြို့၏ ၃၃ ခုမြောက် အပြာရောင် ကမ္ဗည်းပြားကို ပန်းဘဲတန်း မြို့နယ် ၊ ဗိုလ်ဆွန်ပက်လမ်းရှိ ယခင် စတီး ဘရားသား ကုမ္ပဏီ အဆောက်အအုံ ယခု Yangon Excelsior Hotel တွင် စက်တင်ဘာ ၂၈ ရက်က တပ်ဆင် ခဲ့ကြောင်း ရန်ကုန်မြို့ပြအမွေအနှစ် ထိန်းသိမ်းစောင့်ရှောက်ရေးအဖွဲ့ထံမှ သိရသည်။

ရန်ကုန်၊ စက်တင်ဘာ ၂၇ ရက် (ဆင်ဟွာ)

၂၀၁၉ ခုနှစ် ဇန်နဝါရီလ မှ သြဂုတ်လ အထိ မြန်မာနိုင်ငံသို့ ပြည်ပဧည့်သည် ၂,၈၁၄,၁၃၉ ဦး ဝင်ရောက်ခဲ့ကြောင်း အလုပ်သမား၊ လူဝင်မှုကြီးကြပ်ရေး နှင့် ပြည်သူ့အင်အားဝန်ကြီးဌာန ၏ စာရင်းများအရ သိရသည်။

ရန်ကုန် ၊ စက်တင်ဘာ ၂၆ ရက် (ဆင်ဟွာ)

နိုင်ငံတကာ စိုက်ပျိုးရေး ၊ မွေးမြူရေး နှင့် ရေလုပ်ငန်းဆိုင် ရာ ကုန်စည်ပြပွဲ နှင့် ဟောပြောပွဲ အခမ်းအနားအား ယနေ့စက်တင်ဘာ ၂၆ ရက်တွင် ရန်ကုန်မြို့၌ စတင်ကျင်းပ ပြုလုပ်ခဲ့ကြောင်း သိရသည်။

ရန်ကုန်၊ စက်တင်ဘာ ၁၂ ရက် (ဆင်ဟွာ)

ရန်ကုန်မြို့တော်စည်ပင်သာယာရေးကော်မတီ၏ အခွန်အခများအား YCB Payment Gateway အသုံးပြု၍ AYE Bank, KBZ Pay, CB Bank တို့မှ ကောက်ခံပေးသွင်းခြင်းလုပ်ငန်း စတင်ဆောင်ရွက် အခမ်းအနားကို စင်တင်ဘာ ၁၂ ရက် နံနက်(၉)နာရီတွင် ရန်ကုန်မြို့တော်ခန်းမ၌ ကျင်းပခဲ့ကြောင်း ရန်ကုန်တိုင်းဒေသကြီး အစိုးရအဖွဲ့က ယနေ့သတင်းထုတ်ပြန်သည်။

ရန်ကုန် ၊ စက်တင်ဘာ ၁၂ ရက်(ဆင်ဟွာ)

ပြည်ပသို့တရားဝင် စေလွှတ်ခြင်း နှင့် ပြည်တွင်း အလုပ်အကိုင်များ ရှာဖွေပေးခြင်းတို့အား အလုပ်သမား၊ လူဝင်မှု ကြီးကြပ်ရေး နှင့် ပြည်သူ့အင်အား ဝန်ကြီးဌာနမှ ဆောင်ရွက်လျက် ရှိရာ ပြည်ပသို့တရားဝင် အလုပ်သွားရောက်လုပ်ကိုင်သူ ၃၃,၀၀၀ ကျော် နှင့် ပြည်တွင်း အလုပ် နေရာ၂၈,၀၀၀ ကျော်အား သြဂုတ်လ အတွင်း ခန့်ထားနိုင်ခဲ့ကြောင်း ပြန်ကြားရေး ဝန်ကြီးဌာန၏ ထုတ်ပြန်သော သတင်းအရ သိရသည်။