20
Thu, Feb
408 New Articles

ဂျိုဟန်နက်စ်ဘာ့ဂ်၊ ဇူလိုင် ၂၇ ရက်(ဆင်ဟွာ)

သမ္မတရှီကျင့်ဖိန်က BRICS အဖွဲ့ဝင်နိုင်ငံများအားလုံးသည် လက်ရှိ ဖြစ်ပေါ်နေသည့် ရေစီးကြောင်းအား ဖမ်းဆုပ်ရမည်ဖြစ်ကြောင်း၊ ဗျူဟာမြောက်ပူးပေါင်းဆောင်ရွက်မှုကိုလည်းပိုမိုနက်ရှိုင်းစေရမည်ဖြစ်ကြောင်း၊ စီးပွားရေး၊ နိုင်ငံရေး၊ လုံခြုံရေးပူးပေါင်းဆောင်ရွက်မှုနှင့် ပြည်သူအချင်းချင်း အပြန်အလှန်စေလွှတ် ဖလှယ်ရေး စသည့် အပြန်အလှန်အကျိုးဖြစ်ထွန်းစေမည့် မူဘောင်များကို ချမှတ်ကာ ပိုမိုခိုင်မြဲစေရန်လည်းလိုအပ်ကြောင်း ၁ဝ ကြိမ်မြောက် BRICS အစည်းအဝေးတွင်ပြောကြားခဲ့သည်။ ထို့မှသာ မိမိတို့အနေဖြင့် ဒုတိယမြောက် ရွှေရောင်ထွန်းပသည့် ဆယ်စုနှစ်ပန်းတိုင်ကိုရောက်ရှိနိုင်မည်ဖြစ်ပြီး လူသားများအားလုံး အတူတကွ အကျိုးခံစားနိုင်မည့် အသိုက်အဝန်းတစ်ခုကို တည်ဆောက်နိုင်လိမ့်မည်ဖြစ်ကြောင်းပြောကြားခဲ့သည်။(Xinhua)

ရန်ကုန်၊ ဇူလိုင် ၂၁ ရက် (ဆင်ဟွာ)

ရန်ကုန်တိုင်းဒေသကြီး၊ ဗဟန်းမြို့နယ် ရွှေတောင်ကြားလမ်းရှိ ရုပ်ရှင်မြှင့်တင်ရေးဌာနခွဲ၌ ရုပ်ရှင်ဖွံ့ဖြိုးရေးစင်တာ (Film Development Centre)ကို ယနေ့နံနက်ပိုင်းတွင် ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာဖေမြင့်က တက်ရောက်ဖွင့်လှစ်ပေးခဲ့ကြောင်း သိရသည်။

ပေကျင်း၊ မတ် ၂၁ ရက် (ဆင်ဟွာ)

တရုတ်နိုင်ငံ အမျိုးသားပြည်သူ့ကွန်ဂရက် (NPC) အမြဲတမ်းကော်မတီ၏ အသစ်ခန့်အပ်ခြင်းခံရသော ဥက္ကဋ္ဌ လီကျန့်ရှူး (Li Zhanshu) က NPC သို့ တက်ရောက်သတင်းယူခွင့်ရသည့် သတင်းစာဆရာများအား ကျေးဇူးတင်ကြောင်း ပြောကြားခဲ့သည်။

ပေကျင်း၊ မတ် ၂ဝ ရက်(ဆင်ဟွာ)

တရုတ်နိုင်ငံတွင် ဖြစ်ပွားလာမည့် ဘဏ္ဍာရေးအကျပ်အတည်းများကိုရင်ဆိုင်ဖြေရှင်းနိုင်ကြောင်း၊ တရုတ်နိုင်ငံ၏ စီးပွားရေးအခြေခံအချက်များမှာ ခိုင်မာတောင့်တင်းမှုရှိကြောင်း၊ တရုတ်နိုင်ငံ၏ စီးပွားရေးကဏ္ဍကုန်သွယ်မှုတန်ဖိုး မှာ ယွမ်ထရီလီယံပေါင်း ၈ဝ အထိရောက်ရှိခဲ့ပြီး တရုတ်ဘဏ်လုပ်ငန်းတန်ဖိုးအနေဖြင့် ယွမ်ထရီလီယံပေါင်း ၂၅ဝ ရှိပြီဖြစ်ကြောင်း၊ ထို့ကြောင့်ငွေကြေးတန်ဖိုး ကြီးမားသည့်ဘဏ္ဍာရေးစနစ်ဖြစ်ပြီး အကျပ်အတည်းများနှင့် ရင်ဆိုင်နိုင်မည်ဖြစ်ကြောင်း ဝန်ကြီးချုပ်လီခဲ့ချန်က သတင်းစာရှင်းလင်းပွဲ၌ ပြောကြားခဲ့သည်။(Xinhua)

ပေကျင်း၊ မတ် ၂၀ ရက် (ဆင်ဟွာ)

တရုတ်နိုင်ငံသည် ယခုနှစ်အတွင်း မြို့ပြ အလုပ်အကိုင်အသစ်ပေါင်း ၁၃ သန်းကျော် ဖန်တီးနိုင်ရန် ရည်မှန်းထားကြောင်း ဝန်ကြီးချုပ် လီခဲ့ချန်က မတ်လ ၂၀ ရက်တွင် ပြောကြားလိုက်သည်။

ပေကျင်း၊ မတ် ၂ဝ ရက်(ဆင်ဟွာ)

တရုတ်နိုင်ငံနှင့် အမေရိကန်နိုင်ငံတို့အကြား ကုန်သွယ်ရေးစစ်ပွဲဖြစ်ပွားပါက မည်သည့်နိုင်ငံကမျှ အနိုင်ရမည်မဟုတ်ဟု မိမိတို့အနေဖြင့်ယုံကြည်ပါကြောင်း၊ မိမိတို့တရုတ်နိုင်ငံအနေဖြင့် လည်း ကုန်သွယ်ရေးစစ်ပွဲမဖြစ်ပွားလိုပါကြောင်း၊ တရုတ်နိုင်ငံနှင့် အမေရိကန်နိုင်ငံနှစ်နိုင်ငံကြား မျှတစွာကူးသန်းရောင်းဝယ်သည့် ကုန်သွယ်ရေးမိတ်ဖက်နိုင်ငံများအဖြစ်မြင်တွေ့လိုပါကြောင်း စသဖြင့်ဝန်ကြီးချုပ်လီခဲ့ချန်က မတ်လ ၂ဝ ရက်တွင် အမျိုးသားပြည်သူ့ကွန်ဂရက် (NPC) အပြီး ပြုလုပ်ခဲ့သည့် သတင်းစာရှင်းလင်းပွဲ၌ ပြောကြားခဲ့သည်။(Xinhua)

ပေကျင်း၊ မတ် ၂၀ ရက် (ဆင်ဟွာ)

တရုတ်နိုင်ငံသည် ငြိမ်းချမ်းစွာ ဖွံ့ဖြိုးတိုးတက်မှုနောက်သို့ လိုက်လျှောက်ကာ အင်အားချဲ့ထွင်မှုအား ဘယ်သောအခါမှ လုပ်ဆောင်မည် မဟုတ်ကြောင်း ဝန်ကြီးချုပ် လီခဲ့ချန်က မတ်လ ၂၀ ရက်တွင် ပြောကြားလိုက်သည်။ တရုတ်နိုင်ငံက အခြား ဖွံ့ဖြိုးဆဲနိုင်ငံများနှင့် ပူးပေါင်းဆောင်ရွက်ခြင်းနှင့် ယင်းနိုင်ငံများအား ကူညီထောက်ပံ့ခြင်းကို မဟာဗျူဟာမြောက် အင်အားချဲ့ထွင်ခြင်းအဖြစ် နားလည်မှုလွဲခြင်းဖြစ်ကြောင်း ဟု မတ်လ ၂၀ ရက်တွင် အမျိုးသားပြည်သူ့ကွန်ဂရက် (NPC) အပြီး ပြုလုပ်ခဲ့သည့် သတင်းစာရှင်းလင်းပွဲ၌ လီက ပြောကြားခဲ့သည်။

ပေကျင်း၊ မတ် ၂ဝ ရက်(ဆင်ဟွာ)

တရုတ်နိုင်ငံဝန်ကြီးချုပ်လီခဲ့ချန်က တရုတ်နိုင်ငံအနေဖြင့် ဈေးကွက်စီးပွားရေးကောင်းမွန်စွာလည်ပတ်စေရန်နှင့် စီးပွားရေးကဏ္ဍ တွင် ပိုမိုတိုးတက်ဖွံ့ဖြိုးတက်စေမည့် ဥပဒေများကိုပြဋ္ဌာန်းကာ ကြပ်မတ်ဆောင်ရွက်သွားမည် ဖြစ်ကြောင်း၊ စီးပွားရေးလုပ်ငန်းနှင့်သက်ဆိုင်သည့် အစိုးရလုပ်ငန်းစဉ်များကိုဆောင်ရွက်ရန် E platform တစ်ခုကိုလည်း တည်ဆောက်သွားတော့မည်ဖြစ်ကြောင်းစသဖြင့် တရုတ်နိုင်ငံ၏ စီးပွားရေးကဏ္ဍ တိုးမြှင့်စေမည့်ကိစ္စရပ်များနှင့်စပ်လျဉ်း၍မီဒီယာများကိုရှင်းလင်းပြောကြားခဲ့သည်။(Xinhua)

ပေကျင်း၊ မတ် ၂ဝ ရက်(ဆင်ဟွာ)

တရုတ်နိုင်ငံဝန်ကြီးချုပ်လီခဲ့ချန်က တရုတ်နိုင်ငံအနေဖြင့် ကိုရီးယားကျွန်းဆွယ် တည်ငြိမ်အေးချမ်းမှုရှိစေရန်နှင့် နျူကလီးယား ကင်းစင်ရေးဆောင်ရွက်မှုများတွင် အကောင်းဆုံးဖြစ်စေရန် အစွမ်းကုန်ကြိုးပမ်းသွားမည် ဖြစ်ကြောင်း ယနေ့ပြုလုပ်သည့် သတင်းစာရှင်းလင်းပွဲမှတစ်ဆင့် သတင်းမီဒီယာများကို ပြောကြားခဲ့သည်။(Xinhua)

ပေကျင်း၊ မတ် ၂ဝ ရက်(ဆင်ဟွာ)

တရုတ်နိုင်ငံဝန်ကြီးချုပ်လီခဲ့ချန်က တရုတ်နိုင်ငံအနေဖြင့် တစ်ကမ္ဘာလုံးအတွက် စီးပွားရေးတံခါးဖွင့်လှစ် ထားမည် ဖြစ်ကြောင်း၊ ပို့ကုန်သွင်းကုန်ကဏ္ဍတို့တွင် အခွန်အခများကိုလည်း လျှော့ချပေးသွားရန်ရှိကြောင်း၊ အစိုးရအနေဖြင့်ထုတ်လုပ်ရေးကဏ္ဍတွင်လည်း အပြည့်အဝထောက်ပံ့ပေးသွားမည်ဖြစ်ကြောင်း၊ ဈေးကွက်စီးပွားရေးကဏ္ဍကိုလည်းပိုမိုကျယ်ပြန့်စေရန် လုပ်ဆောင်သွားမည်ဖြစ်ပြီး၊ ကမ္ဘာ့စီးပွားရေး အခန်းကဏ္ဍတွင် သဟဇာတဖြစ်စေရန်ဆောင်ရွက်သွားမည်ဖြစ်ကြောင်း သတင်းမီဒီယာများနှင့်တွေ့ဆုံစဉ် ပြောကြားခဲ့သည်။(Xinhua)