ဟောင်ကောင်အထူးကိုယ်ပိုင်အုပ်ချုပ်ခွင့်ရဒေသ တွင် ဒေသကောင်စီရွေးကောက်ပွဲ များကျင်းပ

ဟောင်ကောင်အထူးကိုယ်ပိုင်အုပ်ချုပ်ခွင့်ရဒေသ တွင် နိုဝင်ဘာလ ၂၄ ရက် ကကျင်းပသော ဒေသကောင်စီရွေးကောက်ပွဲ များ၌ ပြည်သူများဆန္ဒမဲပေးရန်တန်းစီနေစဉ်(ဆင်ဟွာ) Asia

ဟောင်ကောင်၊နိုဝင်ဘာလ ၂၅ ရက်(ဆင်ဟွာ)

တရုတ်ပြည်သူ့သမ္မတနိုင်ငံ၏ အထူးကိုယ်ပိုင်အုပ်ချုပ်ခွင့်ရဒေသ ဖြစ်သောဟောင်ကောင်တွင် ဒေသ ကောင်စီဝင်နေရာများအတွက်ရွေးကောက်ပွဲများကို နိုဝင်ဘာလ ၂၄ ရက် နံနက်တွင်စတင်ကျင်းပခဲ့ရာ စုစုပေါင်း မဲပေးပိုင်ခွင့်ရှိသူများ၏ ၇၁ ဒသမ ၂ ရာခိုင်နှုန်းလာရောက်မဲပေးကြကာအောင်မြင်စွာကျင်းပ ပြီးစီးခဲ့ကြောင်းဟောင်ကောင်အထူးကိုယ်ပိုင်အုပ်ချုပ်ခွင့်ရဒေသရွေးကောက်ပွဲကော်မရှင်ဥက္ကဋ္ဌကနိုဝင်  ဘာလ ၂၅ ရက်နံနက်တွင်ပြောကြားခဲ့သည်။ 

နိုဝင်ဘာလ ၂၄ ရက၊်ဒေသစံတော်ချိန် နံနက် ရး၃၀ နာရီ အချိန်မှစ၍ ရွေးကောက်ပွဲမဲရုံများ ကိုစတင် ဖွင့်လှစ်ခဲ့ပြီး မဲရုံအများစု က ည ၁၀း၃၀ နာရီ အချိန်ထိ ဖွင့်လှစ်ခဲ့ကြကြောင်းလည်းသိရသည်။ မဲပေး ရန်မှတ်ပုံတင်ထားခဲ့သော ပြည်သူ ၄ ဒသမ ၁၃ သန်းအနက် ၂ ဒသမ ၉၄ သန်းကျော်လာရောက် မဲ ပေးခဲ့ကြကြောင်းလည်း သိရသည်။

ရွေးကောက်ပွဲအပြီး ၂၀၂၀ ခုနှစ် ဇန်နဝါရီလ ၁ ရက်မှ ၂၀၂၃ ခုနှစ် ဒီဇင်ဘာလ ၃၁ ရက်အထိသက် တမ်းရှိမည့် ခြောက်ကြိမ်မြောက်ဒေသကောင်စီများတွင် ရွေးကောက်ခံဒေသကောင်စီအဖွဲ့ဝင် ၄၅၂ ဦးနှင့် နယ်မြေသစ်များမှကျေးလက်ကော်မတီ ဥက္ကဋ္ဌ များ ၂၇ ဦးတို့ကရာထူးအလိုက်အဖွဲ့ဝင်များအ ဖြစ် ပါဝင်ဖွဲ့စည်းကြမည်ဖြစ်သည်။

ဒေသကောင်စီများက ခရိုင်အဆင့်အဖွဲ့အစည်းများဖြစ်ကာ သက်ဆိုင်ရာနယ်မြေများအတွင်းပြည်သူ များအတွက်အကျိုးရှိစေမည့်ကိစ္စရပ်များ အတွက် ဟောင်ကောင်အထူးကိုယ်ပိုင်အုပ်ချုပ်ခွင့်ရဒေသ အစိုးရ အားအကြံပေးမှုများပြုလုပ်သွားမည်ဖြစ်ပြီး ခရိုင်ရေးရာစီမံအုပ်ချုပ်မှုများတွင်လည်းပူးပေါင်း ဆောင်ရွက်ကြမည်ဖြစ်သည်။(Xinhua)