09
Thu, Apr
578 New Articles

ဇာဂရက်ဘ်၊ မတ် ၂၃ ရက် (ဆင်ဟွာ)

ခရိုအေးရှားနိုင်ငံ မြို့တော် ဇာဂရက်ဘ်တွင် မတ် ၂၂ ရက် ဒေသစံတော်ချိန် နံနက် ၀၆:၂၄ နာရီက အင်အား ၅.၃ ပမာဏရှိသော ငလျင်လှုပ်ခတ်ခဲ့ကြောင်း ဥရောပ မြေထဲပင်လယ်ဒေသဆိုင်ရာ ငလျင်စင်တာအရ သိရသည်။

ဘာလင်၊ မတ် ၂၃ ရက် (ဆင်ဟွာ)

ဂျာမနီနိုင်ငံ ဝန်ကြီးချုပ် အိန်ဂျလာမာကဲသည် COVID-19 ရောဂါပိုးကူးစက်ခံထားရသော ဆရာဝန်တစ်ဦးနှင့် မတ် ၂၀ ရက်က တွေ့ဆုံခဲ့ပြီးနောက် ၎င်းကိုယ်တိုင် တစ်ကိုယ်ရေသီးခြားနေထိုင်လျက်ရှိကြောင်း အစိုးရပြောခွင့်ရပုဂ္ဂိုလ် စတက်ဖန် စိုင်းဘတ် (Steffen Seibert) က မတ် ၂၂ ရက်တွင် ပြောကြားခဲ့သည်။

ပေါ်တို ၊ မတ် ၂၃ ရက်(ဆင်ဟွာ)

COVID-19 ကူးစက်မှုဖြစ်ပွားနေခြင်းကြောင့် နိုင်ငံတော်အရေးပေါ်အခြေအနေကြေညာထားရသည့် ပေါ်တူဂီနိုင်ငံ၌ ရောဂါကာကွယ်ရေး စည်းမျဉ်းစည်းကမ်း မလိုက်နာသည့်ပြစ်မှုအတွက် လူ ၇ ဦးအား ပေါ်တူဂီလုံခြုံရေးတပ်ဖွဲ့ဝင်များက ဖမ်းဆီးအရေးယူလိုက်ကြောင်း ပေါ်တူဂီအစိုးရအဖွဲ့ဝန်ကြီးတစ်ဦးက မတ် ၂၂ ရက်တွင် ပြောကြားလိုက်သည်။

ရောမ၊ မတ် ၁၅ ရက်(ဆင်ဟွာ) 

အီတလီနိုင်ငံနှင့် အီတလီရှိ တရုတ်အမျိုးသားများ၏ ပူးပေါင်းဆောင်ရွက်မှုဖြင့် တရုတ်နိုင်ငံ ကျဲ့ကျန်းပြည်နယ်တွင် စုဆောင်းရရှိတဲ့ ၂၆.၄ တန် ရှိ ရောဂါကာကွယ်ရေး အထောက်အပံ့ပစ္စည်းများသည် မတ် ၁၃ ရက်တွင် အီတလီနိုင်ငံမြောက်ပိုင်း တူးရင်းမြို့ကို ရောက်ရှိခဲ့ပြီဖြစ်ကြောင်း သိရသည်။ယင်းအထောက်အပံ့ပစ္စည်းများကို လွှဲပြောင်းအပ်နှံရေးကိစ္စ ညှိနှိုင်းရန်အတွက် မီလန်မြို့အခြေစိုက် တရုတ်နိုင်ငံ ကောင်စစ်ဝန်ချုပ် စုန့်ရွှယ်ဖုန်းက တူးရင်းမြို့သို့ မတ် ၁၄ ရက် က သွားရောက်ခဲ့ကြောင်း သိရသည်။

ရောမ၊ မတ် ၁၅ ရက်(ဆင်ဟွာ) 

တရုတ်နိုင်ငံ ကပ်ရောဂါတိုက်ဖျက်ရေး ဆေးဘက်ဆိုင်ရာ ပညာရှင်အဖွဲ့သည် မတ် ၁၄ ရက်တွင် အီတလီနိုင်ငံ ရောမမြို့  Lazzaro Spallanzani ဆေးရုံ၌ အီတလီနိုင်ငံ ဆရာဝန်များအား COVID-19 ရောဂါ ကုသရေးဆိုင်ရာ တရုတ်နိုင်ငံ၏ နည်းလမ်းများကို မျှဝေဖလှယ်ခဲ့ကြောင်း သိရသည်။

လိဂျ်၊ ဘယ်လ်ဂျီယံ၊ မတ် ၁၄ ရက် (ဆင်ဟွာ)

ဥရောပတွင် နိုဗယ် ကိုရိုနာဗိုင်းရပ်စ်ရောဂါ (COVID-19) တိုက်ဖျက်ရေးအတွက် ကူညီရန် တရုတ်နိုင်ငံမှ လှူဒါန်းသော ကျန်းမာရေးအထောက်အကူပြုပစ္စည်းများ တင်ဆောင်လာသည့် လေယာဉ်တစ်စင်းသည် ဘယ်လ်ဂျီယံနိုင်ငံ လိဂျ်မြို့သို့ မတ် ၁၃ ရက် ညပိုင်းက ရောက်ရှိလာခဲ့ကြောင်း သိရသည်။

ရောမ ၊ မတ် ၁၃ ရက် (ဆင်ဟွာ)

တရုတ် နိုင်ငံ အမျိုးသား ကျန်းမားရေး ကော်မတီ နှင့် တရုတ် နိုင်ငံ ကြက်ခြေနီ အသင်း တို့မှ ပူးပေါင်း ဆောင်ရွက်သည့် ဆေးဘက်ဆိုင်ရာ ကပ်ရောဂါ တိုက်ဖျက်ရေး ပညာရှင် အဖွဲ့ က မတ်လ ၁၂ ရက် ညပိုင်း အချိန်တွင် အီတလီ နိုင်ငံ မြို့တော် ရောမ သို့ ရောက်ရှိခဲ့ကြပြီး တရုတ် နိုင်ငံ မှ လှူးဒါန်းပေးသည့် ဆေးဘက်ဆိုင်ရာ ပစ္စည်းများ ကိုလည်း သယ်ဆောင်လာခဲ့ကြသည်။

ဘဲဂရိတ် ၊ မတ်လ ၁၂ ရက် (ဆင်ဟွာ)

ဆားဘီးယား နိုင်ငံ သမ္မတ Aleksandar Vučic က ကပ်ရောဂါ တိုက်ဖျက်ရေး နှင့် ပတ်သက်၍ အတွေ့အကြုံ မျှဝေရာတွင် တရုတ် နိုင်ငံ သည် အရည်အချင်း အပြည့်ဝဆုံး နိုင်ငံ ဖြစ်ကြောင်း မတ်လ ၁၁ ရက် တွင် ပြောကြား ခဲ့သည်။ 

ဘရပ်ဆဲလ် ၊ မတ် ၁၂ ရက်(ဆင်ဟွာ)

တရုတ်နိုင်ငံမှ ပေးပို့သော ဆေးဘက်ဆိုင်ရာ ထောက်ပံ့ရေးပစ္စည်းများ တစ်သုတ်သည် အီတလီ နှင့် စပိန် နိုင်ငံများသို့ ပို့ဆောင်သွားရန် ဥရောပသို့ ရောက်ရှိသွားခဲ့ပြီဖြစ်ကြောင်း  တရုတ် နိုင်ငံ နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူ ဟွာချွမ်းရင်၏ ပြောကြားချက် အရ သိရသည်။

ဘရက်ဆဲလ် ၊ မတ် ၁၂ ရက်(ဆင်ဟွာ)

အီတလီနိုင်ငံတွင် COVID-19 အတည်ပြုလူနာ ၁၀,၀၀၀ ကျော်အထိ အမြင့်ဆုံးရောက်ရှိခဲ့ရာ ဥရောပတိုက်၌ ရောဂါကူးစက်မှုဒဏ်အဆိုးရွားဆုံးခံစားရသည့် နိုင်ငံတစ်နိုင်ငံဖြစ်လာခဲ့ပြီး တရုတ်နိုင်ငံအနေဖြင့် အီတလီနိုင်ငံအား လက်ကမ်းကူညီမှုများ လုပ်ဆောင်နေပြီဖြစ်သည်။ ယင်းမှာ တရုတ်နိုင်ငံ၌ ကိုရိုနာဗိုင်းရပ်စ်အပြင်းအထန်ခံစားနေရချိန်တွင် အီတလီနိုင်ငံက စာနာထောက်ထားမှု ၊ ကူညီဖေးမမှုကို လုပ်ဆောင်ခဲ့ခြင်းအပေါ် တရုတ်နိုင်ငံက ပြန်လည် ကျေးဇူးတုံ့ပြန်ကူညီဆောင်ရွက်ခြင်းလည်းဖြစ်သည်။