ကီးယက်ဗ်၊ ဇူလိုင် ၇ ရက် (ဆင်ဟွာ)

“ဝူဟန့်-ကီးယက်ဗ်” တရုတ်-ဥရောပ ရထားကြီးသည် ယူကရိန်းနိုင်ငံ မြို့တော် ကီးယက်(Kiev)သို့ ပထမဆုံး အကြိမ်အဖြစ်ရောက်ရှိလာရာ ဂုဏ်ပြုကြိုဆိုပွဲအခမ်းအနားကို ဇူလိုင် ၆ ရက်က Liski ဘူတာကြီးတွင် ကျင်းပခဲ့ပြုလုပ်ခဲ့ကြောင်း နှင့် ယူကရိန်းနိုင်ငံဆိုင်ရာ တရုတ်နိုင်ငံ သံအမတ်ကြီး ဖန်ရှန်းရုန်၊ယူကရိန်းနိုင်ငံ အခြေခံအဆောက်အဦတည်ဆောက်ရေးဝန်ကြီးဌာန ဝန်ကြီး Vladyslav Kryklii တို့ အတူတကွ တက်ရောက်ခဲ့ကြကြောင်း သိရသည်။ 

ဝါရှင်တန် ၊ ဇွန် ၂၄ ရက်(ဆင်ဟွာ)

အမေရိကန်နိုင်ငံ သမ္မတ ဒေါ်နယ်ထရန့်၏ ယခင် အမျိုးသားလုံခြုံရေး အကြံပေး ဖြစ်သူ ဂျွန်ဘိုလ်တန်၏ ကိုယ်တွေ့မှတ်တမ်းစာအုပ် ထုတ်ဝေခြင်းမပြုနိုင်အောင် တားဆီးပေးရန် အမေရိကန် အစိုးရက တောင်းဆိုခဲ့မှုအပေါ် ဖက်ဒရယ် တရားသူကြီးက ငြင်းဆိုလိုက်ပြီးနောက် ရက်အနည်းငယ်ကြာ ယင်စာအုပ်ကို ဇွန် ၂၃ ရက်တွင် စတင်ဖြန့်ချိခဲ့ကြောင်း သိရသည်။  

လန်ဒန် ၊ ဇွန် ၁၀ ရက်(ဆင်ဟွာ)

ဥရောပတိုက်ရှိ နိုင်ငံ ၁၁ နိုင်ငံတွင် ကြီးမားသော ပိတ်ဆို့မှုများ (Lockdowns) ပြုလုပ်ခဲ့ခြင်း နှင့် ကုသခြင်းထက် ကြိုတင်ကာကွယ်ရေးအစီအစဉ်တွင် ကြားဝင်ဟန့်တားမှုမရှိခြင်း(NPIs) တို့ကြောင့် နိုဗယ်ကိုရိုနာဗိုင်းရပ်စ် ကူးစက်ပျံ့နှံ့မှုထိန်းချုပ်ရေးလုပ်ငန်းများတွင် အထောက်အကူဖြစ်စေခဲ့ရာ ထိခိုက်သေဆုံးဖွယ်ရှိနေသော ခန့်မှန်းခြေ လူ့အသက်ပေါင်း ၃.၁ သန်းကို ကယ်တင်နိုင်ခဲ့ကြောင်း လန်ဒန်မြို့ရှိ Imperial ကောလိပ်မှ ထုတ်ပြန်သည့် လေ့လာမှုစစ်တမ်း အသစ်တစ်ခုတွင် ဖော်ပြထားသည်။

ပါရီ ၊ ဇွန် ၃ ရက်(ဆင်ဟွာ)

၂၀၁၆ ခုနှစ်က ရဲအချုပ်ခန်းတွင် ပြင်သစ်နိုင်ငံသား လူမည်းအမျိုးသား Adama Traore သေဆုံးခဲ့ရခြင်းအပေါ် တရားမျှတမှုဖော်ဆောင်ပေးရန် ပါရီမြို့၌ ဇွန် ၂ ရက် ညနေပိုင်းက လူပေါင်း ၁၉,၀၀၀ ကျော် ပါဝင်ဆန္ဒပြတောင်းဆိုခဲ့ကြကြောင်း ရဲအရာရှိတစ်ဦး၏ ပြောကြားချက်ကို ကိုးကား၍ BFM သတင်းဌာနက ဖော်ပြခဲ့သည်။

ဆစ်ဒနီ ၊ ဇွန် ၃ ရက်(ဆင်ဟွာ)

အမေရိကန် နိုင်ငံ ဝါရှင်တန်ဒီစီ၌ ဇွန် ၂ ရက်က ဖြစ်ပွားခဲ့သည့် ဆန္ဒပြပွဲ တစ်ခုအတွင်း ဩစတြေးလျ နိုင်ငံသား သတင်းထောက်တစ်ဦး နှင့် ကင်မရာသမား တစ်ဦးအား အမေရိကန်ရဲတပ်ဖွဲ့ဝင်များက အကြမ်းဖက် ကိုယ်ထိလက်ရောက်ကျူးလွန်ခဲ့မှုအပေါ် စုံစမ်းစစ်ဆေးရန် ဩစတြေးလျ နိုင်ငံ ဝန်ကြီးချုပ် Scott က ဝါရှင်တန်ဒီစီရှိ ဩစတြေးလျသံရုံးအား ညွှန်ကြားခဲ့ကြောင်း သိရသည်။ 

ဟော့စတန် ၊ ဇွန် ၁ ရက်(ဆင်ဟွာ)

အမေရိကန် နိုင်ငံ၌ လူမဲအမျိုးသား George Floyd သေဆုံးမှု အပေါ် မကျေိနပ်၍ တက္ကဆက် ပြည်နယ်အနှံ့ရှိ မြို့ကြီးများတွင် အကြမ်းဖက်ဆန္ဒပြမှုများ ဖြစ်ပွားပြီးနောက် ပြည်နယ်အုပ်ချုပ်ရေးမှူး Greg Abbott က ဘေးအန္တရာယ်သင့် ပြည်နယ် အဖြစ် မေ ၃၁ ရက်တွင် ကြေညာခဲ့သည်။ 

လော့အိန်ဂျလိစ် ၊ ဇွန် ၁ ရက်(ဆင်ဟွာ)

အမေရိကန်နိုင်ငံ မင်နီပူးလစ်မြို့တွင် လူမဲအမျိုးသား George Floyd သေဆုံးမှုအပေါ် ကန့်ကွက်ဆန္ဒပြမှုများသည် နိုင်ငံအနှံ့ ကူးစက်ပျံ့နှံ့သွားပြီးနောက် မငြိမ်သက်မှု နှင့် အကြမ်းဖက်မှုများ ဆက်လက်ဖြစ်ပွားလျက်ရှိရာ အမေရိကန်နိုင်ငံ၏ ဒုတိယအကြီးဆုံးမြို့ဖြစ်သော လော့အိန်ဂျလိစ်မြို့ကို  ည ၈ နာရီမှ မနက် ၅ နာရီခွဲထိ နောက်ထပ် ညမထွက်ရအမိန့်သစ် ထုတ်ပြန်ကြေညာခဲ့ကြောင်း သိရသည်။

 

နယူးယောက် ၊ ဇွန် ၁ ရက်(ဆင်ဟွာ)

အမေရိကန်နိုင်ငံ မင်နီဆိုတာပြည်နယ်၌ လူမဲအမျိုးသား George Floyd သေဆုံးမှုအပေါ် မကျေနပ်၍ နယူးယောက်မြို့တော်၌ မေ ၃၁ ရက် ညပိုင်းက သုံးရက်မြောက်နေ့အဖြစ် ကန့်ကွက်ဆန္ဒပြမှုများ ဆက်လက်ဖြစ်ပွားစဉ်အတွင်း အခြား လူ ၃၀၀ ကျော် ထပ်မံဖမ်းဆီး ခံရကြောင်း ဒေသတွင်း မီဒီယာက ဖော်ပြခဲ့သည်။