25
Tue, Jun
549 New Articles

မက္ကဆီကိုနိုင်ငံတွင် ခြိမ်းခြောက်မှုများ ရရှိပြီးနောက် သတင်းထောက်တစ်ဦးသေဆုံး

မက္ကဆီကိုနိုင်ငံတွင် သတင်းထောက်များ အသတ်ခံရမှုအတွက် ဆန့်ကျင်လှုပ်ရှားမှုဓာတ်ပုံအား တွေ့ရစဉ် (ဓာတ်ပုံ-အင်တာနက်) North America

မက္ကဆီကိုစီးတီး၊ မေ ၁၇ ရက် (ဆင်ဟွာ)

မက္ကဆီကိုနိုင်ငံ အရှေ့တောင်ဘက် Quintana Roo ပြည်နယ် Playa del Carmen မြို့တွင် မက္ကဆီကို သတင်းထောက်တစ်ဦးမှာ ခြိမ်းခြောက်မှုများရရှိပြီးနောက် အရက်ဆိုင်တစ်ခုအပြင်ဘက်တွင် မေလ ၁၆ ရက်က  အသတ်ခံရကြောင်း ဒေသခံ အာဏာပိုင်များက ပြောကြားခဲ့သည်။

အရေးပေါ်ဖုန်းခေါ်ဆိုမှုတစ်ခုရရှိကာ Francisco Romero Diaz ၏ ရုပ်အလောင်းအား တွေ့ရှိပြီးနောက် လူသတ်မှုနှင့်ပတ်သက်၍ စုံစမ်းစစ်ဆေးမှုပြုလုပ်ခဲ့ကြောင်း ပြည်နယ် အစိုးရရှေ့နေရုံးက သတင်းထုတ်ပြန်ချက်တွင် ပြောခဲ့သည်။

Romero Diaz သည် ဗဟုသုတပေးသော Facebook page တစ်ခုဖြစ်သည့် “Ocurrio Aqui” (“Happened Here”) အား စီစဉ်ညွှန်ကြားခဲ့သူဖြစ်ပြီး ယခင်က “semanario Playa News” သတင်းဝက်ဘ်ဆိုဒ်တွင် ကူညီဆောင်ရွက်ခဲ့သူဖြစ်သည်။

Romero Diaz က ၎င်းတွင် ခြိမ်းခြောက်မှုများခံနေရကြောင်း ဧပြီလ ၁၂ ရက်က ၎င်း၏ ဝန်ထမ်းအားပြောခဲ့ကြောင်း အစိုးရရှေ့နေရုံးကဆိုသည်။

“La Gotta” ဘား၏ ယာဉ်ရပ်နားရာနေရာတွင် ဒေသစံတော်ချိန် နံနက် ၆း၀၀ နာရီက Romero Diaz ၏ ရုပ်အလောင်းအား ၎င်း၏ ဆိုင်ကယ်ဘေးတွင် အာဏာပိုင်များက တွေ့ရှိခဲ့ကြာင်း ဒေသခံသတင်းများအရ သိရသည်။

Romero Diaz ၏ ခန္ဓာကိုယ်တွင် ထိုးနှက်ဒဏ်ရာများနှင့် သေနတ်ပစ်ခံရခြင်းကြောင့်ဖြစ်ခဲ့သည့် ဒဏ်ရာတစ်ခုအား တွေ့ရကြောင်း အခင်းဖြစ်ပွားရာနေရာရှိ အာဏာပိုင်များက တင်ပြခဲ့သည်။

Romero Diaz အသတ်ခံရမှုအပါအဝင် မက္ကဆီကိုနိုင်ငံတွင် ၂၀၁၉ ခုနှစ်အတွင်း အသတ်ခံရသော သတင်းထောက် အနည်းဆုံး ၅ ဦးရှိပြီဖြစ်ကြောင်း သိရသည်။ (Xinhua)