ဂျေလုစလင် ၊ ဇွန် ၁၀ ရက် (ဆင်ဟွာ)

အစ္စရေး နိုင်ငံ ကျန်းမာရေးဝန်ကြီး Yuli Edelstein က ဇွန်လ ၉ ရက် ၌ ထုတ်ပြန်သည့် ကြေညာချက် တွင် အစ္စရေး နိုင်ငံ အနေဖြင့် လက်ရှိ တစ်ရက် လူပေါင်း ၁၆၀,၀၀ အား COVID-19 ရောဂါ စစ်ဆေးပေးနေမှု ကို  တစ်ရက်လျှင် လူပေါင်း ၃ သောင်းထိ စစ်ဆေးပေး နိုင်အောင် တိုးမြှင့်ဆောင်ရွက်သွားမည် ဖြစ်ကြောင်း ပြောကြားခဲ့သည်။

လန်ဒန် ၊ ဇွန် ၁၀ ရက်(ဆင်ဟွာ)

ဥရောပတိုက်ရှိ နိုင်ငံ ၁၁ နိုင်ငံတွင် ကြီးမားသော ပိတ်ဆို့မှုများ (Lockdowns) ပြုလုပ်ခဲ့ခြင်း နှင့် ကုသခြင်းထက် ကြိုတင်ကာကွယ်ရေးအစီအစဉ်တွင် ကြားဝင်ဟန့်တားမှုမရှိခြင်း(NPIs) တို့ကြောင့် နိုဗယ်ကိုရိုနာဗိုင်းရပ်စ် ကူးစက်ပျံ့နှံ့မှုထိန်းချုပ်ရေးလုပ်ငန်းများတွင် အထောက်အကူဖြစ်စေခဲ့ရာ ထိခိုက်သေဆုံးဖွယ်ရှိနေသော ခန့်မှန်းခြေ လူ့အသက်ပေါင်း ၃.၁ သန်းကို ကယ်တင်နိုင်ခဲ့ကြောင်း လန်ဒန်မြို့ရှိ Imperial ကောလိပ်မှ ထုတ်ပြန်သည့် လေ့လာမှုစစ်တမ်း အသစ်တစ်ခုတွင် ဖော်ပြထားသည်။

ရင်ချွမ်း ၊ ဇွန် ၉ ရက်(ဆင်ဟွာ)

တရုတ်ကွန်မြူနစ်ပါတီ ဗဟိုကော်မတီ အထွေထွေအတွင်းရေးမှူးချုပ် ဖြစ်သူ သမ္မတ ရှီကျင့်ဖိန်က  တရုတ်နိုင်ငံ အနောက်မြောက်ပိုင်း နင်းရှဟွေ ကိုယ်ပိုင်အုပ်ချုပ်ခွင့်ရဒေသ ဝူကျုံးမြို့ ၊ Litong ခရိုင်၏ Jinhuayuan ကျေးရွာသို့ ဇွန် ၈ ရက်တွင် သွားရောက်စဉ် လူမှုအသိုက်အဝန်း စေတနာ့ဝန်ထမ်းများ၏ လုပ်ဆောင်ချက်များအပေါ် ချီးကျူးဂုဏ်ပြုစကားဆိုခဲ့သည်။ 

နယူးယောက် ၊ ဇွန် ၉ ရက်(ဆင်ဟွာ)

မြောက်ကိုရီးယားနိုင်ငံက တောင်ကိုရီးယားနိုင်ငံနှင့် ပြုလုပ်ထားသော ဆက်သွယ်ရေး နှင့် ဆက်ဆံရေး လမ်းကြောင်း အားလုံးကို ဖြတ်တောက်ပစ်တော့မည်ဟု မြောက်ကိုရီးယားနိုင်ငံပိုင် KCNA သတင်းဌာနက ထုတ်ပြန်ခဲ့သည်။ 

ဘန်ကောက် ၊ ဇွန် ၈ ရက်(ဆင်ဟွာ)

ထိုင်းနိုင်ငံတောင်ပိုင်းတွင် တာဝန်ထမ်းဆောင်နေသည့် ခရီးသွားရဲတပ်ဖွဲ့မှ ရဲဗိုလ်ချုပ်တစ်ဦးအား တပ်ဖွဲ့ပိုင် ရဟတ်ယာဉ်ကို ကိုယ်ကျိုးအတွက် မလျော်သုံးစွဲမှုဖြင့် ဇွန် ၇ ရက်တွင် နယ်ပြောင်းပြစ်ဒဏ် ချမှတ်လိုက်ကြောင်း သိရသည်။

နခွန်ဆရီသန်မာရတ်(Nakhon Sri Thammarat)ပြည်နယ်အတွင်းရှိ Ai Khai ဘုရားကျောင်းပရဝဏ်၌ မကြာသေးမီက ကျင်းပပြုလုပ်ခဲ့သည့် သီးသန့် ရွတ်ဖတ်သရဇ္စျာယ်ဆုတောင်းပွဲသို့ တပ်ဖွဲ့ပိုင် ရဟတ်ယာဉ်ကို အသုံးပြု၍ သွားရောက်ခဲ့ခြင်းကြောင့် ဟတ်ရိုင်(Hat Yai) အခြေစိုက် အမှတ်(၃) ခရီးသွားရဲတပ်ဖွဲ့မှ တပ်မှူး ရဲဗိုလ်ချုပ် Kritsasak Soongmulnark အား အခြား အရေးမပါသော ဌာနတစ်ခုသို့ ပြောင်းရွှေ့အပြစ်ပေးလိုက်ခြင်းဖြစ်ကြောင်း ဒုတိယရဲချုပ်၏ ပြောရေးဆိုခွင့်ရှိသူ ရဲမှူးကြီး Krissana Pattanacharoen က ဆိုသည်။

ရဟတ်ယာဉ်ဆင်းသက်ခဲ့သော ဘုရားကျောင်းပုရဝဏ် မြေပြင်ပေါ်တွင် ရွတ်ဖတ်ဆုတောင်းပွဲပြုလုပ်နေစဉ် မီးရှူးမီးပန်း သုံးသန်း ပစ်လွှတ်ခဲ့ကြောင်း ၊ ပုံမှန်အားဖြင့် ယင်းနေရာကို တာဝန်ရှိသူများ၏ ကားရပ်နားရန်သာ အသုံးပြုလေ့ရှိကြောင်း သိရသည်။ 

အဆိုပါ ဖြစ်စဉ်အား ခုနှစ်ရက်အတွင်း စုံစမ်းစစ်ဆေးရန် ခရီးသွားရဲတပ်ဖွဲ့ တပ်ဖွဲ့မှူး ရဲဒုတိယဗိုလ်ချုပ်ကြီး Chettha Komolwattana က ရဲကော်မတီတစ်ရပ်ကိုဖွဲ့စည်းရန် အမိန့်ပေးထားကြောင်း ရဲမှူးကြီး Krissana က ဆိုသည်။(Xinhua) 

မနီလာ၊ ဇွန် ၅ ရက် (ဆင်ဟွာ)

ဖိလစ်ပိုင်နိုင်ငံဆိုင်ရာ တရုတ်နိုင်ငံ သံရုံးက COVID-19 ရောဂါကြောင့် ထိခိုက်ခံစားခဲ့ရသည့် မနီလာမြို့ ဒေသခံများအတွက် ဆန်နှင့် စည်သွပ်ဘူးကဲ့သို့ အဓိကစားသောက်ကုန်များပါဝင်သည့် “ချစ်ကြည်ရေးလွယ်အိတ်” ၅,၀၀၀ ကို ဇွန် ၄ ရက်က လှူဒါန်းခဲ့ကြောင်း သိရသည်။

နယူးယောက်၊ ဇွန် ၅ ရက် (ဆင်ဟွာ)

အမေရိကန်နိုင်ငံတွင် ပြီးခဲ့သည့်သီတင်းပတ်က ရဲတပ်ဖွဲ့ဝင်၏ ရက်ရက်စက်စက်နှင့် လူမျိုးရေးခွဲခြားဆက်ဆံမှုကြောင့် သေဆုံးသွားခဲ့ပြီး အမေရိကန်တစ်ခွင် ဆန္ဒပြမှုများ ဖြစ်ပေါ်စေခဲ့သော George Floyd အား ဂုဏ်ပြုခြင်း အောက်မေ့ဖွယ်အခမ်းအနားကို ဇွန် ၄ ရက်က ပြုလုပ်ခဲ့ပြီး နယူးယောက်မြို့သား ထောင်ပေါင်းများစွာ စုဝေးခဲ့ကြသည်။ 

ဘန်ကောက် ၊ ဇွန် ၅ ရက်(ဆင်ဟွာ) 

ထိုင်းနိုင်ငံ၏ လယ်ယာစိုက်ပျိုးရေး နှင့် သမဝါယမ ဝန်ကြီးဌာနက နိုင်ငံ နှင့် ဒေသ ၁၉၀ မှ ဝယ်ယူသူ သန်း၂၆၀ ကျော်ကို ဆွဲဆောင်ရန် ရည်ရွယ်၍ အွန်လိုင်းဈေးကွက်အတွင်းသို့ ဝင်ရောက်ရန် တရုတ် e-commerce ကုမ္ပဏီကြီးဖြစ်သည့် အလီဘာဘာအုပ်စု(Alibaba Group)နှင့် ဆွေးနွေးနေကြောင်း မီဒီယာများအား ဇွန် ၄ ရက်တွင် ပြောကြားခဲ့သည်။ 

ဟနွိုင်း ၊ ဇွန် ၅ ရက် (ဆင်ဟွာ)

အာဆီယံ နှင့် တရုတ်-ဂျပန်-တောင်ကိုရီးယား ( 10 + 3 ) စီးပွားရေး နှင့် ကူးသန်းရောင်းဝယ်ရေး ဝန်ကြီး တို့ က ဇွန်လ ၄ ရက် တွင် COVID-19 ရောဂါ တိုက်ဖျက်ရေး အတွက် အွန်လိုင်း အထူး အစည်းအဝေး တစ်ရပ် ကျင်းပပြုလုပ် ခဲ့ပြီး ကပ်ရောဂါ ကြောင့် စီးပွားရေး အပေါ် သက်ရောက်မှု အား ဖြေလျှော့ရန် ဆွေးနွေး ခဲ့ကြသည်။

ဝါရှင်တန် ၊ ဇွန် ၄ ရက်(ဆင်ဟွာ)

အမေရိကန်နိုင်ငံ ကာကွယ်ရေးဝန်ကြီးဌာန ဝန်ကြီး Mark Esper က ရဲတပ်ဖွဲ့၏ လူမဆန်စွာပြုကျင့်မှု နှင့် လူမျိုးရေးခွဲခြားမှုအတွက် တရားမျှတမှုရရှိရန် နိုင်ငံအနှံ့ဖြစ်ပွားနေသော တောင်းဆို ဆန္ဒပြမှုများ ရပ်တံ့အောင် စစ်အင်အားသုံး လုပ်ဆောင်မည့် သမ္မတ၏ အစီအစဉ်ကို ငြင်းပယ်လိုက်ကြောင်း သိရသည်။