သမ္မတရှီကျင့်ဖိန်က ပေကျင်းသို့လာရောက် အလုပ်စီရင်ခံသော ဟောင်ကောင် အမှုဆောင်အုပ်ချုပ်ရေးမှူးချုပ် ကယ်ရီလမ်းအား လက်ခံတွေ့ဆုံ

တရုတ်နိုင်ငံသမ္မတ ရှီကျင့်ဖိန်နှင့် ဟောင်ကောင် အမှုဆောင် အုပ်ချုပ်ရေးမှူးချုပ် ကယ်ရီလမ်းအား တွေ့ရစဉ်(ဆင်ဟွာ) Politics, Law & Military

ပေကျင်း၊ဒီဇင်ဘာ ၁၇ ရက်(ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်သည် ပေကျင်းသို့ လာရောက် အလုပ်အစီရင်ခံသော ဟောင်ကောင်အထူးအုပ်ချုပ်ခွင့်ရဒေသ အမှုဆောင်အုပ်ချုပ်ရေးမှူးချုပ် ကယ်ရီလမ်း အား ဒီဇင်ဘာ ၁၆ ရက် ညနေပိုင်းက လက်ခံတွေ့ဆုံခဲ့ကြောင်း သိရသည်။

သမ္မတရှီက ယခုနှစ်သည် ဟောင်ကောင်ဒေသ အမိမြေလက်အောက်သို့ ပြန်လည်ရောက်ရှိသော ကာလတစ်လျှောက် တွင် အရှုပ်ထွေးအကြမ်းတမ်းဆုံး နှစ်ဖြစ်ကြောင်း ၊ ကယ်ရီလမ်းအနေဖြင့် အခက်အခဲဖိအားမျိုးစုံကို ရင်ဆိုင်ရာတွင် “တစ်နိုင်ငံ စနစ်နှစ်ခု” အုပ်ချုပ်ရေးပုံစံကို အခြေပြု၍ ခိုင်မာစွာ ဆောက်တည်ကာ ဥပဒေနှင့်အညီ တာဝန်ကျေကျေဖြင့် အားထုတ်ကြိုးပမ်းခဲ့သလို အထူးဒေသအစိုးရအဖွဲ့ကို ဦးဆောင်ကာ လူမှုရေးဆိုင်ရာစိုးရိမ်ပူပင်မှုများကို အပြုသဘောဆောင် တုန့်ပြန်ဆောင်ရွက်မှုများဖြင့် ကုမ္ပဏီလုပ်ငန်းများကို ကူညီဖေးမသော အများပြည်သူ အဆင်ပြေသက်သာမည့် မူဝါဒများ ဆောင်ရွက်သလို လူမှုရေးပဋိပက္ခများကို ဖြေရှင်းရန်ကြိုးစားလေ့လာမှုများ လုပ်ဆောင်ခဲ့ကြောင်း ၊ ဟောင်ကောင်ဒေသ၏အထူးကာလတွင် ရဲစွမ်းသတိ္တ၊တာဝန်ယူမှုတာဝန်ခံမှုများကို  ဗဟိုအစိုးရမှ အပြည့်အဝအသိအမှတ်ပြုကြောင်း ပြောကြားခဲ့သည်။ 

တရုတ်နိုင်ငံသမ္မတ ရှီကျင့်ဖိန်နှင့်  ဟောင်ကောင် အမှုဆောင် အုပ်ချုပ်ရေးမှူးချုပ် ကယ်ရီလမ်းအား တွေ့ရစဉ်(ဆင်ဟွာ) 

သမ္မတရှီက မိမိအနေဖြင့် နိုဝင်ဘာ ၁၄ ရက်က ဘရာဇီးနိုင်ငံ၌ ကျင်းပသည့် ၁၁ ကြိမ်မြောက် BRIC ထိပ်သီးအစည်းအဝေးသို့ တက်ရောက် အမှာစကားပြောစဉ်က  ဗဟိုအစိုးရအနေဖြင့် ဟောင်ကောင်အခြေအနေအပေါ်ထားရှိသည့်ရပ်တည်ချက်နှင့်သဘောထားကို ဖော်ပြထားပြီဖြစ်ကြောင်း ၊ မိမိတို့အနေဖြင့်  နိုင်ငံ၏ အချုပ်အချာအာဏာ၊ လုံခြုံရေး၊ ဖွံ့ဖြိုးရေးအကျိုးစီးပွားကို ကာကွယ်ထိန်းသိမ်းသည့် သန္နိဌာန် စွဲမြဲခိုင်မာသလို “တစ်နိုင်ငံ စနစ် နှစ်ခု ”မူဝါဒ သန္နိဌာန် စွဲမြဲခိုင်မာကြောင်း ၊ ဟောင်ကောင်အရေးကို စွက်ဖက်သည့် မည်သည့် ပြည်ပအင်အားစုကိုမဆို ဆန့်ကျင်သည့် သန္နိဌာန်ကလည်း စွဲမြဲခိုင်မာကြောင်း အလေးအနက် ထား ပြောကြားခဲ့သည်။ 

မိမိတို့အနေဖြင့် ကယ်ရီလမ်းဦးဆောင်သည့် ဟောင်ကောင် အထူးအုပ်ချုပ်ခွင့်ရဒေသ အစိုးရ၏ ဥပဒေနှင့်အညီ စီမံအုပ်မှုများကိုလည်းကောင်း ၊ ဟောင်ကောင်ရဲတပ်ဖွဲ့၏ ဥပဒေနှင့်အညီ တင်းကြပ်မှန်ကန်သည့် ဆောင်ရွက်ချက်များကို လည်းကောင်း ၊ နို်ငငံချစ်သည့် ဟောင်ကောင်ချစ်သည့် အင်အားကိုလည်းကောင်း  ခိုင်မာစွာထောက်ခံကြောင်း နှင့်  ဟောင်ကောင်လူမှု အဖွဲ့အစည်းနယ်ပယ်အသီးမှ လူပုဂ္ဂိုလ်များ တစ်သားတည်းစည်းလုံးညီညွတ်စွာ  အတူ ဟောင်ကောင်၏ဖွံ့ဖြိုးတိုးတက်မှုကို ပုံမှန်ပြန်လည်ရောက်ရှိစေရန်တွန်းအားပေး ဆောင်ရွက်သွားစေလိုကြောင်း ပြောကြားခဲ့သည်။ (Xinhua)