ကုလသမဂ္ဂ အခြေစိုက်သတင်းထောက်ဟောင်းတစ်ဦးက ရှုမြင်ထားတဲ့ အမေရိကန်နိုင်ငံ၏ မျက်နှာနှစ်မျိုး

အမေရိကန်နိုင်ငံ နယူးယောက်မြို့ရှိ Times Square တွင် လမ်းလျှောက်နေသူများအား တွေ့ရစဉ် (ဆင်ဟွာ) Politics, Law & Military

ပေကျင်း၊ ဩဂုတ် ၁၄ ရက် (ဆင်ဟွာ)

ကျွန်တော် ဆင်ဟွာသတင်းထောက်အဖြစ် နယူးယောက်မြို့မှာ နှစ်ပေါင်းများစွာကြာ လုပ်ကိုင်ခဲ့ပါတယ်။ မတ်လက ထူးဆန်းလှသောနေ့ရက်များကို ပြန်ပြောင်းအောက်မေ့ရရင် အမေရိကန်နိုင်ငံက တရုတ်နိုင်ငံ သတင်းထောက်အရေအတွက်ကို ကန့်သတ်လိုက်တဲ့ အမိန့်ထွက်လာပြီးနောက် ကျွန်တော်ဟာ ရုတ်တရက် နေရပ်ပြန်ဖို့ တွန်းအားပေးခြင်းခံခဲ့ရပါတယ်။ ဖြစ်ပျက်ခဲ့တာတွေဟာ အရမ်းကိုဇာတ်လမ်းဆန်လွန်းလှတယ်လို့ ကျွန်တော်ခံစားခဲ့ရတယ်။ 

“ရုတ်တရက် အဆုံးသတ်သွားခြင်း” 

မတ်လ ၂ ရက်မှာ အမေရိကန်နိုင်ငံ သမ္မတ ဒေါ်နယ်ထရမ့် အစိုးရက နိုင်ငံအတွင်းလုပ်ကိုင်နေသော တရုတ်နိုင်ငံ မီဒီယာ လေးခုရဲ့ ဝန်ထမ်းတွေကို လျှော့ချဖို့ အမိန့်ပေးခဲ့ပါတယ်။ မတ်လ ၁၃ ရက်ကစပြီး အမေရိကန်မှာ တရုတ်နိုင်ငံသား ဦးရေ ၁၀၀ သာ အလုပ်ခန့်ထားဖို့ တရုတ်မီဒီယာလေးခုကို ခွင့်ပြုခဲ့ပါတယ်။ ဒါဟာ ၄၀ ရာခိုင်နှုန်းခန့်သာရှိပြီး ကျန်တဲ့ ၆၀ ရာခိုင်နှုန်း သို့မဟုတ် တရုတ်နိုင်ငံသား သတင်းထောက်တွေဟာ အမေရိကန်မှ ထွက်ခွာသွားရမယ်လို့ ဆိုလိုတာဖြစ်ပါတယ်။ 

ကုလသမဂ္ဂဆိုင်ရာ တရုတ်နိုင်ငံ အမြဲတမ်းကိုယ်စားလှယ် ကျန်းကျွင်း (လယ်) အား တွေ့ရစဉ် (ဆင်ဟွာ)

အဲဒီကြေညာချက်ထွက်ပေါ်လာချိန်က ကျွန်တော်ဟာ ကုလသမဂ္ဂဆိုင်ရာ တရုတ်နိုင်ငံ မစ်ရှင်က ကျင်းပသော သတင်းစာရှင်းလင်းပွဲကို တက်ရောက်နေချိန်ဖြစ်ပါတယ်။ 

တရုတ်နိုင်ငံက မတ်လအတွက် ကုလသမဂ္ဂလုံခြုံရေးကောင်စီ၏ ဥက္ကဋ္ဌအဖြစ် တာဝန်ယူထားသဖြင့် ကုလသမဂ္ဂ ဆိုင်ရာ တရုတ်နိုင်ငံ အမြဲတမ်းကိုယ်စားလှယ် ကျန်းကျွင်းက လစဉ်လုပ်ငန်းအစီအစဉ်ဆိုင်ရာ သတင်းစာရှင်းလင်းပွဲ ပြုလုပ်ခဲ့သည်။ 

ကျွန်တော်ကတော့ ကုလသမဂ္ဂရှိ ဆင်ဟွာရုံးမှာ ကျွန်တော့်တာဝန်ဟာ ရုတ်တရက်အဆုံးသတ်သွားပြီဆိုတာ သိလျက်နဲ့ နိုင်ငံအတွင်းမှနှင်ထုတ်တဲ့အမိန့်ဟာ တရားဝင်သည်ဖြစ်စေ၊ တရားမဝင်သည်ဖြစ်စေ တည်ငြိမ်စွာနေပြီး အစည်းအဝေးကိုပဲ ဂရုတစိုက်နဲ့ သတင်းမှတ်တမ်းရယူခဲ့ပါတယ်။ 

မတ်လ ၂ ရက် သတင်းစာရှင်းလင်းပွဲမှာ ကျန်းက တရုတ်နိုင်ငံက ဥက္ကဋ္ဌတာဝန်ယူစဉ်အတွင်း ကောင်စီက နိုင်ငံစုံပါဝင်ရေး အချေအတင်ဆွေးနွေးမှုတစ်ရပ် ပြုလုပ်မယ်လို့ ကြေညာသွားခဲ့ပါတယ်။ အဲသည်အဆိုပြုချက်ကတော့ ကျွန်တော် ကုလသမဂ္ဂဆိုင်ရာ သတင်းတွေ ရေးသားခဲ့ချိန် လွန်ခဲ့သော နှစ်နှစ်ကျော်အတွင်း အမေရိကန်နိုင်ငံက နိုင်ငံစုံပါဝင်ရေးဝါဒကို လက်ခံသူများနဲ့ ခွဲထွက်ဖို့ ဘာတွေလုပ်ဆောင်ခဲ့တယ်ဆိုတာကို ပြန်ပြောပြထားတာပဲ ဖြစ်ပါတယ်။ 

အမေရိကန်နိုင်ငံသည် လုံခြုံရေးကောင်စီ၏ အမြဲတမ်းအဖွဲ့ဝင်ဖြစ်သော်လည်း အဓိကတန်ဖိုးကို ဖီဆန်လျက်ရှိပြီး အစ္စရေး-ပါလက်စတိုင်း ပဋိပက္ခ၊ ရာသီဥတုပြောင်းလဲမှုနဲ့ အီရန်နျူးကလီးယားသဘောတူညီချက်စသည့် ကိစ္စရပ်များတွင် နိုင်ငံများစွာနှင့် ထိပ်တိုက်တွေ့ဆုံမှုတွေ ဖြစ်ခဲ့ပါတယ်။ 

 အမေရိကန်နိုင်ငံ နယူးယောက်မြို့ရှိ ကုလသမဂ္ဂရုံးချုပ်တွင် “အကျဉ်းထောင်က ဘာအတွက်လဲ” ဟူသော ကမ်ပိန်းအတွင်း ကြွေးကြော်နေသော ကျူးဘား သံတမန်တစ်ဦးအား တွေ့ရစဉ် (ဆင်ဟွာ)

အမေရိကန်နိုင်ငံရဲ့ မေးခွန်းထုတ်ချင်စရာ မူဝါဒများနဲ့ ဆောင်ရွက်ချက်များမှာ ကမ္ဘာလုံးဆိုင်ရာ ထောက်ခံမှု ဆုံးရှုံးလျက်ရှိပြီး အချိန်ကာလအနည်းငယ်အတွင်း ကုလသမဂ္ဂအဖွဲ့အစည်းများ၏ အပြစ်တင်ခြင်းကို ခံရလျက်ရှိကြောင်း သိရပါတယ်။ 

အမေရိကန်နိုင်ငံဟာ ဆယ်စုနှစ်နဲ့ချီ ထားရှိခဲ့တဲ့ မူဝါဒကို ချိုးဖောက်ပြီး ၂၀၁၇ ခုနှစ်က ဂျေရုဆလမ်ကို အစ္စရေးနိုင်ငံ မြို့တော်အဖြစ် အသိအမှတ်ပြုခဲ့ပြီး ၂၀၁၈ ခုနှစ် မေ ၄ ရက်က အစ္စရေးနိုင်ငံရှိ သံရုံးကို ဂျေရုဆလမ်သို့ ရွှေ့ပြောင်းခဲ့ကာ ကုလသမဂ္ဂအပါအဝင် နိုင်ငံတကာရဲ့ ဝေဖန်ပြစ်တင်မှုကို အစပျိုးစေခဲ့ပါတယ်။      

၂၀၁၇ ခုနှစ်နှောင်းပိုင်းမှာ ဂျေရုဆလမ်၏ အခြေအနေကို ပြောင်းလဲစေမယ့် ဘယ်လိုဆုံးဖြတ်ချက်မျိုးကိုမဆို “အကျုံးမဝင်” ကြောင်း ဆုံးဖြတ်ချက်တစ်ရပ်ကို ကုလသမဂ္ဂအထွေထွေညီလာခံက တစ်ညီတစ်ညွတ်တည်း ချမှတ်ခဲ့သည်။ 

၁၉၆၀ ခုနှစ်က ပထမဆုံးသတ်မှတ်ပြဌာန်းခဲ့သည့် ကျူးဘားနိုင်ငံအပေါ် အမေရိကန်၏ စီးပွားရေး၊ ကုန်သွယ်ရေးနှင့် ဘဏ္ဍာရေးပိတ်ဆို့မှု အဆုံးသတ်ရန်အတွက် ဆယ်စုနှစ်သုံးခုနီးပါးအတွင်း ကာလရှည်တောင်းဆိုမှုကို အထွေထွေညီလာခံက နှစ်စဉ် သက်တမ်းတိုးခဲ့ပါတယ်။ 

အမေရိကန်နိုင်ငံ နယူးယောက်မြို့ရှိ ကုလသမဂ္ဂရုံးချုပ်တွင် ၇၄ ကြိမ်မြောက် ကုလသမဂ္ဂ အထွေထွေညီလာခံ အစည်းအဝေး၏ အထွေထွေငြင်းခုန်ဆွေးနွေးပွဲ၌ မိန့်ခွန်းပြောနေသော သမ္မတ ဒေါ်နယ်ထရမ့်အား တွေ့ရစဉ် (ဆင်ဟွာ)

“အမေရိကန် ပထမ” ဆောင်ပုဒ်ဟာ နိုင်ငံစုံပါဝင်ရေး စားပွဲဝိုင်းမှာ နေရာမရှိပါဘူး။ ဒါကို ထရမ့်အစိုးရက အခြားသူများအား “ကြိုက်ကြိုက် မကြိုက်ကြိုက်” လက်ခံရန် နားပူနားဆာလုပ်နေခဲ့ကာ တစ်ချိန်တည်းမှာပင် နိုင်ငံစုံပါဝင်ရေးယန္တရားမှ နုတ်ထွက်မယ်ဟု ခြိမ်းခြောက်မှုများ ပြုလုပ်လျက်ရှိပါတယ်။  

ဥပမာအနေနဲ့ မကြာသေးမီနှစ်များက ဝါရှင်တန်ဟာ ပဲရစ်သဘောတူစာချုပ်၊ ယူနက်စကို (UNESCO) ၊ ကုလသမဂ္ဂ လူ့အခွင့်အရေးကောင်စီနဲ့ ကမ္ဘာလုံးဆိုင်ရာ ရွှေ့ပြောင်းသွားလာမှု သဘောတူစာချုပ်တွေကနေ နုတ်ထွက်ခဲ့ပါတယ်။ 

ပြီးတော့ အမေရိကန်ဟာ COVID-19 ကျန်းမာရေးကိစ္စတွေကို ကိုင်တွယ်ဖြေရှင်းရာမှာလည်း ရှုံးနိမ့်မှုရှိခဲ့ပြီး ထရမ့်အစိုးရဟာ ကမ္ဘာ့ကျန်းမာရေးအဖွဲ့အပေါ်မှာ ပြောင်းလဲစွပ်စွဲဖို့ ကြိုးစားခဲ့သလို အမေရိကန်ကိုလည်း ကုလသမဂ္ဂအဖွဲ့မှ နုတ်ထွက်သွားခဲ့ပါတယ်။ 

အမေရိကန်နိုင်ငံ နယူးယောက်မြို့ရှိ ကုလသမဂ္ဂရုံးချုပ်အရှေ့တွင် ကလေးတွန်းလှည်းဖြင့် လမ်းလျှောက်နေသည့် အမျိုးသမီးတစ်ဦးအား တွေ့ရစဉ် (ဆင်ဟွာ)

ကုလသမဂ္ဂသတင်းထောက်တစ်ဦးလည်း ဖြစ်သူ ပြင်သစ်နိုင်ငံသား လုပ်ဖော်ကိုင်ဖက်တစ်ဦးကလည်း တရုတ်နိုင်ငံသား သတင်းထောက်တွေကို ပစ်မှတ်ထားတဲ့ အမိန့်ကို ကြားရချိန် ကျွန်တော်တို့ရုံးကိုရောက်လာခဲ့ပြီး အားပေးစကား ပြောကြားခဲ့တယ်။ 

အမေရိကန်နိုင်ငံရဲ့ အမိန့်ဟာ အမေရိကန် ဖွဲ့စည်းပုံအခြေခံဥပဒေမှာ ထိန်းသိမ်းထားတဲ့ သတင်းလွတ်လပ်ခွင့်ကို ဇောက်ထိုးပြုမူလိုက်ခြင်းမဟုတ်ဘူးလားလို့ သူက ပြောခဲ့တယ်။ တရုတ်သတင်းထောက်တွေအနေနဲ့ ကုလသမဂ္ဂ တရားဝင်မီဒီယာ အသိအမှတ်ပြုခြင်းနှင့် ဆက်ဆံရေးရုံးနဲ့ ကုလသမဂ္ဂဆိုင်ရာ သတင်းထောက်များအသင်းတွေရဲ့ အကူအညီကို ရယူသင့်ကြောင်းလည်း အကြံပြုခဲ့တယ်။ 

သို့သော် အမေရိကန်ရဲ့ အာဏာတလွဲသုံးမှုကို ရင်ဆိုင်ရသော်လည်း ကုလသမဂ္ဂအနေနဲ့ ဆက်သွယ်ဖို့ ကြိုးစားခဲ့ပါတယ်။ ဒါပေမဲ့ အန်ကယ်ဆမ်ကို သူ့ရဲ့ခဲရာခဲဆစ် မူဝါဒတွေကို ပြောင်းလဲဖို့ ဖျောင်းဖျရာမှာ အောင်မြင်ဖို့ ခက်ခဲခဲ့ပါတယ်။ 

၁၉၄၇ ခုနှစ်တွင် အသက်ဝင်ခဲ့သော ကုလသမဂ္ဂနဲ့ အမေရိကန်နိုင်ငံကြားက သဘောတူညီချက်အရ ကုလသမဂ္ဂရုံးချုပ်ကို လေးစားခြင်းဖြင့် အမေရိကန်က ကုလသမဂ္ဂရဲ့ နိုင်ငံရပ်ခြား သံတမန်တွေကို ဝင်ခွင့်ပြုဖို့ ယေဘုယျအားဖြင့် လိုအပ်ပါတယ်။ သို့သော်ငြားလည်း ဝါရှင်တန်အနေနဲ့ သူ့ရဲ့ နိုင်ငံတကာ တာဝန်တွေနဲ့ လိုက်နာဖွယ်ရာတွေကို ထပ်ခါထပ်ခါဘေးချထားခဲ့ပြီး ၎င်းရဲ့နိုင်ငံရေးတွက်ချက်မှုတွေအတွက် ကုလသမဂ္ဂ အသိအမှတ်ပြု သံတမန် ဗီဇာကို ဆွေးနွေးညှိနှိုင်းမှုတွေမှာ အမြတ်ထုတ်စရာအချက်တစ်ခု၊ လက်နက်တစ်ခုလိုတောင် အသုံးပြုလျက်ရှိပါတယ်။

အမေရိကန် အစိုးရအနေနဲ့ ကုလသမဂ္ဂ အထွေထွေညီလာခံ ၇၄ ကြိမ်မြောက် အစည်းအဝေး တက်ရောက်မယ့် ရုရှားနိုင်ငံနဲ့ အီရန်နိုင်ငံအပါအဝင် နိုင်ငံခြား ကိုယ်စားလှယ် အဖွဲ့ဝင်များစွာကို ငြင်းပယ်ခဲ့ပါတယ်။ ထို့ပြင် ကုလသမဂ္ဂဆိုင်ရာ ကျူးဘားနိုင်ငံ၏ အမြဲတမ်းမစ်ရှင် အဖွဲ့ဝင်များအားလုံးရဲ့ လှုပ်ရှားမှုတွေကိုလည်း ချုပ်ချယ်ကန့်သတ်ခဲ့ပါသေးတယ်။ 

နေရပ်သို့ ပြန်လာခြင်း

ကျွန်တော် နောက်ပိုင်းမှာ သိခဲ့ရတာက ဆင်ဟွာအနေနဲ့ အမေရိကန် နိုင်ငံခြားရေးဝန်ကြီးဌာနနဲ့ ရင်ဆိုင်ပြောဆိုခဲ့ကြောင်း၊ ကုလသမဂ္ဂ ရုံးချုပ်က အမေရိကန်နိုင်ငံတွင် တည်ရှိနေတဲ့အတွက် ကုလသမဂ္ဂမှာ အလုပ်လုပ်နေတဲ့ တရုတ်နိုင်ငံသားတွေအနေနဲ့ အမေရိကန် သတင်းတွေ မရေးသားဘဲ အမေရိကန်အနေနဲ့ ကျွန်တော်တို့ကို ပြည်နှင်ခွင့်ပေးခွင့်မရှိကြောင်း ဥပဒေရှုထောင့်ကနေ ပြောခဲ့ပါတယ်။ 

တရုတ်နိုင်ငံ ပေကျင်းမြို့တော်ရှိ တရုတ် နိုင်ငံတကာပြပွဲစင်တာအသစ်ရှိ စောင့်ဆိုင်းဧရိယာအား တွေ့ရစဉ် (ဆင်ဟွာ)

သို့သော်လည်း လူဦးရေကန့်သတ်မှုမှာ အမေရိကန်တွင် တရုတ်မီဒီယာများအတွက် အလုပ်လုပ်နေသော တရုတ်နိုင်ငံသားအားလုံး အကျုံးဝင်ကြောင်း အိမ်ဖြူတော်က ပြောကြားခဲ့သည်။ COVID-19 ကပ်ရောဂါဖြစ်ပွားနေသည့်ကာလအတွင်း ခရီးသွားရန် အခက်အခဲများနှင့် ကျန်းမာရေးအန္တရာယ်များကို  အလေးမထားဘဲ နိုင်ငံအတွင်းမှ ထွက်ခွာရန် ပြောဆိုခြင်းမှာ ပိုပြီး စိတ်ဆိုးဒေါသထွက်စရာဖြစ်ပါတယ်။ 

နောက်ဆုံးရက်သတ်မှတ်ကာ နိုင်ငံအတွင်းထွက်ခွာရမည်ဖြစ်သဖြင့် ကျွန်တော်ဟာ ကပ်ရောဂါဖြစ်ပွားနေသည့်ကြားမှ ရရှိရန်ခက်ခဲသော လေယာဉ်လက်မှတ်များကို ဝယ်ယူရန် လုပ်ဖော်ကိုင်ဖက်များကို အကူအညီတောင်းခဲ့ရပါတယ်။ ထို့ပြင် ဈေးကွက်အတွင်း၌ပင် ဝယ်ယူရန်မလွယ်ကူသော N95 နှာခေါင်းစည်းအနည်းငယ်ကိုလည်း မိတ်ဆွေများထံက ရရှိခဲ့ပါတယ်။ 

၁၃ နာရီကြာ လေယာဉ်စီးခဲ့ပြီး လေယာဉ်ဆင်းပြီး ၁၂ နာရီအကြာမှာ ကျွန်တော်ဟာ ကျန်းမာရေးစစ်တမ်းဖြည့်ခြင်း၊ အကောက်ခွန်ဝင်ရောက်ခြင်းတို့ ဆောင်ရွက်ပြီး ပေကျင်းမြို့ရှိ အသွားအလာကန့်သတ်ထားသောဟိုတယ်တစ်ခုတွင် နေထိုင်ခဲ့ရပါတယ်။ အင်မတန် ပင်ပန်းခဲ့ရပါတယ်။ 

ကျွန်တော်နဲ့ လေယာဉ်တစ်စီးတည်း စီးနင်းလိုက်ပါလာသူ ခရီးသွားတစ်ယောက်မှာ COVID-19 ရောဂါတွေ့ရှိခဲ့တာကြောင့် ကျွန်တော်ဟာ nucleic acid စစ်ဆေးစမ်းသပ်မှုလုပ်ရမယ့် ဦးစားပေးအုပ်စုထဲမှာ ပါဝင်သွားခဲ့ပါတယ်။ နောက်ပိုင်းမှာ ကျွန်တော့်လည်ချောင်းနာလာတာကြောင့် ရှောင်ထန်ဆန်းဆေးရုံမှာ ကျန်းမာရေးစစ်ဆေးမှုတွေ ခံယူခဲ့ပါတယ်။ ကံကောင်းစွာနဲ့ပဲ COVID-19 စစ်ဆေးမှုမှာ ပိုးမတွေ့ရှိ (negative) ခဲ့ပါဘူး။ 

လွန်ခဲ့တဲ့နှစ်အနည်းငယ်ကို ပြန်တွေးကြည့်မယ်ဆိုရင် အမေရိကန်အစိုးရက “နိုင်ငံခြားအေးဂျင့်” အဖြစ် မှတ်ပုံတင်ခြင်းကို “နိုင်ငံခြားမစ်ရှင်” အဖြစ် စီမံခန့်ခွဲဖို့ ဖိအားပေးခြင်း၊ အမေရိကန်က တရုတ်သတင်းထောက်တွေကို ပြည်နှစ်ဒဏ်ပေးဖို့ တရုတ်နိုင်ငံသား သတင်းထောက်ဦးရေ ၂၀ ကျော်အတွက် ဗီဇာထုတ်ပေးမှု ငြင်းဆိုလိုက်ခြင်းတွေကတစ်ဆင့် တရုတ်မီဒီယာတွေအပေါ် ဖိနှိပ်မှုအရှိန် ဆက်တိုက်မြှင့်တင်လာတာလို့ ကျွန်တော် ပြန်တွေးမိပါတယ်။ 

ကျွန်တော် တရုတ်နိုင်ငံကို ပြန်ရောက်ပြီးတဲ့နောက် အမေရိကန်ဟာ တင်းကြပ်မှုတွေကို ဆက်ပြီးလုပ်နေခဲ့ပါတယ်။ မေလမှာ အမေရိကန်အတွင်း နေထိုင်တဲ့ တရုတ်သတင်းထောက်အားလုံးရဲ့ အလုပ်လုပ်ခွင့်ဗီဇာကို ရက်ပေါင်း ၉၀ အထိ လျှော့ချလိုက်ပါတယ်။ 

တရုတ်နိုင်ငံကို ပြန်ရောက်ပြီး လွန်ခဲ့တဲ့နှစ်တစ်ဝက်လောက်မှာ ကျွန်တော် နယူးယောက်မှာနေခဲ့ချိန်တွေကို မကြာခဏ ပြန်တွေးမိပါတယ်။ အမေရိကန်နိုင်ငံဟာ မတူကွဲပြားတဲ့ မျက်နှာသွင်ပြင်များစွာနဲ့ ဝိရောဓိဖြစ်နေတဲ့နေရာတစ်ခု ဆိုတာ ကျွန်တော်တွေ့ရှိခဲ့တယ်။ နယူးယောက်မှာက ကွဲပြားပြီး အားလုံးပါဝင်တဲ့ အမေရိကန် အသိုင်းအဝိုင်းတစ်ခုကို ကျွန်တော်မြင်တွေ့ခဲ့ရပြီး ကုလသမဂ္ဂမှာကျတော့ နိုင်ငံစုံပါဝင်ရေးဝါဒကို ဖီလာဆန့်ကျင်တဲ့ ခေါင်းမာတဲ့ နိုင်ငံတစ်နိုင်ငံ၊ ပြီးတော့ သူနဲ့သဘောမတူသူမှန်သမျှကို ပိတ်ဆို့မှုတွေကို အမြဲလုပ်ဆောင်သူအဖြစ် မြင်တွေ့ခဲ့ရပါတယ်။ 

အမေရိကန်နိုင်ငံ နယူးယောက်မြို့ရှိ Times Square တွင် လမ်းသွားလမ်းလာများအား တွေ့ရစဉ် (ဆင်ဟွာ)

ပြီးတော့ ကြင်နာတတ်ပြီး ဖော်ရွေမှုရှိတဲ့ နယူးယောက်မြို့သားတွေနဲ့ ဆုံတွေ့ခဲ့ပါသေးတယ်။ ကျွန်တော့်အတွက် ဆိုဖာတပ်ပေးပြီး ပိုက်ဆံမယူတဲ့ အထွေထွေအလုပ်သမား Willis ၊ ကျွန်တော်တို့ တိုက်ခန်းအဆောက်အအုံမှာ နေထိုင်ကြသူတိုင်းကို သိတဲ့၊ လူတိုင်းကို ပစ္စည်းထုပ်တွေ သိမ်းဆည်းဖို့ စိတ်ပါလက်ပါ သတိပေးလေ့ရှိတဲ့ အိမ်ရာစောင့်ရှောက်သူ Wilmoth နဲ့ ကျွန်တော့်ရဲ့ ဆေးကုသစရိတ်ကို လျှော့ပေးပြီး ကျွန်တော့်အခြေအနေကို စိတ်ရှည်ရှည်နဲ့ ရှင်းပြပေးလေ့ရှိတဲ့ ဒေါက်တာ Martin Wolff တို့ပဲဖြစ်ပါတယ်။ 

သူတို့လိုပဲ အမေရိကန်လူမျိုးတွေဟာ သည်းခံတတ်၊ လေးစားတတ်ပြီး ကူညီတတ်ကြပါတယ်။ သူတို့တွေက တရုတ်နိုင်ငံ ၊ တရုတ်လူမျိုးဆိုပြီး ရန်လိုတာမျိုး မရှိကြပါဘူး။ အဲဒီအစား စီးပွားရေးဂလိုဘယ်လိုက်ဇေးရှင်းနဲ့ တရုတ်-အမေရိကန်ဆက်ဆံရေးနဲ့ ကုန်သွယ်ရေးတွေကနေ အကျိုးကျေးဇူးများစွာလည်း ရရှိကြပါတယ်။ သူတို့ဂရုစိုက်ကြတာက ပိုမိုကောင်းမွန်တဲ့ဘဝမှာ နေထိုင်ဖို့နဲ့ သူတို့ရဲ့ ကိုယ်ပိုင်ကြွယ်ဝမှုကိုပဲ ဖြစ်ပါတယ်။ အမေရိကန် နိုင်ငံရေးသမားတချို့ ပြောဆိုချက်နဲ့ ကွဲပြားတာကတော့ သူတို့ဟာ အမည်ခံ “စစ်အေးတိုက်ပွဲသစ်” ကို စိတ်ဝင်စားမှုအနည်းငယ်သာရှိကြပါတယ်။ 

လက်ရှိ အမေရိကန်အစိုးရက "Make America Great Again” လို့ ပြောဆိုပြီး “အမေရိကန် ပထမ” ကိုပဲ အမြဲအမွှန်းတင်လေ့ရှိပါတယ်။ သို့သော် အမေရိကန်က နိုင်ငံစုံပါဝင်ရေးဝါဒကို ကြိမ်ဖန်များစွာ ပစ်ပယ်တာတွေ၊ နိုင်ငံတကာတာဝန်နဲ့ ဝတ္တရားတွေကနေ နုတ်ထွက်တာ၊ အယူဝါဒထိပ်တိုက်ရင်ဆိုင်မှုကို အဆက်မပြတ် ဆောင်ရွက်တာနဲ့ ပြည်တွင်းရေးမအောင်မြင်မှုတွေအတွက် ပြည်ပအကြောင်းရင်းကို ထပ်ခါထပ်ခါ စွပ်စွဲတာမျိုး လုပ်လာချိန်မှာတော့ “အမေရိကန် ပထမ” ဆိုတာဟာ အတိုက်အခံနဲ့သာ ရင်ဆိုင်ရနိုင်ပြီး သူတို့ပြောတဲ့ “ကြီးမြတ်မှု” ဆိုတာကလည်း ဆုတ်ယုတ်မှုသာလျှင် ဖြစ်လာပါတော့တယ်။  (Xinhua)