ပေကျင်း၊ အောက်တိုဘာ ၈ ရက် (ဆင်ဟွာ)

တရုတ်နိုင်ငံ၏ မူဝါဒဘဏ်များအနက် တစ်ခုဖြစ်သော တရုတ် ဖွံ့ဖြိုးတိုးတက်ရေးဘဏ် (China Development Bank) က လာမည့်ငါးနှစ်တာအတွင်း သက်ကြီးရွယ်အိုစောင့်ရှောက်မှုဆိုင်ရာဝန်ဆောင်မှုများအတွက် ချေးငွေ ယွမ် ၁၀၀ ဘီလီယံ အမေရိကန်ဒေါ်လာ ၁၄.၇ ဘီလီယံ) ခွင့်ပြုရန်လျာထားကြောင်း သိရသည်။

ပေကျင်း၊ အောက်တိုဘာ ၇ ရက် (ဆင်ဟွာ)

တရုတ်နိုင်ငံ၏ ဆင်းရဲနွမ်းပါးသည့် ကျေးရွာများတွင် နေထိုင်သူများ၏ ၉၈ ရာခိုင်နှုန်းသည် ၂၀၂၀ ပြည့်နှစ် ဇွန်လကုန်အထိ fiber-optic ကေဘယ်မှတစ်ဆင့် အင်တာနက် ဝင်ရောက်အသုံးပြုလျက်ရှိပြီး ၂၀၁၇ ခုနှစ်က ၇၀ ရာခိုင်နှုန်းအောက်ရှိရာမှ မြင့်တက်လာခဲ့ခြင်း ဖြစ်ကြောင်း တရုတ်နိုင်ငံ အင်တာနက် ဖွံဖြိုးတိုးတက်ရေးဆိုင်ရာ အစီရင်ခံစာ အရ သိရသည်။

ပေကျင်း ၊ အောက်တိုဘာ ၅ ရက်(ဆင်ဟွာ)

တရုတ်နိုင်ငံ၌ ဇွန်လအထိ  ကျေးလက်နေပြည်သူများ အင်တာနက်အသုံးပြုသူအရေအတွက်သည် ၂၈၅ သန်းအထိ ရောက်ရှိခဲ့ရာ တစ်နိုင်ငံလုံးအတိုင်းအတာဖြင့် အင်တာနက်အသုံးပြုသူစုစုပေါင်း၏ ၃၀ ရာခိုင်နှုန်းကျော်အထိ ရှိနေကြောင်း တရုတ်နိုင်ငံအင်တာနက်ဖွံ့ဖြိုးရေးအစီအစဉ်မှ မကြာသေးမီက ထုတ်ပြန်လိုက်သည့် အစီရင်ခံစာတစ်စောင်တွင် ဖော်ပြထားသည်။

ရန်ကုန်၊ အောက်တိုဘာ ၅ ရက်(ဆင်ဟွာ) 

 “ပေကျင်းမှာ ဘုရားကျောင်းရှိလား။တကယ်လို့ တစ်ခုခုများ ဖြစ်ခဲ့ရင် ကျွန်တော် ကျွန်တော့်သမီးလေးရဲ့ နောက်ဆုံးခရီးကို  ကျွန်တော်တို့ ထုံးတမ်းအစဉ်အလာနဲ့အညီ လုပ်ပေးချင်တယ်။”ဟု ခွဲစိတ်သဘောတူလက်မှတ်ထိုးပြီးပြီးချင်း နှလုံးရောဂါဝေဒနာရှင် ကလေးငယ်၏ဖခင် ဦးမြသိန်းက အနီးတွင်ရှိသော ဘာသာပြန်စေတနာ့ဝန်ထမ်းအား လှမ်းပြောသည်။ 

ဟောင်ကောင် ၊ အောက်တိုဘာ ၅ ရက်(ဆင်ဟွာ)

ဟောင်ကောင်အထူးအုပ်ချုပ်ခွင့်ရဒေသ(HKSAR) ရှိ တရုတ်နိုင်ငံ နိုင်ငံခြားရေးဝန်ကြီးဌာန ကော်မရှင်နာရုံးက ဟောင်ကောင်ရဲတပ်ဖွဲ့၏ တရားဉပဒေစိုးမိုးရေး ဆောင်ရွက်ချက်များအား နာမည်ဖျက်ရန် နှင့် မဟုတ်မမှန် သိက္ခာကျဆင်းစေရန် အမေရိကန်နိုင်ငံခြားရေးဝန်ကြီးဌာန၏ ပြောဆိုမှုအပေါ် ပြင်းထန်စွာ ကန့်ကွက်ရှုတ်ချကြောင်း နှင့် လုံးဝကျေနပ်မှု မရှိကြောင်း အောက်တိုဘာ ၄ ရက်တွင် ထုတ်ဖော်ပြောကြားခဲ့သည်။

ပေကျင်း၊ အောက်တိုဘာ ၃ ရက် (ဆင်ဟွာ)

တရုတ်နိုင်ငံ အမျိုးသားအာကာသစီမံခန့်ခွဲမှုဦးစီးဌာန (CNSA) က အင်္ဂါဂြိုဟ်စူးစမ်းလေ့လာရေးယာဉ် ထျန်းဝန်-၁ (Tianwen-1) ၏ ပျံသန်းနေစဉ်အတွင်း ဓာတ်ပုံများကို တရုတ်နိုင်ငံ အမျိုးသားနေ့နှင့် ဆောင်းဦးရာသီပွဲတော်တို့ တစ်ပြိုင်နက်ကျရောက်သော အောက်တိုဘာ ၁ ရက်တွင် ထုတ်ပြန်လိုက်ကြောင်း သိရသည်။ 

ပေကျင်း၊ အောက်တိုဘာ ၂ ရက် (ဆင်ဟွာ)
တရုတ်နိုင်ငံသမ္မတ ရှီကျင့်ဖိန်က အောက်တိုဘာ ၁ ရက်တွင် တင်ပြသည့် အဆိုပြုချက်များသည် ကျား၊မတန်းတူညီမျှမှု မြှင့်တင်ရေးနှင့် COVID-19 ကပ်ရောဂါ ဖြစ်ပွားနေသည့်ကြားမှ အမျိုးသမီးအရေး ဘက်စုံဖွံ့ဖြိုးတိုးတက်မှု မြှင့်တင်ရေးများဆိုင်ရာ ကမ္ဘာလုံးဆိုင်ရာသဘောတူညီချက်ကို ခိုင်မာစေမည်ဖြစ်ကြောင်း ကမ္ဘာအနှံ့ကျွမ်းကျင်သူများက ပြောကြားခဲ့သည်။

ပေကျင်း ၊ အောက်တိုဘာ ၁ ရက် (ဆင်ဟွာ)

တရုတ်နိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဝမ်းဝန်ပင်းက စက်တင်ဘာ ၃၀ ရက် ၌ ကျင်းပ ပြုလုပ်သည့် သတင်းစာရှင်းလင်းပွဲတွင် လတ်တလောရက်ပိုင်း အတွင်း ကမ္ဘာ့ဘဏ် မှ ထုတ်ပြန်ခဲ့သည့် ကြေညာချက်အရ နိုင်ငံတကာ အသိုင်းအဝိုင်း အနေဖြင့် တရုတ် နိုင်ငံ၏ ကပ်ရောဂါ ကာကွယ်ထိန်းချုပ်မှု နှင့် လူမှုစီးပွားဖွံ့ဖြိုးတိုးတက်မှု တို့တွင် ရရှိခဲ့သော ထင်းရှားသည့် အောင်မြင်မှုများ အပေါ် မြင့်မားစွာ အသိအမှတ်ပြုခဲ့ကြောင်း ၊ တရုတ် နိုင်ငံ စီးပွားရေး လျင်မြန်စွာ ပြန်လည်ကောင်းမွန်လာခြင်းသည် တရုတ် နိုင်ငံ နှင့် ပြည်ပနိုင်ငံများ အကြား စီးပွားရေး နှင့် ကုန်သွယ်ရေး ပူးပေါင်းဆောင်ရွက်မှု အတွက် အခွင့်အလမ်းများ တိုးချဲ့ပေးနိုင်ခဲ့ကြောင်း ၊ တရုတ် နိုင်ငံ ၏ စီးပွားရေး လျင်မြန်စွာ ပြန်လည်ကောင်းမွန်လာခြင်း က ကမ္ဘာ့စီးပွားရေး ပြန်လည်ကောင်းမွန်လာစေရန် အတွက် အားအင်ဖြစ်စေခဲ့ပြီး ကမ္ဘာ့လူသားများ အတွက်လည်း ယုံကြည်မှု ပိုမို ရရှိစေခဲ့ကြောင်း ပြောကြား ခဲ့သည်။

ပေကျင်း ၊ အောက်တိုဘာ ၁ ရက် (ဆင်ဟွာ)

တရုတ်နိုင်ငံ၏ COVID-19 ရောဂါ ကာကွယ်ဆေးသည် ဥရောပ နှင့် အမေရိကန် နိုင်ငံ တို့၏ ကာကွယ်ဆေးထက် ဈေးနှုန်းပိုမိုမြင့်မားသည် ဟူ၍ ရေးသားဖော်ပြမှုများသည် မည်သည့် အထောက်အထား မှမရှိကြောင်း၊ တရုတ်နိုင်ငံ အနေဖြင့် ကာကွယ်ဆေးအား ကမ္ဘာ့အများပြည်သူ့ ပစ္စည်းအဖြစ် သတ်မှတ်ကာ မျှတပြီး မှန်ကန်သည့် ဈေးနှုန်းဖြင့် ကမ္ဘာ့နိုင်ငံအသီးသီးကို ထောက်ပံ့ပေးသွားမည် ဖြစ်ကြောင်း ၊ ထို့ပြင်ပုံစံ အမျိုးမျိုးဖြင့် ဖွံ့ဖြိုးဆဲနိုင်ငံများကို ကာကွယ်ဆေးထောက်ပံ့ပေးသွားမည်ဖြစ်ပြီး လှူဒါန်းခြင်းနှင့် အခမဲ့ အကူအညီ ပေးသည့် ပုံစံတို့လည်း ပါဝင်ကြောင်း တရုတ်နိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဝမ်းဝန်ပင်း က စက်တင်ဘာ ၃၀ ရက် ၌ ကျင်းပပြုလုပ်သော သတင်းစာရှင်းလင်းပွဲ တွင် ပြောကြား ခဲ့သည်။ 

ပေကျင်း ၊ အောက်တိုဘာ ၁ ရက်(ဆင်ဟွာ)

တရုတ်နိုင်ငံသမ္မတရှီကျင့်ဖိန်က ကူဝိတ်နိုင်ငံ၏ စော်ဘွားသစ်အား ဂုဏ်ယူဝမ်းမြောက်ကြောင်း သဝဏ်လွှာတစ်စောင်ကို ယနေ့အောက်တိုဘာ ၁ ရက်တွင် ပေးပို့ခဲ့ပြီး နှစ်နိုင်ငံဆက်ဆံရေး ရှေ့ဆက်မြှင့်တင်ရန် အတူတကွကြိုးပမ်းအားထုတ်သွားမည်ဖြစ်ကြောင်း ထည့်သွင်းပြောကြားခဲ့သည်။