နေပြည်တော်၊ နိုဝင်ဘာ ၂၆ ရက်(ဆင်ဟွာ) ရေးသားသူ/စိုးသန်းလင်း

သီးနှံ ဆိုင်ရာ နိုင်ငံတကာ အဆင့် အသိအမှတ်ပြု စံချိန်စံညွှန်း သတ်မှတ်ရေးအဖွဲ့ ISO ဓာတ်ခွဲခန်း နှစ်ခုကို ထပ်မံ ဖွင့်လှစ်နိုင်ရန် နေပြည်တော်နှင့် မန္တလေးတို့တွင် စီစဉ်လျက်ရှိသည်ဟု စိုက်ပျိုးရေး၊ မွေးမြူ ရေးနှင့် ဆည်မြောင်း ဝန်ကြီးဌာန စိုက်ပျိုးရေးဦးစီးဌာန၊ ညွှန်ကြားရေးမှူးချုပ် ဒေါက်တာ ရဲတင့်ထွန်းက မီဒီယာသို့ ယနေ့ နံနက်ပိုင်းတွင် ပြောကြားခဲ့သည်။

ရန်ကုန်၊ နိုဝင်ဘာ ၂၁ ရက် (ဆင်ဟွာ) ရေးသားသူ/အေးလပြည့်

မြန်မာနိုင်ငံတွင် ပျောက်ကွယ်လုနီးပါးရှိနေသော သီးပင်၊ စားပင်ဒေသမျိုးရင်းမျိုးစိတ်များစွာရှိကြောင်း၊ ထို့ကြောင့် မိမိဒေသရှိ ရှားပါးမျိုးစေ့(သို့မဟုတ်) အပင်ကိုင်းများအား မျိုးစေ့ဘဏ်သို့ လှူဒါန်းနိုင်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ မျိုးစေ့ဘဏ်၊ စိုက်ပျိုးရေးသုတေသနဦးစီးဌာနမှ ဒုတိယညွှန်ကြားရေးမှူးဒေါက်တာမင်းစံသိန်းက ဆင်ဟွာသို့ နိုဝင်ဘာ ၂၁ ရက်တွင်ပြောသည်။

ရန်ကုန်၊ နိုဝင်ဘာ ၆ ရက် (ဆင်ဟွာ) ရေးသားသူ/အေးလပြည့်

စိုက်ပျိုးရေးသုတေသနဦးစီးဌာန၏ မျိုးစေ့ဘဏ်ဌာနစုတွင် သီးနှံမျိုးစိတ်ပေါင်း ၄၀ ကျော် နှင့် အဆိုပါမျိုးစိတ်များ၏ ဗီဇကွဲမျိုးပေါင်း ၁၂,၀၀၀ ကျော်ကို တောင်သူများလိုအပ်ပါက ထုတ်ပေးရန်နှင့် သုတေသနလုပ်ငန်းများအတွက် သိမ်းဆည်းထားကြောင်း စိုက်ပျိုးရေးသုတေသနဦးစီးဌာန၊ မျိုးစေ့ဘဏ်ဌာနစု မှ ညွှန်ကြားရေးမှူး ဒေါက်တာမင်းစံသိန်း က ဆင်ဟွာသို့ နိုဝင်ဘာ ၆ ရက်တွင်ပြောသည်။

ရန်ကုန်၊ အောက်တိုဘာ ၃၀ ရက် (ဆင်ဟွာ)

မြန်မာနိုင်ငံတွင် မျိုးစေ့ဘဏ်အနေဖြင့် အာဟာရဓာတ် ပိုမိုကြွယ်ဝပြီး အထွက်နှုန်းကောင်းမွန် စေရန်ရည်ရွယ်၍ ယခုနှစ် မိုးရာသီတွင် ဆန်နီ (Red Rice) နှင့် ဆန်အရောင်စုံမျိုးဗီဇကွဲများ မျိုးပေါင်း (၂၀၀) ကျော် ကို ထပ်ပြုကြိမ်(၃) ကြိမ်ဖြင့် စိုက်ပျိုး၍ ယခုအခါ အထွက်နှင့်အထွက်မိတ်ဖက်များ ကနဦးလေ့လာမှုများပြုလုပ်လျက်ရှိကြောင်း၊ အဆိုပါ သုတေသနပြုချက်ဆောင်ရွက်ပြီးစီးပါက တောင်သူများထံသို့ဝေမျှသွားမည်ဖြစ်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ မျိုးစေ့ဘဏ်၊ စိုက်ပျိုးရေးသုတေသနဦးစီးဌာနမှ ဒုတိယညွှန်ကြားရေးမှူးဒေါက်တာမင်းစံသိန်းက ဆင်ဟွာသို့ အောက်တိုဘာ ၃၀ရက်တွင်ပြောသည်။

ရန်ကုန် ၊ အောက်တိုဘာ ၂၉ ရက်(ဆင်ဟွာ)

မြန်မာနိုင်ငံရင်းနှီးမြှုပ်နှံမှုကော်မရှင်က ဆောင်ရွက်ဆဲလုပ်ငန်း ၈ ခုမှ မတည်ငွေရင်းတိုးမြှင့်ခြင်း အပါအဝင် မွေးမြူရေးနှင့်ရေလုပ်ငန်းကဏ္ဍ၊ စက်မှုကဏ္ဍ၊ အိမ်ရာအဆောက်အဉီကဏ္ဍ၊ ရေနံနှင့်သဘာဝဓါတ်ငွေ့ ကဏ္ဍ နှင့် အခြားဝန်ဆောင်မှုကဏ္ဍတို့မှ လုပ်ငန်းသစ်(၅)ခု ကို ကော်မရှင်၏ (၁၄/၂၀၂၀) ကြိမ်မြောက် အစည်းအဝေးတွင် ခွင့်ပြုခဲ့ကြောင်း သိရသည်။

ရန်ကုန်၊ အောက်တိုဘာ ၁၆ ရက် (ဆင်ဟွာ)

အရည်အသွေးကောင်းဈေးကွက်ဝင် ဒေသမျိုးရင်းငှက်ပျောမျိုးများရရှိစေရန် မျိုးထွန်းနည်းပညာနှင့် အပင်တစ်သျှူးမွေးမြူရေးတို့ ပူးတွဲအသုံးပြု၍ သီးနှံမျိုးသစ်များ သုတေသနပြု ရှာဖွေဖော်ထုတ်ရေးအား ဆောင်ရွက်လျက်ရှိကြောင်း စိုက်ပျိုးရေး၊မွေးမြူရေး နှင့် ဆည်မြောင်းဝန်ကြီးဌာန၊ စိုက်ပျိုးရေးသုတေသနဦးစီးဌာန၊ အပင်ဇီဝနည်းပညာသုတေသနဌာနမှ ညွှန်ကြားရေးမှူးချုပ် ဒေါက်တာနိုင်ကြည်ဝင်းက အောက်တိုဘာ ၁၆ ရက်တွင် ဆင်ဟွာသို့ပြောသည်။

ရန်ကုန်၊ အောက်တိုဘာ ၁၃ ရက် (ဆင်ဟွာ)

မြန်မာ့နာနတ်သီးများကို ယခုနှစ်တွင် ပထမဆုံးအကြိမ်ဖြင့် တရုတ်နိုင်ငံသို့ အစိုးရချင်း (Government to Government) ချိတ်ဆက်၍ တင်ပို့ရောင်းချမည်ဖြစ်ကြောင်း နှင့် မြန်မာ့နာနတ်သီးများသည် ပိုးကျရောက်မှု ဒဏ်ခံနိုင်သည့်အတွက် စိုက်ဧက၏ ၂၀ ရာခိုင်နှုန်းခန့်တွင်သာ ပိုးစေးနှဲအနည်းငယ် ကျရောက်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးဦးစီးဌာန အပင်ပိုးမွှားဌာနစုတာဝန်ခံ ဒေါက်တာ ခင်ခင်မာလာမြင့် က ဆိုသည်။

ရန်ကုန်၊ စက်တင်ဘာ ၂၈ ရက် (ဆင်ဟွာ)

မြန်မာနိုင်ငံအတွင်းရှိ မြစ်ချောင်းဒေသများ၌ ယခုနှစ်အတွင်း မြန်မာ့ရေချိုငါးမျိုးစိတ်သစ် ၁၀ မျိုးတွေ့ရှိထားကြောင်း အပြည်ပြည် ဆိုင်ရာ တောရိုင်းတိရစ္ဆာန်နှင့် သဘာဝအပင် အဖွဲ့(မြန်မာ)FFIထံမှ သိရသည်။

ရန်ကုန်၊ စက်တင်ဘာ ၂၅ ရက် (ဆင်ဟွာ)

ယခုနှစ်မိုးရာသီ တွင် မိုးဦး၊ မိုးလယ်၊ မိုးနှောင်း ကာလ ၃ ခု လုံးတွင် မိုးရေရရှိမှု နည်းသောကြောင့် ဆည်များတွင်ရေရရှိမှုနည်းလျက်ရှိကြောင်း၊တစ်နိုင်ငံလုံးရှိ ရေလှောင်တမံပေါင်း ၂၃၅ ခု တွင် ၁၇ ခုသာ ရေကျော်ကြောင်း၊ ရေလှောင်တမံများရေရှိမှု မနှစ်ကထက် သိသာစွာလျော့နည်းသွားသည့်အတွက်  စိုက်ပျိုးရေ ခက်ခဲနိုင်သောကြောင့် စိုက်ပျိုးရေးတွင် တောင်သူများရေရရှိရေး အတွက် ကြိုတင်ပြင်ဆင်မှုများ ဆောင်ရွက်လျက်ရှိကြောင်း စိုက်ပျိုးရေး၊ မွေးမြူရေး နှင့် ဆည်မြောင်ဝန်ကြီးဌာန ဒုတိယအမြဲတမ်းအတွင်းဝန် ဦးမျိုးတင့်ထွန်းက ဆင်ဟွာသို့ စက်တင်ဘာ ၂၅ ရက်တွင်ပြောသည်။

ရန်ကုန်၊ စက်တင်ဘာ ၅ ရက် (ဆင်ဟွာ)

၂၀၁၇ ခုနှစ် မှ စ၍ ၂၀၂၀ ပြည့်နှစ် သြဂုတ်လ အထိ ၃ နှစ်ကျော်ကာလအတွင်း စိုက်ပျိုးရေးကဏ္ဍ အတွက် တောင်သူများ Call Center သို့ ဆက်သွယ်အကူအညီတောင်းခံသည့်အကြိမ်ရေပေါင်း ၅၀၀၀ ကျော်ရှိကြောင်း စိုက်ပျိုးရေး၊ မွေးမြူရေး နှင့် ဆည်မြောင်းဝန်ကြီးဌာန မှ သိရသည်။

Page 1 of 5