ရန်ကုန်၊ ဖေဖော်ဝါရီ ၂၀ ရက် (ဆင်ဟွာ) 

ရှမ်းပြည်နယ်၊ လားရှိုးမြို့နယ်၊ နောင်မွန်ကျေးရွာအုပ်စု၊ နောင်မွန်ကျေးရွာ၌ သံသယဖြစ်ဖွယ် ဝက်ရောဂါဖြစ်ပွားမှုနှင့် ပတ်သက်၍ နာမကျန်းဝက် (၂)ကောင်မှ ကောက်ယူထားသော သွေး နမူနာပစ္စည်းကို မော်လီကျူလာနည်းပညာ ဖြင့် ဓာတ်ခွဲစမ်းသပ်စစ်ဆေးခဲ့ရာ အာဖရိကဝက် အပြင်းဖျား ရောဂါပိုး (African Swine Fever Virus)၏ မျိုးရိုးဗီဇကို တွေ့ရှိခဲ့ရ ပါသဖြင့် ကမ္ဘာ့တိရစ္ဆာန်ကျန်းမာရေးအဖွဲ့ သို့ သတင်းပေးပို့ခြင်းများ ဆောင်ရွက်ခဲ့ကြောင်း ပြန်ကြားရေးဝန်ကြီးဌာန ကဖေဖော်ဝါရီလ ၂၀ ရက်တွင် သတင်းထုတ်ပြန်ခဲ့သည်။

မန္တလေး၊ ဖေဖော်ဝါရီ ၁၅  ရက် (ဆင်ဟွာ)

မန္တလေးတိုင်းဒေသကြီးရှိ ကန်တော်နဒီဆေးရုံတွင် စခန်းသွင်း စောင့်ကြပ်ကြည့်ရှုခြင်းခံထားရသော တရုတ်ပြည်သူ့သမ္မတနိုင်ငံဝူဟန့်မြို့မှ ပြန်လည်ရောက်ရှိလာသည့် ကျောင်းသား/ကျောင်းသူ ၅၉ ဦးနှင့် ကျန်မာရေးဝန်ထမ်း ၃ ဦး စုစုပေါင်း ၆၂  ဦးသည် ကျန်းမာရေးကောင်းမွန်စွာရှိသည့်အတွက် ဆေးရုံမှ ဆင်းခွင့်ပြုမည်ဖြစ်ကြောင်း မန္တလေးတိုင်းပြည်သူ့ကျန်းမာရေးနှင့်  ကုသရေးဦးစီးဌာန၊ ဦးစီးမှူး ဒေါက်တာ ဒေါ်သန်းသန်းမြင့်က ဆင်ဟွာသတင်းဌာနသို့ အတည်ပြုပြောကြားသည်။

နေပြည်တော်၊ ဖေဖော်ဝါရီ ၁၁ ရက်(ဆင်ဟွာ)

မြန်မာနိုင်ငံ၌ ကိုရိုနာဗိုင်းရပ်စ် စစ်ဆးအတည်ပြုမှုအား လာမည့် ဖေဖော်ဝါရီ ၁၉ ရက်တွင် စတင် ဆောင်ရွက်နိုင်မည်ဖြစ်ကြောင်း ကျန်းမာရေးနှင့် အားကစား ဝန်ကြီးဌာန ပြည်ထောင်စုဝန်ကြီး ဒေါက်တာ မြင့်ထွေးက ပြည်သူ့လွှတ်တော်ယနေ့ အစည်းအဝေးတွင် ပြောကြားခဲ့သည်။

ရန်ကုန် ၊ ဖေဖော်ဝါရီ ၁၁ ရက်(ဆင်ဟွာ)

ဆေးရုံများတွင် စောင့်ကြပ်ကြည့်ရှုကုသမှုခံယူနေသော လူနာများအနက် လူနာ ၆ ဦး၏ ဓာတ်ခွဲအဖြေများတွင် 2019 Novel Coronavirus ဗိုင်းရပ်(စ်)ရောဂါပိုး မရှိကြောင်း ရည်ညွှန်းဓာတ်ခွဲခန်းမှ ပြန်ကြား လာခဲ့ကြောင်း ယနေ့ နံနက်ပိုင်းတွင် ကျန်းမာရေး နှင့် အားကစား ဝန်ကြီးဌာနမှ နေလည်ပိုင်း သတင်း ထုတ်ပြန်ချက် အရ သိရသည်။

ရန်ကုန်၊ ဖေဖော်ဝါရီ ၆ ရက် (ဆင်ဟွာ) 

တိုင်းဒေသကြီးနှင့် ပြည်နယ် တစ်ချို့ ရှိ ဆေးရုံများတွင် 2019-nCoV acute respiratory disease ၏ စောင့်ကြည့်လူနာ ၄ ဦး၏ ဓာတ်ခွဲနမူနာများရယူခဲ့ပြီး နှာခေါင်းတို့ဖတ်နမူနာ (Nasopharyngeal Swab) များကို ကမ္ဘာ့ကျန်းမာရေးအဖွဲ့၏ ရည်ညွှန်းဓာတ်ခွဲခန်းသို့ ပေးပို့စစ်ဆေးခဲ့ရာ 2019 Novel Coronavirus မရှိကြောင်း ကျန်းမာရေး နှင့် အားကစားဝန်ကြီးဌာန က ဖေဖော်ဝါရီ ၅ ရက် တွင် သတင်းထုတ်ပြန်ခဲ့သည်။ 

ရန်ကုန်၊ ဖေဖော်ဝါရီ ၄ ရက် (ဆင်ဟွာ) 

တိုင်းဒေသကြီး နှင့် ပြည်နယ်များ ရှိ မြို့နယ် ၆ ခုတွင် အနိမ့်ဆုံးအပူချိန်စံချိန်သစ်များ တင်ခဲ့ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာန က ဖေဖော်ဝါရီ ၄ ရက်တွင် ထုတ်ပြန်ခဲ့သည်။ 

ရန်ကုန်၊ ဖေဖော်ဝါရီ ၃ ရက် (ဆင်ဟွာ) 

ဇန်နဝါရီ (၃၁) ရက် က China Southern လေကြောင်း ခရီးစဉ်အမှတ် CZ 3055၊ ဖြင့် လိုက်ပါလာသည့် 2019 Novel Coronavirus စောင့်ကြည့်လူနာဖြစ်သော တရုတ်နိုင်ငံသား ၁ ဦး နှင့် အဆိုပါလေယာဉ်ပေါ်တွင် ပါလာသည့် မြန်မာနိုင်ငံသား ၂ ဦးတို့အား 2019 Novel Coronavirus ဗိုင်းရပ်(စ်) ရောဂါပိုး မရှိကြောင်း စစ်ဆေးတွေ့ရှိခဲ့သည့် အတွက် ဆေးရုံမှဆင်းခွင့်ပြုလိုက်ပြီဖြစ်ကြောင်း ကျန်းမာရေး နှင့် အားကစားဝန်ကြီးဌာန က ယနေ့ သတင်းထုတ်ပြန်သည်။ 

ရန်ကုန်၊ ဖေဖော်ဝါရီ ၁ ရက် (ဆင်ဟွာ)

တရုတ်ပြည်သူ့သမ္မတနိုင်ငံ၊ ကွမ်ကျိုး (Guangzhou) လေဆိပ်မှ ရန်ကုန်အပြည်ပြည်ဆိုင်ရာလေဆိပ်သို့ ယနေ့ နံနက် (၁၀:၄၅)နာရီ အချိန်ခန့်တွင် ရောက်ရှိလာသည့် တရုတ်နိုင်ငံသားခရီးသည် တစ်ဦး သည် လေဆိပ်သို့ဝင်လာချိန်၌ ကိုယ်ခန္ဓာအပူချိန်တိုင်းတာစက် (Thermal Scanner) ဖြင့် တိုင်းတာချက်အရ ကိုယ်အပူချိန်အနည်းငယ်မြင့်မားနေသည့်အတွက် ၎င်းအား (၁၅) မိနစ်လျှင် တစ်ကြိမ်နှုန်းဖြင့် (၃) ကြိမ်တိုင် ကိုယ်ခန္ဓာအပူချိန်အား တိုင်းတာခဲ့ရာ ကိုယ်အပူချိန်သည် ပုံမှန်ပင်ဖြစ်ပြီးကမ္ဘာ့ကျန်းမာရေးအဖွဲ့ ( WHO) ၏ ကိုရိုနာဗိုင်းရပ်စ်ရောဂါ သတ်မှတ်ချက် နှင့် ကိုက်ညီမှုမရှိသော်လည်းဆက်လက်စောင့်ကြည့်လျက်ရှိ ကြောင်း ကျန်းမာရေး နှင့် အားကစားဝန်ကြီးဌာန  ၏ သတင်းထုတ်ပြန်ချက်အရ သိရသည်။ 

နေပြည်တော်၊ ဇန်နဝါရီ ၃၁ ရက် (ဆင်ဟွာ)

၂၀၁၈-၁၉ခု ဘဏ္ဍာနှစ်တွင် (၁၉၆) ဘီလီယံကျပ် ကို အသုံးပြု၍ ဆေး၊ ဆေးပစ္စည်းနှင့် ဆေးရုံသုံးစက်ပစ္စည်းများ ဝယ်ယူခဲ့ကြောင်း ကျန်းမာရေးနှင့်အားကစားဝန်ကြီးဌာန၊ ပြည်ထောင်စုဝန်ကြီး ဒေါက်တာမြင့်ထွေးက ပြောကြားခဲ့ကြောင်း ကျန်းမာရေးနှင့်အားကစားဝန်ကြီးဌာနက ထုတ်ပြန်သော သတင်းအရ သိရသည်။

၁ရန်ကုန် ၊ ဇန်နဝါရီ ၃၁ ရက်(ဆင်ဟွာ) 

ရန်ကုန် အပြည်ပြည်ဆိုင်ရာ လေဆိပ်၌ စစ်ဆေးတွေ့ရှိခဲ့သည့် ဖျားနာခရီးသည်တစ်ဦးကို ဝေဘာဂီအထူးကုဆေးရုံ ရှိ သီးခြားခန်း (isolation room)သို့ ပို့ဆောင်ထားရှိပြီး လုပ်ငန်းလမ်းညွှန်၊ စံလုပ်ထုံးလုပ်နည်းများနှင့် အညီ စောင့်ကြည့်လူနာ  (person under investigation for 2019 nCoV pneumonia) အဖြစ် သတ်မှတ်ထားရှိကြောင်း ကျန်းမာရေး နှင့် အားကစား ဝန်ကြီးဌာနမှ ယနေ့ သတင်း ထုတ်ပြန်ခဲ့သည်။