ရန်ကုန်၊ ဒီဇင်ဘာ ၁ ရက် (ဆင်ဟွာ) ရေးသားသူ/ အိမွန်ကျော်

တပ်မတော်အနေဖြင့် အကြမ်းဖက်အဖွဲ့အစည်းများရှိသည့် နေရာများမှအပ ကျန်နယ်မြေများတွင် ၂၀၂ဝပြည့်နှစ် ဒီဇင်ဘာ ၁ရက်မှ ၃၁ရက်အထိ စစ်ရေးဆိုင်ရာလှုပ်ရှားမှုများကို ထပ်မံတိုးမြှင့်ရပ်ဆိုင်းပေးမည်ဖြစ်ကြောင်း ယနေ့ တပ်မတော်ကာကွယ်ရေးဦးစီးချုပ်ရုံးက ထုတ်ပြန်သော ပစ်ခတ်တိုက်ခိုက်မှုရပ်စဲရေးနှင့် ထာဝရငြိမ်းချမ်းရေးအတွက် ထုတ်ပြန်ချက်အရ သိရသည်။

ရန်ကုန် ၊ နိုဝင်ဘာ ၃၀ ရက်(ဆင်ဟွာ) ရေးသားသူ/ဟေမာန်

ရှမ်းပြည်နယ်(တောင်ပိုင်း)၊ နမ့်စန်မြို့မှ ရန်ကုန်မြို့သို့ သယ်ဆောင်ရောင်းဝယ်သည့် ကျပ် ၂.၇၉၆ ဘီလီယံတန်ဖိုးရှိ စိတ်ကြွရူးသွပ်ဆေးပြားများအား မင်္ဂလာဒုံမြို့နယ်၌ ဖမ်းဆီးရမိခဲ့ကြောင်း မြန်မာနိုင်ငံမူးယစ်ဆေးဝါး အလွဲသုံးစားမှု ထိန်းချုပ်ရေး ဗဟိုကော်မတီ (CCDAC Myanmar)၏ ယနေ့ ထုတ်ပြန်သော သတင်းအရ သိရသည်။

ရန်ကုန် ၊ နိုဝင်ဘာ ၃၀ ရက်(ဆင်ဟွာ) ရေးသားသူ/ဟေမာန်

နိုင်ငံတော်မှထုတ်ဝေထားသည့် ငွေစက္ကူအား Live လွှင့်၍ မီးရှို့ပြသူ နှစ်ဦးကို မြန်မာနိုင်ငံတော်ဗဟိုဘဏ်ဥပဒေ ၁၀၃/၁၀၇ ဖြင့် အရေးယူဆောင်ရွက်သွားမည် ဖြစ်ကြောင်း မြန်မာနိုင်ငံရဲတပ်ဖွဲ့က ယနေ့ သတင်းထုတ်ပြန်ခဲ့သည်။

ရန်ကုန် ၊ နိုဝင်ဘာ ၂၉ ရက်(ဆင်ဟွာ) ရေးသားသူ/ဟေမာန်


ကျပ် ၅ ဒသမ၂၈ ဘီလီယံတန်ဖိုးရှိ ဘိန်းဖြူများကို မန္တလေးတိုင်းဒေသကြီး ပုသိမ်ကြီးမြို့နယ်၌ ဖမ်းဆီးရမိခဲ့ပြီး ကွင်းဆက်အရ ကချင်ပြည်နယ် မိုးညှင်းမြို့နယ်၌ မူးယစ်ဆေးဝါးများ ထပ်မံဖမ်းဆီးရမိခဲ့ကြောင်း မြန်မာနိုင်ငံမူးယစ်ဆေးဝါး အလွဲသုံးစားမှု ထိန်းချုပ်ရေး ဗဟိုကော်မတီ (CCDAC Myanmar)၏ ယနေ့ ထုတ်ပြန်သော သတင်းအရ သိရသည်။

ရန်ကုန်၊ နိုဝင်ဘာ ၂၈ ရက် (ဆင်ဟွာ) ရေးသားသူ/အေးလပြည့်

COVID-19 ကာကွယ်၊ ထိန်းချုပ်၊ ကုသရေးအမျိုးသားအဆင့် ဗဟိုကော်မတီ၏ ခွင့်ပြုချက်အရ ကုန်းလမ်း ပို့ဆောင်ရေးညွှန်ကြားမှုဦးစီးဌာနသည် ကနဦးယာဉ်မှတ်ပုံတင်ဌာန (နေပြည်တော်၊ ရန်ကုန်-ထောက်ကြန့်၊ ရန်ကုန်-ရွာသာကြီး၊ မန္တလေး) ရုံး ၄ ရုံး၏ ကနဦးမှတ်ပုံတင် ဝန်ဆောင်မှုလုပ်ငန်းများကို ဒီဇင်ဘာလ (၁)ရက်မှ စတင်၍ ပြန်လည်လက်ခံဆောင်ရွက်သွားမည် ဖြစ်ကြောင်း ကုန်းလမ်းပို့ဆောင်ရေးညွှန်ကြားမှုဦးစီးဌာန မှ နိုဝင်ဘာ ၂၈ ရက်တွင် သတင်းထုတ်ပြန်သည်။

ရန်ကုန်၊ နိုဝင်ဘာ ၂၈ ရက် (ဆင်ဟွာ) ရေးသားသူ/အေးလပြည့်

ရန်ကုန်တိုင်းဒေသကြီး ဒဂုံမြို့သစ်(တောင်ပိုင်း)မြို့နယ်၌ လက်နက်ကိုင်ဆောင်ထားသူ ၃ ဦးဖမ်းဆီးရမိမှုမှ ဆက်စပ်တရားခံတစ်ဦးအားဆက်လက်ဖော်ထုတ်ခဲ့ရာသံလျင်မြို့နယ်၊ ဘုရားကုန်းကျေးရွာနေအိမ်ခြံဝင်းတစ်ခုမှ Gasဖြင့် ပစ်ခတ်ရသည့် သေနတ်အရှည်(၈)လက်၊ အတို (၄) လက်နှင့် ထည့်သွင်းအသုံးပြုရသောဘောစေ့များ၊ ဒူးလေး (၁)လက်၊သေနတ်တွင် တပ်ဆင်သည့် Gasအိုးငယ် (၁၁)ခု၊ Gasဖြည့်ဗူး(၇)ဗူး၊ စနိုက်ပါမှန်ပြောင်း(၃)ခု၊ ကင်ဒိုဓါး(၁) ချောင်းထပ်မံသိမ်းဆည်းရမိခဲ့ကြောင်း မြန်မာနိုင်ငံရဲတပ်ဖွဲ့၏ နိုဝင်ဘာ ၂၇ ရက် သတင်းထုတ်ပြန်ချက်အရ သိရသည်။

ရန်ကုန် ၊ နိုဝင်ဘာ ၂၇ ရက် (ဆင်ဟွာ) ရေးသားသူ/အိမွန်ကျော်

သီလဝါဆိပ်ကမ်းသို့ရောက်ရှိနေသော LNG ဓာတ်ငွေ့ရည် သိုလှောင်ရေးသင်္ဘောသည် LNG Cargo များအား လက်ခံသိုလှောင်ပြီး လျှပ်စစ်ဓာတ်အားပေးစက်ရုံများသို့ ဓာတ်အားထုတ်လုပ်ဖြန့်ဖြူးရန် လိုအပ်သော LNG များကို ပိုက်လိုင်းဖြင့် ပို့ဆောင်ပေးသွားမည်ဖြစ်ကြောင်း လျှပ်စစ် နှင့် စွမ်းအင်ဝန်ကြီးဌာန လျှပ်စစ်ဓာတ်အားထုတ်လုပ်ရေးလုပ်ငန်းထံမှ စုံစမ်းသိရှိရသည်။

နေပြည်တော်၊ နိုဝင်ဘာ ၂၇ ရက်(ဆင်ဟွာ) ရေးသားသူ/ စိုးသန်းလင်း


တပ်မတော် အနေဖြင့် မူးယစ်ဆေးဝါးတိုက်ဖျက်ရေးအတွက် အင်တိုက် အားတိုက် ဆောင်ရွက်လျက် ရှိရာ၂၀၂၀ ပြည့်နှစ် ဇန်နဝါရီလမှနိုဝင်ဘာလ ၂၄ ရက်အထိ ၁၁ လအတွင်း မူးယစ်ဆေးဝါး ဖမ်းဆီး ရရှိမှုမှာ စုစုပေါင်း တန်ဖိုး ကျပ် ၈၃၇ ဘီလီယံ ရှိကြောင်း နှင့် ရခိုင်ပြည်နယ်၌ နိုင်ငံပိုင် သဘာ၀ သယံဇာတ များ ခိုးထုတ်မှုကိုလည်း ကာကွယ်နိုင်ခဲ့ကြောင်း တပ်မတော် သတင်းမှန်ပြန်ကြားရေး အဖွဲ့ကိုယ်စား ဗိုလ်ချုပ် ဇော်မင်းထွန်းက ယနေ့ သတင်းစာရှင်းလင်းပွဲတွင် ပြောကြားခဲ့သည်။

နေပြည်တော်၊ နိုဝင်ဘာ ၂၇ ရက်(ဆင်ဟွာ) ရေးသားသူ /စိုးသန်းလင်း


ဒို့တာဝန်အရေးသုံးပါးနှင့် အမျိုးသား အကျိုးစီးပွား အပေါ် လိုက်နာ လေးစားသော မည်သည့် ပါတီ မဆို တပ်မတော်နှင့် မူဝါဒပိုင်းမှာ နီးကပ်ပြီး ဖြစ်ကြောင်း တပ်မတော် သတင်းမှန်ပြန်ကြားရေး အဖွဲ့ကိုယ်စား ဗိုလ်ချုပ် ဇော်မင်းထွန်းက ယနေ့ ပြောကြားခဲ့သည်။

နေပြည်တော်၊ နိုဝင်ဘာ ၂၇ ရက်(ဆင်ဟွာ) ရေးသားသူ/ စိုးသန်းလင်း


တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ၂၀၂၁ ခုနှစ်ထဲတွင် အသက် ၆၅ နှစ် ပြည့်မည်ဖြစ်ပြီး အငြိမ်းစား ယူရေးကို ဥပဒေအတိုင်းဆောင်ရွက်မည် ဆောင်ရွက်မည်ဖြစ်ကြောင်း တပ်မတော် သတင်းမှန်ပြန်ကြားရေး အဖွဲ့ကိုယ်စား ဗိုလ်ချုပ် ဇော်မင်းထွန်းက ယနေ့ ပြောကြား ခဲ့သည်။