နေပြည်တော် ၊ ဩဂုတ် ၂၀ ရက် (ဆင်ဟွာ) 

ပြည်ထောင်စု ငြိမ်းချမ်းရေးညီလာခံ-(၂၁)ရာစု ပင်လုံ စတုတ္ထအစည်းအဝေးသို့ တင်သွင်းသည့် အဆိုပြုချက်များအား ယနေ့ ဩဂုတ် ၂၀ ရက်တွင် ကျင်းပပြုလုပ်ခဲ့သည့် ၂၀ ကြိမ်မြောက် ပြည်ထောင်စု ငြိမ်းချမ်းရေး ဆွေးနွေးမှုပူးတွဲကော်မတီ-UPDJC အစည်းအဝေးတွင် အတည်ပြုခဲ့ကြောင်း အစည်းအဝေးအပြီး ပြုလုပ်သော သတင်းစာ ရှင်းလင်းပွဲမှ သိရသည်။ 

နေပြည်တော် ၊ ဩဂုတ် ၁၉ ရက်(ဆင်ဟွာ) 

ပြည်ထောင်စုငြိမ်းချမ်းရေးညီလာခံ-(၂၁)ရာစု ပင်လုံ အပါအဝင် နိုင်ငံရေးဆွေးနွေးပွဲများကို စဉ်ဆက်မပြတ် ကျင်းပနိုင်ရေးအတွက် မိမိတို့ အားလုံးအနေဖြင့် ဝိုင်းဝန်းလက်တွဲ ဆောင်ရွက်သွားကြရန် အလေးအနက် တိုက်တွန်းလိုကြောင်း သျှမ်းပြည် ပြန်လည်ထူထောင်ရေးကောင်စီဥက္ကဋ္ဌ ဗိုလ်ချုပ်ကြီး ယွက်စစ်က ပြည်ထောင်စုငြိမ်းချမ်းရေးညီလာခံ-(၂၁) ရာစု ပင်လုံ စတုတ္ထအစည်းအဝေး ဖွင့်ပွဲ အခမ်းအနားတွင် NCA လက်မှတ်ရေးထိုးထားသော တိုင်းရင်းသားလက်နက်ကိုင် အဖွဲ့အစည်းများ ကိုယ်စား အမှာစကား ပြောကြားရာ၌ ထည့်သွင်း ပြောကြားခဲ့သည်။ 

 

နေပြည်တော် ၊ ဩဂုတ် ၁၉ ရက် (ဆင်ဟွာ) 

ငြိမ်းချမ်းရေး လုပ်ငန်းစဉ်ကို ဆောင်ရွက်ရာတွင် ငြိမ်းချမ်းရေးထက် အရေးကြီးသည့် အခြားလုပ်ငန်း မရှိဆိုသည်ကို သဘောပေါက်ပြီး အမျိုးသား အကျိုးစီးပွားမှအပ ကျန်အကျိုးစီးပွား ကင်းရှင်းစွာ ဆောင်ရွက်သွားကြရမည် ဖြစ်ကြောင်း တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ယနေ့ ဩဂုတ် ၁၉ ရက်တွင် ကျင်းပသော ပြည်ထောင်စုငြိမ်းချမ်းရေးညီလာခံ-(၂၁) ရာစု ပင်လုံ စတုတ္ထအစည်းအဝေး ဖွင့်ပွဲ အခမ်းအနားတွင် ထည့်သွင်း ပြောကြားခဲ့သည်။  

နေပြည်တော် ၊ ဩဂုတ် ၁၉ ရက်(ဆင်ဟွာ) 

ငြိမ်းချမ်းရေး လုပ်ငန်းစဉ်မှ ထွက်ပေါ်လာသော အခွင့်အလမ်းကောင်းများကို မိမိရရ ဆုပ်ကိုင်ကြရန် အမျိုးသား ပြန်လည် သင့်မြတ်ရေး နှင့် ငြိမ်းချမ်းရေး ဗဟိုဌာန ဥက္ကဋ္ဌ ၊ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ယနေ့ ဩဂုတ် ၁၉ ရက်တွင် ကျင်းပသည့် ပြည်ထောင်စုငြိမ်းချမ်းရေးညီလာခံ-(၂၁) ရာစု ပင်လုံ စတုတ္ထအစည်းအဝေး ဖွင့်ပွဲ အခမ်းအနားတွင် အလေးအနက် တိုက်တွန်း ပြောကြားခဲ့သည်။ 

နေပြည်တော် ၊ ဩဂုတ် ၁၉ ရက်(ဆင်ဟွာ) 

 ပြည်ထောင်စုငြိမ်းချမ်းရေးညီလာခံ-(၂၁) ရာစု ပင်လုံ စတုတ္ထအစည်းအဝေးကို ယနေ့ ဩဂုတ် ၁၉ ရက်တွင် နေပြည်တော်ရှိ အပြည်ပြည်ဆိုင်ရာ ကွန်ဗင်းရှင်းဗဟိုဌာန-၂ ၌ ဖွင့်ပွဲအခမ်းအနားနှင့်အတူ စတင် ကျင်းပခဲ့ရာ အစိုးရ ၊ လွှတ်တော် ၊ တပ်မတော် ၊ NCA လက်မှတ်ရေးထိုးထားသော တိုင်းရင်းသား လက်နက်ကိုင် အဖွဲ့အစည်းများ နှင့် ညီလာခံ ကိုယ်စားလှယ်များ အပါအဝင် စုစုပေါင်း လူဦးရေ ၃၃၃ ဦး တက်ရောက်ခဲ့ကြောင်း သိရသည်။ 

ရန်ကုန်၊ သြဂုတ် ၁၈ ရက် (ဆင်ဟွာ)

မြန်မာနိုင်ငံတွင်းသို့  တရားမဝင်နည်းလမ်းအမျိုးမျိုးဖြင့် ရောက်ရှိနေသော နိုင်ငံခြားဖြစ် အရက်အမျိုးမျိုးတွင်အခွန်တံဆိပ်ခေါင်း ကပ်နှိပ်ရန် ၂၀၂၀ပြည့်နှစ် စက်တင်ဘာ ၁ ရက် မှ ၃၀ ရက်အထိ စီမံချက်ကာလအဖြစ်ဆောင်ရွက်မည်ဖြစ်ကြောင်း၊ စီမံချက်ကာလပြီးဆုံးပါက အထူးကုန်စည်ခွန်ဥပဒေအရ အရေးယူသွားမည်ဖြစ်ကြောင်း စီမံကိန်း၊ ဘဏ္ဍာရေး နှင့် စက်မှုဝန်ကြီးဌာန၊ ပြည်တွင်းအခွန်များဦးစီးဌာန ညွှန်ကြားရေးမှူးချုပ် ဦးမင်းထွဋ် က ဆင်ဟွာသို့ သြဂုတ် ၁၈ ရက်တွင်ပြောသည်။

နေပြည်တော်၊ သြဂုတ် ၁၈ ရက် (ဆင်ဟွာ)

၂၀၂၀ ရွေးကောက်ပွဲတွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီအနေဖြင့် အနိုင်ရပြီး အုပ်ချုပ်ရေး တာဝန်ယူခွင့် ရရှိပါက နိုင်ငံ့ ငြိမ်းချမ်းရေး ရအောင် ဆောင်ရွက်နိုင်မည်ဟု ပါတီ၏ ပြောရေး ဆိုခွင့်ရှိသူ ဒေါက်တာနန္ဒာလှမြင့်က ယနေ့ပြောကြားခဲ့သည်။

 

ရန်ကုန် ၊ ဩဂုတ် ၁၈ ရက်(ဆင်ဟွာ)

ပဲခူးရိုးမစိမ်းလန်းစိုပြည်ရေး ဧရိယာတွင် ဩဂုတ် ၁၀ ရက်မှ ၁၆ ရက်အထိ တစ်ပတ်တာကာလအတွင်း တရားမဝင်ကျွန်း ၊ သစ်မာ ၊ အခြားသစ် မျိုး အပါအဝင် စုစုပေါင်း ၄၉ ဒသမ ၇၅၂၀ တန် ဖမ်းဆီးရမိခဲ့ကြောင်း သစ်တောဦးစီးဌာနထံမှ သိရသည်။

နေပြည်တော် ၊ ဩဂုတ် ၁၇ ရက်(ဆင်ဟွာ)

၁၉ ကြိမ်မြောက် ပြည်ထောင်စုငြိမ်းချမ်းရေး ဆွေးနွေးမှုပူးတွဲကော်မတီ(UPDJC) အစည်းအဝေးတွင် ဆုံးဖြတ်ချက် ၉ ချက် သဘောတူ ဆုံးဖြတ်နိုင်ခဲ့ကြောင်း အစည်းအဝေးအပြီး ပြုလုပ်သော သတင်းစာ ရှင်းလင်းပွဲမှ သိရသည်။

 ရန်ကုန် ၊ ဩဂုတ် ၁၆ ရက်(ဆင်ဟွာ) 

ရှမ်းပြည်နယ်(အရှေ့ပိုင်း) တာချီလိတ်မြို့နယ်၌ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က တားဆီးနှိမ်နင်းရေး လုပ်ငန်းများဆောင်ရွက်စဉ် ငွေကျပ် ၁၅.၆၅ ဘီလီယံတန်ဖိုးရှိ ICE အလေးချိန် ၆၂၆ ကီလိုဂရမ်အား ဖမ်းဆီးရမိခဲ့ကြောင်း မြန်မာနိုင်ငံ မူးယစ်ဆေးဝါးအလွဲသုံးစွဲမှု ထိန်းချုပ်ရေးဗဟိုကော်မတီ (CCDAC Myanmar) က ဩဂုတ် ၁၅ ရက်တွင် ထုတ်ပြန်ခဲ့သည်။