ရန်ကုန်၊ ဇူလိုင် ၃၁ ရက် (ဆင်ဟွာ) 

ONLINE BOOKING မပြုလုပ်ဘဲ က .ည .န သို့ ကိုယ်တိုင် လာရောက်သူများကိုလည်း ယာဉ်မောင်းလိုင်စင် သက်တမ်းတိုးခြင်း ဆောင်ရွက်ပေးလျက်ရှိကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန ကုန်လမ်းပို့ဆောင်ရေးညွှန်ကြားမှုဦးစီးဌာန ညွှန်ကြားရေးမှူး ဦးသိန်းထွဋ် ကဆင်ဟွာသို့ ကို ဇူလိုင် ၃၀ ရက်တွင် ပြောကြားခဲ့သည်။

နေပြည်တော်၊ ဇူလိုင် ၃၀ ရက် (ဆင်ဟွာ)

ဆောက်လုပ်ရေး ဝန်ကြီးဌာနအနေဖြင့် ဆောက်လုပ်ရေး လုပ်ငန်းများတွင် လိုက်နာ ဆောင်ရွက်ရမည့် အရည်အသွေး စစ်ဆေးခြင်း၊ ဆောက်လုပ်ရေး စီမံခန့်ခွဲမှု အကြံပေးခြင်း၊ တတိယ အဖွဲ့အစည်းဖြင့် စစ်ဆေးခြင်းတို့အတွက် လုပ်ငန်း လမ်းညွှန်ကို ရေးဆွဲလျက်ရှိကြောင်း ဆောက်လုပ်ရေး ဝန်ကြီးဌာန ဒုတိယဝန်ကြီး ဒေါက်တာကျော်လင်းက ပြည်သူ့ လွှတ်တော် ယနေ့ အစည်းအဝေးတွင် ပြောကြားခဲ့သည်။

ရန်ကုန်၊ ဇူလိုင် ၂၉ ရက် (ဆင်ဟွာ) 

တိုင်းဒေသကြီး နှင့် ပြည်နယ်များတွင် နိုင်ငံသား စိစစ်ရေးကတ် အတုဖြင့် ဆင်းကတ် မှတ်ပုံတင်ခြင်းများ ပြုလုပ်၍ ရောင်းချမှုများ ရှိနေသဖြင့် မှန်၊ မမှန် စစ်ဆေးမှုများ ပြုလုပ်နေကြောင်း ဆက်သွယ်ရေး ညွှန်ကြားမှု ဦးစီးဌာန ညွှန်ကြား ရေးမှူးချုပ် ဦးမျိုးဆွေက ဆင်ဟွာသို့ပြောကြားသည်။

နေပြည်တော်၊ ဇူလိုင် ၂၉ ရက် (ဆင်ဟွာ)

ပြည်ထောင်စု လွှတ်တော်သို့ နိုင်ငံတော် သမ္မတထံမှ ပေးပို့ထားသော ပဲခူး-ကျိုက်ထို အမြန်လမ်းမ ကြီး စီမံကိန်းအား အကောင်အထည်ဖော် ဆောင်ရွက်ရန် အာရှဖွံ့ဖြိုးရေးဘဏ် (ADB:_ Asia Development Bank) ထံမှ အမေရိကန်ဒေါ်လာ ၄၈၃ ဒသမ ၈ သန်း ချေးယူရေးကို ပြည်ထောင်စု လွှတ်တော် ယနေ့ အစည်းအဝေးက အတည်ပြုခဲ့သည်။

နေပြည်တော်၊ဇူလိုင်၂၈ရက်(ဆင်ဟွာ)

လျှပ်စစ်ဓာတ်အားပျောက်ဆုံးမှုကိုလျော့ကျစေသည့်အပြင်မီတာဖတ်ရှုရာ၌လူကြောင့်ဖြစ်ပေါ်စေသောအမှားများပပျောက်စေရန် AMI (Advanced Metering Infrastructure) စနစ်ကိုအသုံးပြုနိုင်ရေးဆောင်ရွက်လျက်ရှိကြောင်း၊လျှပ်စစ်ဌာန၏ထိန်းချုပ်ခန်းမှတစ်မြို့နယ်လုံးရှိမီတာအားလုံးကိုအချိန်တိုအတွင်းမီတာဖတ်ရှုနိုင်သည့်အဆိုပါ AMI စနစ်ကိုတပ်ဆင်နိုင်ရန်အတွက်မကြာခင်တင်ဒါခေါ်ယူဆောင်ရွက်သွားမည်ဖြစ်ကြောင်းလျှပ်စစ်နှင့်စွမ်းအင်ဝန်ကြီးဌာနဒုတိယဝန်ကြီးဦးခင်မောင်ဝင်းကပြည်သူ့လွှတ်တော်ယနေ့အစည်းအဝေးတွင်ပြောကြားခဲ့သည်။

 နေပြည်တော်၊ ဇူလိုင် ၂၇ ရက် (ဆင်ဟွာ) 

လျှပ်စစ်နှင့် စွမ်းအင်ဝန်ကြီးဌာနက အကောင်အထည်ဖော် ဆောင်ရွက်မည့် ကျေးလက်ဒေသ လျှပ်စစ်ဓာတ်အား ရရှိမှု မြှင့်တင်ရေး စီမံကိန်းအတွက် အာရှ ဖွံ့ဖြိုးရေး ဘဏ် (ADB) ထံမှ အမေရိကန်ဒေါ်လာ ၁၇၁ ဒသမ ၂၇ သန်း ချေးငွေ ရယူရေးကို ပြည်ထောင်စု လွှတ်တော် ယနေ့ အစည်းအဝေးတွင် အတည်ပြုခဲ့သည်။

နေပြည်တော်၊ ဇူလိုင် ၂၇ ရက် (ဆင်ဟွာ)

မြန်မာနိုင်ငံတော် ဗဟိုဘဏ်က ၂၀၂၀ ပြည့်နှစ် ဇူလိုင် ၂၁ ရက်နေ့တွင် ထုတ်ဝေခဲ့သည့် အမျိုးသား ခေါင်းဆောင်ကြီး ဗိုလ်ချုပ် အောင်ဆန်း ရုပ်ပုံပါ ငါးရာကျပ်တန် ပုံစံသစ် ငွေစက္ကူ ထုတ်ဝေမှုကို ပြည်ထောင်စု လွှတ်တော် ယနေ့ အစည်းအဝေးက အတည်ပြုခဲ့သည်။

ရန်ကုန်၊ ဇူလိုင် ၂၅ ရက် (ဆင်ဟွာ)

၂၀၂၀ပြည့်နှစ် နိုဝင်ဘာ ၈ ရက် အထွေထွေရွေးကောက်ပွဲအတွက် မဲဆန္ဒရှင်စာရင်းများ ကို ယနေ့ဇူလိုင် ၂၅ ရက်တွင် စတင်ကြည့်ရှုနိုင်ပြီဖြစ်ပြီး မဲဆန္ဒရှင်ပြည်သူများကလည်း မဲစာရင်းများ လာရောက်ကြည့်ရှုနေကြပြီ ဖြစ်ကြောင်း သိရသည်။ 

ရန်ကုန်၊ ဇူလိုင် ၂၄ ရက် (ဆင်ဟွာ)

အမျိုးသားဒီမိုကရေစီအဖွဲ့ချုပ်(NLD) ၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲအတွက် ကိုယ်စားလှယ်လောင်းများရွေးချယ်ရာတွင် သစ္စာရှိသူများနှင့် အတွေ့အကြုံရှိသူများကို အဓိက ရွေးချယ်ခဲ့ကြောင်း ပါတီဥက္ကဋ္ဌ ဒေါ်အောင်ဆန်းစုကြည်က ပြောကြားသည်။

နေပြည်တော်၊ ဇူလိုင် ၂၃ ရက် (ဆင်ဟွာ)

ပြည်သူ့ဝန်ထမ်းများသည် နိုင်ငံ့ ဘဏ္ဍာကို အလွဲသုံးစား ပြုလုပ်ကြောင်း စစ်ဆေး ပေါ်ပေါက်လာပါက အလွဲသုံးစား ပြုလုပ်သော ငွေကြေးပမာဏအား ပြန်လည် ပေးလျော်စေခြင်းသည် ပြဌာန်းထားသည့် ဥပဒေ၊ နည်းဥပဒေများနှင့် ကိုက်ညီမှု မရှိဟု မဆိုနိုင်သော်လည်း အဂတိလိုက်စားမှုကို လျှော့ချနိုင် သည် ဟု ကောက်ယူရန် လုံလောက်မှု ရှိနိုင်မည် မဟုတ်ကြောင်း မြန်မာနိုင်ငံ အဂတိ လိုက်စားမှု တိုက်ဖျက်ရေး ကော်မရှင် အဖွဲ့ဝင် ဦးအောင်သန်းမြင့်က ပြည်သူ့လွှတ်တော် ယနေ့ အစည်းအဝေး ၌ ပြောကြားခဲ့သည်။