ရန်ကုန်၊ သြဂုတ် ၁၃ ရက် (ဆင်ဟွာ)

မြန်မာနိုင်ငံတွင် ယနေ့ (သြဂုတ် ၁၃ ရက်) ၌ COVID-19 ရောဂါ ဓာတ်ခွဲစစ်ဆေးရာတွင် ဓာတ်ခွဲအတည်ပြုလူနာသစ် (၈) ဦးတွေ့ရှိခဲ့ပြီး အတည်ပြုလူနာ (၃၆၉) ဦး ထိရှိလာပြီဖြစ်ကြောင်း ကျန်းမာရေးနှင့် အားကစားဝန်ကြီးဌာနက ထုတ်ပြန်သော သတင်းအရ သိရသည်။

 ရန်ကုန် ၊ ဩဂုတ် ၁၃ ရက် (ဆင်ဟွာ) 

 ရန်ကုန်တိုင်းဒေသကြီးအတွင်း မေလ ၁၇ ရက်တွင် COVID-19 ဓာတ်ခွဲအတည်ပြု လူနာ တွေ့ရှိခဲ့ပြီးနောက် ပြည်တွင်းကူးစက်မှုများ ထပ်မံမတွေ့ရှိသည်မှာ ရက်ပေါင်း ၉၀ နီးပါး ရှိလာပြီ ဖြစ်ကြောင်း ကျန်းမာရေး နှင့် အားကစား ဝန်ကြီးဌာန ပြောရေးဆိုခွင့် အဖွဲ့ဝင် ၊ ကျန်းမာရေး အသိပညာ မြှင့်တင်ရေး ဌာနခွဲ ညွှန်ကြားရေးမှူး ဒေါက်တာ သန်းနိုင်စိုးက ဆင်ဟွာသို့ ယနေ့ ပြောကြားခဲ့သည်။ 

ရန်ကုန်၊ သြဂုတ် ၁၃ ရက် (ဆင်ဟွာ)

တိုင်းဒေသကြီးနှင့်ပြည်နယ် အားလုံးရှိ မြို့နယ်ပေါင်း ၂၅၉ မြို့နယ် တွင် COVID-19 ကြောင့် ထိခိုက်ခံစားရသည့် စီးပွားရေးအားတုံ့ပြန်သည့် အနေဖြင့် ကျေးလက်ဒေသဖွံ့ဖြိုးရေးဆောင်ရွက်ရန် ကျပ်သန်းပေါင်း ၆၇ ဘီလီယံ ကို သြဂုတ်လ မှ စတင်သုံးစွဲလျက် ရှိပြီး အဆိုပါရံပုံငွေ လည်ပတ်မှုအား စက်တင်ဘာလကုန်တွင် အပြီးသုံးစွဲမည်ဖြစ်ကြောင်း ကျေးလက်ဒေသ ဖွံ့ဖြိုးတိုးတက်ရေးဦးစီးဌာန၊ ညွှန်ကြားရေးမှူးချုပ်ဦးခင်ဇော်က ဆင်ဟွာသို့ ယနေ့ သြဂုတ် ၁၃ ရက်တွင်ပြောသည်။

ရန်ကုန် ၊ ဩဂုတ် ၁၃ ရက်(ဆင်ဟွာ)

COVID-19  ရောဂါ ကာကွယ်တားဆီးရေးဆိုင်ရာ ကျန်းမာရေး လမ်းညွှန်ချက်များနှင့်အညီ ၂၀၂၀-၂၀၂၁ ပညာသင်နှစ် အခြေခံပညာအထက်တန်းကျောင်းများကို ဇူလိုင် ၂၁ ရက်တွင် စတင် ဖွင့်လှစ်ခဲ့ရာ ယခုအခါတွင် အခြေခံပညာ အထက်တန်းအဆင့် ကျောင်းပေါင်း ၄,၀၀၀ ကျော် ပြန်လှည် ဖွင့်လှစ်ခဲ့ပြီဖြစ်ကြောင်း အခြေခံပညာဦးစီးဌာန ညွှန်ကြားရေးမှူးချုပ် ဦးကိုလေးဝင်းက ဆင်ဟွာသို့ ယနေ့ပြောကြားခဲ့သည်။

မော်စကို ၊ သြဂုတ် ၁၃ ရက် (ဆင်ဟွာ)

ကမ္ဘာ့ကျန်းမာရေး အဖွဲ့ ဆိုင်ရာ ရုရှား နိုင်ငံ ကိုယ်စားလှယ်က သြဂုတ် ၁၂ ရက် ၌ ရုရှား အစိုးရ အနေဖြင့် ရုရှား နိုင်ငံ မှ ထုတ်လုပ်လိုက်သည့် COVID-19 ရောဂါ ကာကွယ်ဆေး အား အရည်အသွေး စစ်ဆေးမှု ပြုလုပ်ပေးရန် ကမ္ဘာ့ကျန်းမာရေး အဖွဲ့ထံ တင်ပြ ခဲ့ပြီး ကမ္ဘာ့ကျန်းမာရေး အဖွဲ့ က လည်း ရုရှား နိုင်ငံ အား ကာကွယ်ဆေး တီထွင်ထုတ်လုပ်မှု နှင့် လုံခြုံရေး အာမခံမှု ဆိုင်ရာ အချက်အလက်များ ပိုမို ပေးအပ်ရန် တောင်းဆို ခဲ့ကြောင်း ထုတ်ပြန်ကြေညာ ခဲ့သည်။

ဒါကာ၊ ဩဂုတ် ၁၃ ရက်(ဆင်ဟွာ) 

ဘင်္ဂလားဒေ့ရှ်နိုင်ငံ အစိုးရက ဧပြီ လကုန်မှစ၍ ရောဂါကာကွယ်ထိန်းချုပ်ရေးလုပ်ငန်းများကို တစ်စတစ်စ ဖြေလျှော့ပေးခဲ့ပြီးနောက် စက်ရုံ၊ဆိုင်ခန်းများကို ကပ်ရောဂါထိန်းချုပ်ရေးအစီအမံများဖြင့် လုပ်ငန်းများ ပြန်လည် လည်ပတ်ခွင့် ပြုခဲ့ကြောင်း သိရသည်။ 

ဒါကာ၊ ဩဂုတ် ၁၃ ရက် (ဆင်ဟွာ) 

ဘင်္ဂလားဒေ့ရှ်နိုင်ငံတွင် ၂၄ နာရီအတွင်း အသစ်ထပ်တိုး ကိုဗစ်အတည်ပြုလူနာ ၂,၉၉၅ ဦး ၊ အသစ်ထပ်တိုးသေဆုံးသူ ၄၂ ဦးရှိလာရာ စုစုပေါင်း အတည်ပြုလူနာ ၂၆၆,၄၉၈ ဦး ၊ သေဆုံးသူ ၃,၅၁၃ ဦး ရှိပြီး အသစ်ထပ်တိုး ရောဂါ ပျောက်ကင်းသူ ၁,၁၁၇ ဦး နှင့် စုစုပေါင်း ရောဂါသက်သာပျောက်ကင်းသူ ၁၅၃,၀၈၉ ဦး အသီးသီး ရှိကြောင်း ဘင်္ဂလားဒေ့ရှ် ကျန်းမာရေးဝန်ကြီးဌာန၏ ဩဂုတ် ၁၂ ရက်တွင် ထုတ်ပြန်ကြေညာသည့် ကိန်းဂဏန်းများအရ သိရသည်။

ဝါရှင်တန်၊ ဩဂုတ် ၁၃ ရက် (ဆင်ဟွာ)

လတ်တလော ဖြစ်ပွားနေသော ကိုရိုနာဗိုင်းရပ်စ်သည် “ဓာတ်ခွဲခန်းတစ်ခုမှ လွတ်ထွက်သွားခဲ့ခြင်းမှာ မဖြစ်နိုင်ကြောင်း” တရုတ်နိုင်ငံ ရောဂါပိုးမွှားဗေဒပညာရှင်များက အမေရိကန် မီဒီယာသို့ ဩဂုတ် ၁၀ ရက်က ပြောကြားခဲ့ပြီး ကပ်ရောဂါဖြစ်ပွားမှုကြောင့် ရှုပ်ထွေးနေသည့် ကာလအတွင်း နိုင်ငံတကာ ပူးပေါင်းဆောင်ရွက်မှုကို ပိုမိုလုပ်ဆောင်ရန် တိုက်တွန်းပြောကြားခဲ့သည်။ 

 ရန်ကုန် ၊ ဩဂုတ် ၁၃ ရက်(ဆင်ဟွာ) 

ပြည်ပနိုင်ငံများတွင် အခက်အခဲကြုံတွေ့နေရသည့် မြန်မာနိုင်ငံသားများအား ပြန်လည် ခေါ်ဆောင်လျက် ရှိရာတွင် ဩဂုတ် ၁၂ ရက်ထိ မြန်မာနိုင်ငံသား စုစုပေါင်း ၁၀,၄၈၂ ဦးအား ကယ်ဆယ်ရေးလေယာဉ်/ အထူးလေယာဉ်များဖြင့် ပြန်လည်ခေါ်ဆောင်ပေးနိုင်ခဲ့ပြီးဖြစ်ကြောင်း နိုင်ငံခြားရေး ဝန်ကြီးဌာနထံမှ သိရသည်။ 

မော်စကို၊ ဩဂုတ် ၁၂ ရက်(ဆင်ဟွာ)

ရုရှားနိုင်ငံ ကျန်းမာရေးဝန်ကြီးဌာနက နိုင်ငံအတွင်း သုတေသနပြုထုတ်လုပ်သည့် ပထမဆုံး ကိုရိုနာဗိုင်းရပ်စ်ကာကွယ်ဆေးကို မှတ်ပုံတင်ပေးလိုက်ပြီဖြစ်ကြောင်း  ရုရှားနိုင်ငံ သမ္မတ ပူတင်က ဩဂုတ် ၁၁ ရက်တွင် ပြောကြားခဲ့သည်။