ရန်ကုန်၊ သြဂုတ် ၁၃ ရက် (ဆင်ဟွာ)

မြန်မာနိုင်ငံတွင် ယနေ့ (သြဂုတ် ၁၃ ရက်) ၌ COVID-19 ရောဂါ ဓာတ်ခွဲစစ်ဆေးရာတွင် ဓာတ်ခွဲအတည်ပြုလူနာသစ် (၈) ဦးတွေ့ရှိခဲ့ပြီး အတည်ပြုလူနာ (၃၆၉) ဦး ထိရှိလာပြီဖြစ်ကြောင်း ကျန်းမာရေးနှင့် အားကစားဝန်ကြီးဌာနက ထုတ်ပြန်သော သတင်းအရ သိရသည်။

 ရန်ကုန် ၊ ဩဂုတ် ၁၃ ရက် (ဆင်ဟွာ) 

 ရန်ကုန်တိုင်းဒေသကြီးအတွင်း မေလ ၁၇ ရက်တွင် COVID-19 ဓာတ်ခွဲအတည်ပြု လူနာ တွေ့ရှိခဲ့ပြီးနောက် ပြည်တွင်းကူးစက်မှုများ ထပ်မံမတွေ့ရှိသည်မှာ ရက်ပေါင်း ၉၀ နီးပါး ရှိလာပြီ ဖြစ်ကြောင်း ကျန်းမာရေး နှင့် အားကစား ဝန်ကြီးဌာန ပြောရေးဆိုခွင့် အဖွဲ့ဝင် ၊ ကျန်းမာရေး အသိပညာ မြှင့်တင်ရေး ဌာနခွဲ ညွှန်ကြားရေးမှူး ဒေါက်တာ သန်းနိုင်စိုးက ဆင်ဟွာသို့ ယနေ့ ပြောကြားခဲ့သည်။ 

ရန်ကုန်၊ သြဂုတ် ၁၃ ရက် (ဆင်ဟွာ)

တိုင်းဒေသကြီးနှင့်ပြည်နယ် အားလုံးရှိ မြို့နယ်ပေါင်း ၂၅၉ မြို့နယ် တွင် COVID-19 ကြောင့် ထိခိုက်ခံစားရသည့် စီးပွားရေးအားတုံ့ပြန်သည့် အနေဖြင့် ကျေးလက်ဒေသဖွံ့ဖြိုးရေးဆောင်ရွက်ရန် ကျပ်သန်းပေါင်း ၆၇ ဘီလီယံ ကို သြဂုတ်လ မှ စတင်သုံးစွဲလျက် ရှိပြီး အဆိုပါရံပုံငွေ လည်ပတ်မှုအား စက်တင်ဘာလကုန်တွင် အပြီးသုံးစွဲမည်ဖြစ်ကြောင်း ကျေးလက်ဒေသ ဖွံ့ဖြိုးတိုးတက်ရေးဦးစီးဌာန၊ ညွှန်ကြားရေးမှူးချုပ်ဦးခင်ဇော်က ဆင်ဟွာသို့ ယနေ့ သြဂုတ် ၁၃ ရက်တွင်ပြောသည်။

ရန်ကုန် ၊ ဩဂုတ် ၁၃ ရက်(ဆင်ဟွာ)

COVID-19  ရောဂါ ကာကွယ်တားဆီးရေးဆိုင်ရာ ကျန်းမာရေး လမ်းညွှန်ချက်များနှင့်အညီ ၂၀၂၀-၂၀၂၁ ပညာသင်နှစ် အခြေခံပညာအထက်တန်းကျောင်းများကို ဇူလိုင် ၂၁ ရက်တွင် စတင် ဖွင့်လှစ်ခဲ့ရာ ယခုအခါတွင် အခြေခံပညာ အထက်တန်းအဆင့် ကျောင်းပေါင်း ၄,၀၀၀ ကျော် ပြန်လှည် ဖွင့်လှစ်ခဲ့ပြီဖြစ်ကြောင်း အခြေခံပညာဦးစီးဌာန ညွှန်ကြားရေးမှူးချုပ် ဦးကိုလေးဝင်းက ဆင်ဟွာသို့ ယနေ့ပြောကြားခဲ့သည်။

 ရန်ကုန် ၊ ဩဂုတ် ၁၃ ရက်(ဆင်ဟွာ) 

ပြည်ပနိုင်ငံများတွင် အခက်အခဲကြုံတွေ့နေရသည့် မြန်မာနိုင်ငံသားများအား ပြန်လည် ခေါ်ဆောင်လျက် ရှိရာတွင် ဩဂုတ် ၁၂ ရက်ထိ မြန်မာနိုင်ငံသား စုစုပေါင်း ၁၀,၄၈၂ ဦးအား ကယ်ဆယ်ရေးလေယာဉ်/ အထူးလေယာဉ်များဖြင့် ပြန်လည်ခေါ်ဆောင်ပေးနိုင်ခဲ့ပြီးဖြစ်ကြောင်း နိုင်ငံခြားရေး ဝန်ကြီးဌာနထံမှ သိရသည်။ 

ရန်ကုန် ၊ ဩဂုတ် ၁၀ ရက်(ဆင်ဟွာ)

COVID-19 ရောဂါပိုးတွေ့ရှိခဲ့သည့် အိန္ဒိယနိုင်ငံမှ ပြန်လည်ရောက်ရှိလာသော တပ်မတော်သား အတည်ပြုလူနာများ ရောဂါပိုးကင်းစင်သွားပြီ ဖြစ်ကြောင်း နှင့် တပ်မတော်အတွင်း COVID-19 ရောဂါပိုး ဓာတ်ခွဲအတည်ပြုလူနာ ကင်းစင်ပြီးဖြစ်ကြောင်း တပ်မတော်သတင်းမှန် ပြန်ကြားရေးအဖွဲ့က ယနေ့ သတင်း ထုတ်ပြန်ခဲ့သည်။ 

ရန်ကုန်၊ သြဂုတ် ၈ ရက် (ဆင်ဟွာ)

မြန်မာတစ်နိုင်ငံလုံးရှိ ပြည်လည်ဖွင့်လှစ်သည့် ကျောင်းများအားလုံးတွင် COVID-19 ရောဂါ ကာကွယ်ရေးနှင့် ပတ်သက်၍ အသေးစိတ်စိစစ်ဆောင်ရွက်လျက်ရှိပြီး ရှောင်တခင်စစ်ဆေးခြင်းများ၊ ကျောင်းသားများ ၏ ကျန်းမာရေးနှင့် ပတ်သက်၍ နေ့စဉ် အစီရင်ခံတင်ပြခြင်းများနှင့် COVID-19 ရောဂါပညာပေး အချက်အလက်များ စုစည်းထားသော ဝက်ဘ်ဆိုက် QR Code များကျောင်းတိုင်းတွင် တပ်ဆင်ခြင်းများအားဆောင်ရွက်လျက်ရှိကြောင်းပညာရေးဝန်ကြီးဌာန၊ အခြေခံပညာ ဦးစီးဌာန မှ ညွှန်ကြားရေးမှူးချုပ် ဦးကိုလေးဝင်းက ဆင်ဟွာကို သြဂုတ် ၈ ရက်တွင်ပြောသည်။ 

ရန်ကုန် ၊ ဩဂုတ် ၆ ရက် (ဆင်ဟွာ)

မြန်မာနိုင်ငံမှ ပြည်ပနိုင်ငံများသို့ အလုပ်သမားများ ပြန်လည်စေလွှတ်နိုင်ရေးအတွက် အဆင်သင့် ပြင်ဆင်ထားပြီး ဖြစ်ကြောင်း အလုပ်သမား ၊ လူဝင်မှုကြီးကြပ်ရေး နှင့် ပြည်သူ့အင်အား ဝန်ကြီးဌာနမှ အမြဲတမ်း အတွင်းဝန် ဦးမျိုးအောင်က ဆင်ဟွာသို့ ယနေ့ ပြောကြားခဲ့သည်။ 

ရန်ကုန် ၊ သြဂုတ် ၄ ရက်(ဆင်ဟွာ) 

ရန်ကုန်တိုင်းဒေသကြီး နှင့် မန္တလေးတိုင်းဒေသကြီးရှိ လမ်းပေါ်နေ ကလေးများအတွက် COVID-19 ကပ်ရောဂါ အန္တရာယ်မှ လမ်းပေါ်နေ ကလေးများအား ကာကွယ်စောင့်ရှောက်ရေး လုပ်ငန်း စီမံချက်ဖြင့် COVID-19 ကာလအတွင်း ထောက်ပံ့မှုများ ပေးအပ်ခဲ့ပြီး ကရင်ပြည်နယ် နှင့် ပဲခူးတိုင်းဒေသကြီးများတွင် ဆက်လက် ဆောင်ရွက်သွားရန် ရှိကြောင်း လူမှုဝန်ထမ်း ၊ ကယ်ဆယ်ရေး နှင့် ပြန်လည်နေရာချထားရေး ဝန်ကြီးဌာန ပြန်လည်ထူထောင်ရေးဦးစီးဌာန ထိခိုက်လွယ်အုပ်စုများ ဌာနခွဲ ညွှန်ကြားရေးမှူး ဦးစွမ်းရည်ရ က ဆင်ဟွာသို့ ယနေ့တွင် ပြောကြားခဲ့သည်။

ရန်ကုန် ၊ ဩဂုတ် ၂ ရက်(ဆင်ဟွာ) 

မြန်မာနိုင်ငံ၌ COVID-19 ရောဂါ ဓာတ်ခွဲစစ်ဆေးမှုများအရ ယခုအခါတွင် သုံးရက်ဆက်တိုက် လူနာသစ် ထပ်မံ မတွေ့ရှိရဘဲ COVID-19 ပထမလှိုင်း အကျပိုင်းသို့ ရောက်နေပြီ ဖြစ်ကြောင်း ကျန်းမာရေး နှင့် အားကစား ဝန်ကြီးဌာန ပြောရေးဆိုခွင့် အဖွဲ့ဝင် ကျန်းမာရေး အသိပညာမြှင့်တင်ရေး ဌာနခွဲ ညွှန်ကြားရေးမှူး ဒေါက်တာသန်းနိုင်စိုးက ယနေ့ ဆင်ဟွာသို့ ပြောကြားခဲ့သည်။