ဘန်ကောက်၊ မတ် ၆ ရက် (ဆင်ဟွာ)

ထိုင်းနိုင်ငံသည် ကမ္ဘာတစ်ဝန်း ကာကွယ်ဆေးထိုးနှံခြင်း ဆောင်ရွက်လာသဖြင့် ခရီးသွားလုပ်ငန်းကဏ္ဍ မြှင့်တင်ရန် ကြိုးပမ်းအားထုတ်မှုများလုပ်ဆောလျက်ရှိရာ COVID-19 ကာကွယ်ဆေး နိုင်ငံကူးလက်မှတ်များ (vaccine passports) နှင့် ကွာရန်တင်း ကင်းလွတ်ခွင့်များကို စဉ်းစားလျက်ရှိကြောင်း သိရသည်။

မက္ကစီကိုစီးတီး၊ မတ် ၆ ရက် (ဆင်ဟွာ)

တရုတ်နိုင်ငံမှ လှူဒါန်းသော Sinopharm COVID-19 ကာကွယ်ဆေးများအား ဒိုမီနီကာနိုင်ငံမှလွှဲပြောင်းရယူခြင်း အခမ်းအနားကို ဒိုမီနီကာနိုင်ငံ၏ မြို့တော် Roseau ၌ မတ်လ ၄ ရက်တွင် ကျင်းပခဲ့ကြောင်း၊ ကာကွယ်ဆေးများသည် မတ်လ ၃ ရက်နှောင်းပိုင်းတွင် ရောက်ရှိလာခဲ့ခြင်းဖြစ်ကြောင်း သတင်းများအရသိရသည်။

ဘူခါရက်စ် ၊ မတ် ၆ ရက် (ဆင်ဟွာ)

ရိုမေးနီးယားနိုင်ငံ အမျိုးသားကူးစက်ရောဂါစောင့်ကြည့်ထိန်းချုပ်ရေးစင်တာ ၏ မတ်လ ၅ ရက်ထုတ်ပြန်ကြေညာချက်အရ ယင်းနေ့တွင် ရိုမေးနီးယားနိုင်ငံ၌ တောင်အာဖရိကနိုင်ငံမှ ထုတ်ပြန်ထားသည့် ဗီဇပြောင်း COVID-19 ရောဂါပိုးကူးစက်ခံထားရသူ နှစ်ဦးအား စစ်ဆေးတွေ့ရှိခဲ့ကြောင်း သိရှိရသည်။

ကာနေလ်ခရီလ်၊ မတ် ၆ ရက် (ဆင်ဟွာ)

ဂီနီနိုင်ငံ မြို့တော် ကာနေလ်ခရီလ်တွင် တရုတ်နိုင်ငံထုတ် COVID-19 ကာကွယ်ဆေးများဖြင့် တရားဝင် ကာကွယ်ဆေးထိုးနှံခြင်းအစီအစဉ်ကို မတ် ၅ ရက်တွင် စတင်ခဲ့ကြောင်း သိရသည်။

ကိုင်ရို ၊ မတ် ၅ ရက် (ဆင်ဟွာ)

အီဂျစ်နိုင်ငံဆိုင်ရာ တရုတ်နိုင်ငံသံရုံး နှင့် အာရပ်အဖွဲ့ချုပ်အတွင်းရေးမှူးရုံး တို့က မတ်လ ၄ ရက်၌ တရုတ်နိုင်ငံမှ ကူညီထောက်ပံ့ပေးသည့် COVID-19 ကာကွယ်ဆေး လွှဲပြောင်းပေးအပ်ခြင်းအခမ်းအနားကို ကျင်းပပြုလုပ်ခဲ့ကြောင်း ၊ အရှေ့အလယ်ပိုင်းဒေသရှိနိုင်ငံအချို့က ကပ်ရောဂါကာကွယ်ရေးဆောင်ရွက်မှုများကို တိုးချဲ့ဆောင်ရွက်ခဲ့ပြီး တစ်ချိန်တည်းတွင် COVID-19 ရောဂါကာကွယ်ဆေးထိုးနှံပေးသည့်လုပ်ငန်းကို တွန်းအားပေးဆောင်ရွက်ခဲ့ကြောင်း အရှေ့အလယ်ပိုင်းဒေသရှိ ဆင်ဟွာသတင်းထောက်များ၏ သတင်းပေးပို့ချက်အရ သိရှိရသည်။

ကိုင်ရို၊ မတ် ၅ ရက် (ဆင်ဟွာ)

အီဂျစ်နိုင်ငံတွင် သက်ကြီးရွယ်အိုများနှင့် နာတာရှည်ရောဂါခံစားနေရသောလူနာများအား COVID-19 ကာကွယ်ဆေးထိုးနှံခြင်းကို မတ် ၄ ရက်၌ စတင်ခဲ့ကြောင်း အီဂျစ် အစိုးရအဖွဲ့က ကြေညာချက်တွင် ပြောကြားခဲ့သည်။

ပေကျင်း၊ မတ် ၄ ရက် (ဆင်ဟွာ)

တောင်ကိုရီးယားနိုင်ငံတွင် ဖေဖော်ဝါရီ ၂၆ ရက်က ကိုဗစ်ကာကွယ်ဆေးထိုးနှံမှုများ စတင်ခဲ့ရာ ကာကွယ်ဆေးထိုးနှံပြီးနောက်သေဆုံးသူ (၂)ဦး ရှိခဲ့ကြောင်း တောင်ကိုရီးယား ရောဂါကာကွယ်ရေးနှင့်ထိန်းချုပ်ရေးအေဂျင်စီ(KDCA)နှင့် ဒေသခံအစိုးရက မတ် ၃ ရက်တွင် ပြောကြားခဲ့သည်။ သေဆုံးသူ (၂)ဦးစလုံးမှာ ကျန်းမာရေးစောင့်ရှောက်မှုဂေဟာတွင် နေထိုင်ကြသူများ ဖြစ်ပြီး ရောဂါအခံရှိသည့် အမျိုးသားများ ဖြစ်ကြောင်း၊ အချင်းဖြစ်ပွားမှုသည် ကာကွယ်ဆေးထိုးနှံမှုနှင့် ဆက်စပ်မှုရှိမရှိကို ရောဂါကာကွယ်ရေးဌာနက စုံစမ်းစစ်ဆေးလျက်ရှိကြောင်း တောင်ကိုရီးယား မီဒီယာများက ဖော်ပြထားသည်။

ဒါအိစ်ဆာလာမ် ၊ မတ် ၄ ရက် (ဆင်ဟွာ)

အာဖရိကတိုက် ကူးစက်ရောဂါကြိုတင်ကာကွယ်ထိန်းချုပ်ရေးစင်တာ ၏ မတ်လ ၃ ရက်တွင် ထုတ်ပြန်ကြေညာခဲ့သော စာရင်းပြုစုချက်အရ အာဖရိကတိုက်၌ COVID-19 ရောဂါကူးစက်ခံရသူ စုစုပေါင်း ၃,၉၁၅,၃၀၄ ဦးရှိလာခဲ့ပြီး ရောဂါကြောင့်သေဆုံးခဲ့ရသူ စုစုပေါင်း ၁၀၄,၃၉၈ ဦးရှိကြောင်း ၊ ရောဂါမှပြန်လည်သက်သာလာသူ ၃,၄၉၈,၂၃၉ ဦးရှိကြောင်း ၊ အင်ဂိုလာ နှင့် ကင်ညာစသည့် နိုင်ငံများတွင် ကမ္ဘာ့ကျန်းမာရေးအဖွဲ့ ဦးဆောင်သော “COVID-19 ရောဂါ ကာကွယ်ဆေး ဆောင်ရွက်မှုအစီအစဉ်” (COVAX) ဖြင့် ကာကွယ်ဆေးများ လက်ခံရရှိခဲ့ကြောင်း အာဖရိကတိုက်ရှိ ဆင်ဟွာသတင်းဌာန သတင်းထောက်များ၏သတင်းပေးပို့ချက်အရ သိရှိရသည်။

ဖနွမ်းပင်၊ မတ် ၄ ရက် (ဆင်ဟွာ)


ကမ္ဘောဒီးယားနိုင်ငံ ဝန်ကြီးချုပ် Samdech Techo Hun Sen နှင့် ဇနီး Bun Rany သည် မတ် ၄ ရက်၌ Calmette ဆေးရုံတွင် AstraZeneca COVID-19 ကာကွယ်ဆေး ပထမဆုံးအကြိမ်ထိုးနှံမှု ခံယူခဲ့ကြောင်း သိရသည်။

တက်ရှ်ခန့်၊ မတ် ၄ ရက် (ဆင်ဟွာ)

ဥဇဘက်ကစ္စတန်နိုင်ငံတွင် တရုတ်နိုင်ငံမှ ထုတ်လုပ်သော COVID-19 ကာကွယ်ဆေးတစ်မျိုးအတွက် ထောက်ခံချက်ရရှိထားကြောင်း တီထွင်ဆန်းသစ်မှု ဖွံ့ဖြိုးတိုးတက်ရေးဝန်ကြီးဌာက ဖေဖော်ဝါရီ ၁ ရက်၌ ပြောကြားခဲ့သည်။