လက်ဘနွန် နိုင်ငံ၌ ဆင်းရဲနွမ်းပါးမှုနှင့်ဆက်စပ်သော သေကြောင်းကြံစည်မှုများ ဖော်ပြပြီးနောက် ဆန္ဒပြမှုများ ဖြစ်ပွား

လက်ဘနွန် နိုင်ငံ အလံကို ကိုင်ဆောင် ဆန္ဒပြသူ တစ်ဉီးအား နိုဝင်ဘာလ အတွင်းက တွေ့ရစဉ်(ဆင်ဟွာ) Africa & Middle East

ဘေရွတ် ၊ ဒီဇင်ဘာ ၅ ရက်(ဆင်ဟွာ)

လက်ဘနွန် နိုင်ငံ၌ လူနေမှု အဆင့်အတန်း နိမ့်ကျမှုများကြောင့် ကိုယ့်ကိုကိုယ် သေကြောင်းကြံစည်မှုများ အကြောင်း သတင်း ဖော်ပြ ခဲ့ပြီးနောက် မြို့တော် ဘေရွတ်၌ ဒီဇင်ဘာ ၄ ရက်တွင် ဆန္ဒပြပွဲကြီး တစ်ခုအား လက်ဘနွန် နိုင်ငံသားများက ပြုလုပ်ခဲ့ကြောင်း ဒေသတွင်း LDC တီဗွီချန်နယ်က ထုတ်လွှင့်ခဲ့ကြောင်း သိရသည်။

အဆိုပါ ဆန္ဒပြသူများက လက်ရှိ နိုင်ငံရေး အာဏာရ လူတန်းစားများကို ဆန့်ကျင်သည့် ဆောင်ပုဒ်များကို ကြွေးကြော်ကာ ကျွမ်းကျင်သူများ အာဏာရရှိလာရေး အခွင့်အရေး ပေးရန် နှင့် ယိုယွင်းနေသည့် စီးပွားရေးကို ကယ်တင်ရန် ပြုပြင်ပြောင်းလဲမှုများကို အကောင်အထည်ဖော်နိုင်ရေး တို့ အတွက် နိုင်ငံရေးသမားများအား ထွက်ခွာရန် တောင်းဆိုမှုများ ပြုလုပ်ခဲ့ကြောင်း သိရသည်။ 

ဒေသတွင်း သတင်း အေဂျင်စီများ၏ ဖော်ပြမှု အရ ဒီဇင်ဘာ ၄ ရက်တွင် လက်ဘနွန် နိုင်ငံ၏ ပြည်တွင်း အင်အားစု ကော်မတီဝင် တစ်ဉီးမှာ ကိုယ့်ကိုကိုယ် သေကြောင်းကြံစည်ခဲ့ပြီး နှင့် အခြား နိုင်ငံသား တစ်ဦးမှာ ကိုယ့်ကိုကိုယ် ပစ်သတ်သေသွားကြောင်း ၊ ယင်းသေကြောင်းကြံစည်မှုများ နောက်ကွယ်တွင် အကြောင်းရင်းများကို စုံစမ်း စစ်ဆေးနေဆဲ ဖြစ်ကြောင်းလည်း ထည့်သွင်း ဖော်ပြခဲ့ကြသည်။

လက်ဘနွန် အမျိုးသား သတင်း အေဂျင်စီကလည်း ဖော်ပြခဲ့ရာတွင် ဒီဇင်ဘာ ၄ ရက်က အဌားယာဉ်မောင်း တစ်ဦးမှာ အကြွေး ပြန်မဆပ်နိုင်တော့သဖြင့် အဆောက်အအုံ တစ်ခုမှ ခုန်ချရန် ကြိုးစားခဲ့သော်လည်း ယင်းဧရိယာရှိ ပြည်သူများက ယာဉ်မောင်း ဖြစ်သူကို ကိုယ့်ကိုကိုယ် သေကြောင်းကြံစည်ခြင်းမှ တားဆီးနိုင်ခဲ့ကြောင်း ဖော်ပြခဲ့ကြသည်။

လက်ဘနွန် နိုင်ငံရှိ Arsal မြို့မှ လူတစ်ဦးမှာ ဒီဇင်ဘာ ၁ ရက်တွင် ၎င်း၏ သမီး ဖြစ်သူကို လက်ဘနွန်ပေါင် ၁,၀၀၀ (အမေရိကန် ဒေါ်လာ ၀ ဒသမ ၆၆ ခန့်)ကို ပေးရန် မတတ်နိုင်၍ သေကြောင်းကြံစည်ခဲ့ကြောင်း သိရသည်။

လက်ဘနွန် နိုင်ငံ၌ အောက်တိုဘာ ၁၇ ရက်ကတည်းက လက်ရှိ နိုင်ငံရေး အာဏာရ လူတန်းစားများကို ဆန့်ကျင်သည့် ကန့်ကွက်မှုများအား နိုင်ငံတစ်ဝန်း တွေ့ကြုံနေရကြောင်း သိရသည်။(Xinhua)